ស្បូនជាសរីរាង្គសំខាន់បំផុតសម្រាប់មនុស្សស្រី វាទីតាំងសម្រាប់កូនរស់នៅនិងលូតសាល់រយៈពេល៩ខែ១០ថ្ងៃ។ ប្រសិនបើស្បូនរបស់ស្រ្តីខ្សោយ គឺប្រឈមមុខជាមួយបញ្ហាជាច្រើនដូចជា ពិបាកមានកូន ពេលមានកូនៗនោះសុខភាពខ្សោយ ប្រឈមនឹងជំងឺផ្សេងៗដូចជា កើតដុំគីស ករណីធ្ងន់ធ្ងរឈានទៅដល់មហារីកស្បូនឬដៃស្បូនគ្រោះថ្នាក់ណាស់។ ដូច្នេះ បើចង់ឱ្យស្បូនរបស់អ្នករឹងមាំ ខ្លាំងប្រឆាំងជំងឺ សូមអនុវត្តតាមការណែនាំរបស់វេជ្ជបណ្ឌិតខាងក្រោម។

ជាការពិតណាស់ យោងតាមការចុះផ្សាយនៅលើកេហទំព័រ The Health Side វេជ្ជបណ្ឌិត Young Bae Kim, MD ឯកទេសផ្នែកសម្ភពនិងរោគស្រ្តីបានចែករំលែកថា សកម្មរស់នៅប្រចាំថ្ងៃរបស់ស្រ្តី បូករួមជាមួយនឹងរបបអាហារគឺសំខាន់បំផុតសម្រាប់សុខភាពស្បូន។ បើស្រ្តីមានទម្លាប់រស់នៅត្រឹមត្រូវ ញ៉ាំអាហារល្អៗជំនួយស្បូន នោះស្បូននឹងរឹងមាំសុខភាពល្អ គ្មានជំងឺណាអាចមកយាយីស្បូនបានឡើយ។ ខាងក្រោយនេះជាក្បួន៣ ប៉ូវស្បូនស្រ្តីគ្រប់វ័យឱ្យរឹងមាំ បង្កើតរបាំងការពារស្បូនពីជំងឺ៖

១.​ ចៀសវាងការអង្គុយយូរ៖ ការ​អង្គុយ​យូរ​ពេក​អាច​រាំងស្ទះ​ដល់​ចរាចរ​ឈាម និង​ថាមពល ក្នុង​តំបន់​អាងត្រគាក។ ​ជា​ជាហេតុធ្វើ​ឱ្យ​ជញ្ជាំង​ស្បូន​កាន់តែ​ក្រាស់ និង​បង្កើន​ឱកាស​នៃ​ជំងឺ endometriosis (ការ​បង្កើត​ជា​ការ​ស្អិត និង​ជាលិកា​ស្លាកស្នាម)។ ដូច្នេះសម្រាប់អ្នកដែលធ្វើការឬប្រកបមុខរបបដែលតម្រូវឱ្យអង្គុយយូរៗ អ្នកត្រូវក្រោយឈរធ្វើចលនា ឬក្រោកដើរនៅរៀងរាល់១ម៉ោងម្តង ដើម្បីឱ្យចរន្តឈាមរត់បានល្អ។

២. ញ៉ាំអាហារដែលផ្ទុកជាតិអាស៊ីកហ្វូលីក បេតា និងការ៉ូទីន៖ អាហារមានផ្ទុកសារធាតុទាំង៣នេះគឺជួយពង្រឹងមុខងារស្បូន ថែសុខភាពស្បូនឱ្យរឹងមាំ។ ពេលវេលាដ៏ល្អបំផុតគឺនៅពេលព្រឹក ស្ត្រី​គួរ​ទទួលទាន​ ​គ្រាប់​ធញ្ញជាតិ quinoa, millets នំប៉័ង​ស្រូវសាលី ផ្លែប៊័រ ឬស៊ុត ដើម្បីស្បូនរឹងមាំសុខភាពល្អ។

៣. ហាត់ប្រាណពង្រឹងកម្រិតអរម៉ូន៖ លំហាត់ប្រាណជួយកម្រិតអរម៉ូនថែស្បូនស្រ្តីមានដូចជា៖

·  ក្បាច់ Baddha Konasana (Cobbler Pose)៖ ក្បាច់នេះអ្នកគួរហាត់នៅពេលល្ងាច របៀបក្នុងការហាត់ ដំបូងត្រូវអង្គុយឱ្យត្រង់ខ្នង បន្ទាប់មកដាក់បាតជើងទាំង២របស់អ្នកទល់គ្នា រួចឱនមុខទៅមុខឱ្យទល់ទៅនឹងឥដ្ឋឬកម្រាលរយៈពេល១នាទី។ ក្បាច់នេះជួយឱយសាច់ដុំស្បូនរបស់អ្នកមានចលនា និងជួយឱ្យស្បូនរឹងមាំឈ្នះជំងឺផ្សេងៗផងដែរ។

·  ក្បាច់ Setu Bandhasana (Bridge Pose)៖ ក្បាច់នេះហាត់ពេលល្ងាច របៀបក្នុងការហាត់ ដំបូងត្រូវដេកឱ្យត្រង់ខ្លួន រួចបញ្ឈរជង្គង់ទាំង២ បន្ទាប់មកពើងផ្នែកខ្លួនឡើងទៅលើ(ធ្វើដូចរូប) ចំណែកដៃទាំង២ត្រូវដាក់នៅពីក្រោមខ្លួនដែលពើង ធ្វើបែបនេះរយៈពេល២០វិនាទី។

·  ក្បាច់ Hanumanasna (Front Split Pose)៖ ក្បាច់នេះគួរហាត់ពេលល្ងាច របៀបក្នុងការហាត់ ដំបូងត្រូវអង្គុយឱ្យត្រង់ខ្នង រួចសណ្ដូកជើងត្រង់ ហើយកន្ធែកចេញពីគ្នាឱ្យតឹងសរសៃរយៈពេល១នាទី។ ហាត់ដំបូងៗអ្នកមិនគួរព្យាយាមកន្ធែកជើងធំពេកទេ តែព្យាយាមកន្ធែកទៅតាមសរសៃរបស់អ្នកដែលអាចយឺតបាន។

សរុបជារួមមកវិញ ក្បួនទាំង៤ខាងលើគឺពិតជាសំខាន់សម្រាប់សុខភាពស្បូនស្រ្តី។ ប្រសិនជាស្រ្តីគ្រប់រូបបានអនុវត្តក្បួនទាំង៤ខាងលើជារៀងរាល់ថ្ងៃ មិនបាច់ភ័យខ្លាចស្បូនឈឺនោះទេ៕

អត្ថបទដោយ៖ គន្ធា