មនុស្សជាច្រើនមានបញ្ហាធាត់នាំលើសឈាម ជំងឺបេះដូង និងប្រព័ន្ធភាពចុះខ្សោយ។ អាហារឡើងគីឡូមានដូចជាផឹកស្រា អាហាររហ័ស និងភេសជ្ជៈជាតិផ្អែម។ អ្នកគួរតែប្តូរហូបអាហារបែបផ្លែឈើនិងភេសជ្ជៈកាត់បន្ថយជាតិស្ករ ធ្វើឱ្យអ្នកស្រកគីឡូបានលឿន។ នៅខាងក្រោមនេះមានភេសជ្ជៈនិងផ្លែឈើជួយឱ្យអ្នកស្រកគីឡូមិនប៉ះពាល់សុខភាព។
១. ផ្លែល្ហុង៖ បើយោងតាមគេហទំព័រ Everyday Healthបានប្រាប់ថា ល្ហុង ជាផ្លែឈើដែលសម្បូរដោយជាតិកាកសរសៃខ្ពស់ ក្នុងការជួយសម្រួលដល់ការបន្ទរបង់។ ដូច្នេះ ការញ៉ាំផ្លែល្ហុងនៅពេលល្ងាចគឺ ល្អបំផុតសម្រាប់លោកអ្នកដែលចង់បានរាងស្លីម បន្ថែមពីនេះ វាសម្បូរទៅដោយវីតាមីនច្រើនមុខដែលជួយឱ្យសម្រស់ស្បែករបស់អ្នកកាន់ស្រស់ស្អាត ភ្លឺរលោងផងដែរ។ ផ្លែឈើនេះនៅខ្មែរក៏សម្បូរលក់ដែរ វាមានអត្ថប្រយោជន៍កម្ចាត់បានល្អណាស់។
២. កាហ្វេ៖ អ្នកចង់សម្រកគីឡូ ការជ្រើសកាហ្វេល្អបំផុត។ តាមគេហទំព័រ healthline បានចុះផ្សាយថា កាហ្វេជាភេសជ្ជៈដែលពេញនិយមមួយប្រភេទ អត្ថប្រយោជន៍របស់កាហ្វេគឺមានច្រើនណាស់ ជួយដាស់ស្មារតី រំញើចខួរក្បាល ឱ្យស្រឡះ។ លើសពីនេះកាហ្វេក៏មានប្រយោជន៍ជួយសម្រកទម្ងន់បានផងដែរ ផឹកកាហ្វេអាចជួយឱ្យអ្នកកាត់បន្ថយការឃ្លាន និងចំនួនអាហារដែលញុំាចូល។
៣. ទឹកឃ្មុំ៖ តាមលោកវេជ្ជបណ្ឌិត John Sievenpiper ជាអ្នកស្រាវជ្រាវវេជ្ជសាស្រ្តបានបង្ហាញឱ្យដឹងពីអត្ថប្រយោជន៍ដ៏ល្អនៃទឹកឃ្មុំធម្មជាតិបានរកឃើញថា ការញ៉ាំទឹកឃ្មុំបានផ្សារភ្ជាប់ជាមួយនឹងការថយចុះជាតិស្ករក្នុងឈាម ជារង្វាស់នៃជាតិស្ករក្នុងឈាមដែលប្រើសម្រាប់ធ្វើរោគវិនិច្ឆ័យជំងឺទឹកនោមផ្អែមនិងកម្ចាត់ជាតិខ្លាញ់។ ពេលអ្នកអាចកាត់បន្ថយជាតិស្ករកែច្នៃ ទឹកស៊ីរ៉ូ ឬជាតិផ្អែមបែបនេះ ត្រឹមតែពេលមួយខែ អ្នកនឹងស្រកគីឡូមិនខានឡើង៕ អត្ថបទដោយ៖ ទ្រ សុភាព
អ្នកអាចទិញតាមនេះអ្នកអាចទិញសៀវភៅ "លំហូរចិត្ត" តាមនេះ👉https://t.me/BusinessCambodiaBook