១.មានអត្តចរិតមិនធ្វើការប្រៀបធៀបខ្លួនឯងជាមួយគេ៖ អ្នកគួរតែឈប់ប្រៀបធៀបខ្លួនជាមួយអ្នកដទៃ ព្រោះវាជាចោរលួចក្តីស្រឡាញ់ចេញជីវិតអ្នក។ ចូររស់នៅជាមួយតម្លៃរបស់ខ្លួនអ្នក ទើបផ្លូវចិត្តរបស់អ្នករស់នៅបានសុខ។ ជីវិតមានក្ដីសុខបានរបៀបណា ប្រសិនបើយើងរវល់ចំណាយពេលប្រៀបធៀបខ្លួនឯងជាមួយអ្នកដទៃ។ រវល់តែឈឺចាប់ គិតថាខ្លួនឯងមិនល្អ ក្រខ្សត់ មិនស្អាតកន្លែងនេះកន្លែងនោះ មិនល្អដូចអ្នកនេះមិនល្អដូចអ្នកនោះ គិតចុះគិតឡើងជីវិតនេះនឹងមានតែពន្លឺខ្មៅងងឹតគ្រប់ដណ្ដប់គ្មានថ្ងៃស្គាល់ពន្លឺនិងគេឡើយ។

២. អត្តចរិតនិយាយតិច ធ្វើច្រើន៖ អ្នកនិយាយច្រើនគ្មានប្រយោជន៍ ឬនិយាយច្រើនតែគ្មានសាច់ការសោះ វាធ្វើឱ្យខាតពេល ខាតសមត្ថភាពទៅវិញ។ តាមលោក Holiday បានបញ្ជាក់ថា “ចូរអ្នករបៀបគ្រប់គ្រងអារម្មណ៍របស់ខ្លួនកុំនិយាយច្រើនពេក ចូរអ្នកឈ្លក់វង្វេងចិត្តគំនិតក្នុងការងារវិញ ទើបអ្នកដុះសមត្ថភាពខ្លាំង”។ តាមសៀវភៅ លំហូរចិត្ត បានបញ្ជាក់ដែរថា “រាល់បុគ្គលមានឥទ្ធិពលជាអ្នកធ្វើការ ធ្វើការ ធ្វើរហូតទាល់តែចេញលទ្ធផល តែជាបុគ្គលដាក់ខ្លួនយ៉ាងសាមញ្ញបំផុត”។

៣. ដើរលើផ្លូវការអភិវឌ្ឍខ្លួនជាបន្តបន្ទាប់៖ ជនសាំមូរ៉ៃជាអ្នកមានគំនិតជឿលឿនក្នុងការអភិវឌ្ឍខ្លួនឥតឈប់ឈរនោះទេ ជាហេតុធ្វើឱ្យពួកគេមានអត្តចរិតក្លាហ៊ាន និងជឿជាក់លើខ្លួនឯង។ ពួកគេបានឧទ្ទិសខ្លួនពួកគេចំពោះភាពស្ទាត់ជំនាញ ហើយព្យាយាមកែច្នៃអត្តចរិករបស់ពួកគេពេញមួយជីវិតតែម្តង។ ការទទួលយកផ្នត់គំនិតនៃការរៀនបន្តនិងការរីកចម្រើនអាចជួយពួកគេឈានដល់សក្តានុពលពេញលេញនិងជម្នះឧបសគ្គបានគ្រប់យ៉ាងងាយស្រួលផងដែរ។ ការបណ្តុះអត្តចរិត បណ្តុះអនាគតឱ្យមានភាពជឿជាក់៕ អត្ថបទដោយ៖ ទ្រ សុភាព