បើយុវជនមិនខំប្រឹងដោយខ្លួនឯងទេ អនាគតនឹងដាំក្បាលចុះ ហើយអនាគតខ្លួនលំបាក ផ្លូវចិត្តក៏វេទនាដែរ។ តាមសម្តេច ដាឡៃ ឡាម៉ា បានណែនាំយុវជនឱ្យចេះរស់នៅកុំឱ្យមានការប្រៀបធៀបគ្នា ដោយបានលើកឡើងថា យុវជនដែលចេះពេញចិត្តជាមួយខ្លួនឯង ជាគុណសម្បត្តិមួយធ្វើឱ្យគេមានសេចក្តីស្ងប់ក្នុងចិត្ត។ ព្រោះវាកើតចេញពីក្តីមេត្តាករុណា ភាពស្មោះត្រង់ និងអ្វីដែលខ្ញុំហៅថា ការប្រតិបត្តិតាមគោលការណ៍នៃចរិយាធម៌ជាការប្រតិបត្តិដែលជាការគោរពដល់សិទ្ធិអ្នកដទៃក្នុងការទទួលយកសេចក្តីសុខនោះឯង”។ និយាយឱ្យខ្លីគតិបណ្ឌិតមួយនេះមានន័យថា បើយុវជនចេះគោរពអ្នកដទៃ ចេះឱ្យតម្លៃអ្នកដទៃ និងមានបេះដូងចេះជួយអ្នកដទៃ ជាគុណបុណ្យធំណាស់ធ្វើឱ្យគេមានអនាគតល្អ និងផ្លូវចិត្តរីករាយជាមិនខានឡើយ។ នេះជតម្រុយទីមួយដែលយុវជនគួរដាក់អំណួតចុះ។
សម្រាប់តម្រុយទី២ ខំរៀនសូត្រ ទើបមានអនាគតល្អ។ អ្នកត្រូវយល់ថា ការរៀនធ្វើឱ្យខ្លួនអ្នក សមត្ថភាពរបស់អ្នករីកធំ ហើយអនាគតរបស់អ្នករីកលូយលាស់ដែរ។ ដូចនេះហើយតាមសម្តេច ឡាម៉ា មានសង្ឃដីកាថា បើយុវជនមិនខំរៀនសូត្រទាន់ខ្លួននៅក្មេងទេ ហើយចាំធំទើបខំប្រឹង ចាំស្វែងរកចំណេះនោះ វាមិនល្អដល់អនាគតទេ។ ខ្ញុំបានឆ្លងកាត់រឿងនេះរួចមកហើយ មានពេលខ្លះ ខ្ញុំមិនយកចិត្តទុកដាក់នូវអ្វីដែលកំពុងរៀន និងមិនខំប្រឹងប្រែងរៀនថែមទៀត វាធ្វើឱ្យមានអារម្មណ៍សែនស្តាយខ្លួនណាស់កាលណោះ។ ព្រោះតែខ្ញុំមានហាក់ដូចជាបាត់បង់អ្វីមួយក្នុងពេលនោះដោយបទពិសោធន៍អាក្រក់ទាំងនោះ ទើបខ្ញុំសូមណែនាំដល់យុវជន យុវនារីទាំងឡាយឲ្យខំរៀនសូត្រ កុំឱ្យចាស់ទៅលំនាកមុខលំបាកក្រោយ។ ពេលវេលារបស់អ្នកនៅក្មេងមានតម្លៃណាស់”។
ហើយសម្តេចបានបន្តថា យុវជនជាវ័យមួយមានសតិបញ្ញាលូតលាស់ល្អ ហើយក្នុងចិត្តពោរពេញទៅដោយសំណួរបញ្ញា។ ហើយយុវជនដែលមានក្តីប្រាថ្នាដ៏ខ្លាំងក្លាក្នុងការចង់ចេះចង់ដឹងជាមូលដ្ឋាននៃការរីកចម្រើនអនាគតរបស់គេហើយ។ បើយុវជនកាន់តែចង់ចេះចង់ដឹងអំពីពិភពលោកនេះ គួរតែចេះឆ្ងល់ហើយខំធ្វើការ ទើបបែកបញ្ញាមិនខានទេ។ ការឆ្ងល់នេះធ្វើឱ្យយុវជនមានគំនិតបញ្ញាកាន់តែឆ្លាតច្រើនឡើង ហើយអនាគត និងផ្លូវចិត្តកាន់តែរឹងមាំ៕ អត្ថបទដោយ៖ ទ្រ សុភាព