មានគ្រូពេទ្យជាច្រើនបានប្រាប់ថា បញ្ហាធាត់ បញ្ហាផ្លូវចិត្ត និងប្រព័ន្ធភាពស៊ាំចុះខ្សោយ ព្រោះតែស្រ្តេសនេះឯង។ អ្នកកុំមើលងាយស្រ្តេសណា! វាជាដុំភ្លឺតូចមួយតែមានសមត្ថភាពអាចដុតខួរក្បាលរបស់អ្នកឱ្យឆាប់ភ្លេច និងរាងកាយមានជំងឺបាន។ ដើម្បីការពារបញ្ហាទាំងអស់នេះកុំឱ្យវារីកធំនោះ អ្នកមកស្គាល់សញ្ញា ៣នេះសិន។
១. ចេះតែភ្លេចភ្លាំងច្រើន និងពិបាកពិបាកផ្ដោតអារម្មណ៍៖ មនុស្សសព្វថ្ងៃនេះ មានការងារច្រើនណាស់ ព្រោះតែពិបាកបែងពេលវេលាបែបនេះហើយ ធ្វើឱ្យគេស្រ្តេសម្តងបន្តិចៗ រហូតកើតជំងឺខ្សោយខួរក្បាលព្រោះតែស្រ្តេសស៊ីកោសិកាខួរក្បាល។ បញ្ហាស្រ្តេសក្នុងការងារធ្ងន់ធ្ងរក៏អាចនាំឲ្យយើងច្របូកច្របល់ផ្នែកអារម្មណ៍ ភ្លេចភ្លាំងច្រើន និងពិបាកផ្ដោតអារម្មណ៍។ ពេលយើងធ្វើការងារច្រើន គេងមិនគ្រប់គ្រាន់ ស្រ្តេស និងប្រើប្រាស់បណ្តាញសង្គមច្រើនជ្រុលក៏អាចបង្កជាបញ្ហាផ្លូវចិត្តដែរ។
២. ចេះតែគេងកម្រលក់៖ ពេលអ្នកមានបញ្ហាស្រ្តេសការងារធ្ងន់ធ្ងរអាចធ្វើឲ្យអ្នកមានអារម្មណ៍ពិបាកគេង ឬគេងច្រើនជ្រុលពេកក៏មានដែរ វាសុទ្ធតែបង្កផលប៉ះពាល់ដល់សុខភាពផ្លូវកាយ និងផ្លូវចិត្ត។ ដូចនេះ អ្នកគួរមានទម្លាប់គេងឱ្យទៀងពេល ទើបការគេងរបស់អ្នកមានប្រសិទ្ធភាពហើយយ៉ាងហោចណាស់អ្នកគេង ៧ម៉ោងក្នុងមួយថ្ងៃដែរ។
៣. មានអារម្មណ៍ឆាប់ខឹង៖ អ្នកកើតមានជំងឺស្រ្តេស អាចនឹងមានអារម្មណ៍ឆេវឆាវ ឆាប់ខឹង មួរម៉ៅ និងអវិជ្ជមានច្រើន។ ពេលអ្នកស្រ្តេសធ្ងន់ធ្ងរ គឺនៅក្នុងខួរក្បាលរបស់អ្នកសម្បូរមេរោគអវិជ្ជមានច្រើនណាស់ ដើម្បីផលិតអារម្មណ៍អវិជ្ជមានចចេញមកដែរ។ ហើយវាក៏ធ្វើឱ្យអ្នកមានអារម្មណ៍ ច្របូកច្របល់ ខ្វល់ខ្វាយ និងព្រួយបារម្ភរឿងរ៉ាវជាច្រើនវិលវល់ពេញខួរក្បាលរបស់អ្នក រហូតធ្វើឲ្យអ្នកធុញ និងស្មុគ្រស្មាញ ទោះបីជារឿងការងារតូចតាចក៏ដោយ៕ អត្ថបទដោយ៖ ទ្រ សុភាព