ជំងឺស្រ្តូកឬហៅថាជំងឺដាច់សរសៃឈាមខួរក្បាលគឺ ជាជំងឺមួយដែលបង្កជាផលប៉ះពាល់ដល់សុខភាពខ្លាំង អាចធ្វើឱ្យអ្នកជំងឺស្លាប់មួយចំហៀងខ្លួន(ទន់មួយចំហៀងខ្លួនកម្រើកមិនបាន) និយាយមិនចេញ ពិបាកក្នុងការរស់នៅ ខ្លាំងណាស់ ត្រូវគេងនៅមួយកន្លែង។ ចំពោះជំងឺនេះទៀតសោត បង្កមកពីកត្តារស់នៅប្រចាំថ្ងៃដូចជា ញុំាអាហារប្រៃនិងខ្លាញ់ពេក មានជំងឺលើសឈាម បេះដូង ជំងឺទឹកនោមផ្អែម…ជាដើម។
នេះបើយោយតាមរយៈការចែករំលែក របស់លោកគ្រូ សួន សុខុម ជាប្រធាន គ្លីនិកហ្វីសូខេម ជាគ្លីនិកឈានមុខមួយក្នុងការព្យាបាលជំងឺ ដាច់សរសៃឈាមខួរក្បាល ។ លោកគ្រូ បានបញ្ចប់ការសិក្សាជំនាញនេះតាំងពីឆ្នាំ១៩៩៤មកម្ល៉េះ។ លោកគ្រូក៏បានរៀបរាប់ពីកត្តា គ្រោះថ្នាក់ប៉ះពាល់ដល់សុខភាព បង្កមកពីជំងឺដាច់សរសៃឈាមខួរក្បាល(ស្រ្តូក)នេះថាជំងឺនេះគឺ មានបែងចែកជា២ប្រភេទ។
- ប្រភេទី១៖ ស្រ្តូកដោយសារការស្ទះសរសៃឈាមក្នុងខួរក្បាល(ធ្វើឱ្យទន់មួយចំហៀងខ្លួនឡើងមក)។
-ប្រភេទទី២៖ គឺបណ្ដាលមកពី សម្ពាធឈាមឡើងខ្ពស់ក៏នាំឱ្យ ដាច់សរសៃឈាមខួរក្បាល ប្រភេទនេះគឺជាគ្រោះថ្នាក់ខ្លាំងណាស់។
វិធីព្យាបាលជំងឺស្ទះសរសៃឈាមខួរក្បាលដោយយចលនាមានដូចជា៖
-ករណីអ្នកជំងឺទន់មួយចំហៀងខ្លួន៖ គាត់មិនអាចធ្វើចលនាប្រចាំថ្ងៃបាន ដូចជាដើរ អង្គុយ ញុំាអាហារជាដើម គឺគ្រូពេទ្យប្រើវិធីព្យាបាលដោយចលនាប្រើរយៈពេលខ្លី អាចជួយស្ដារឱ្យអ្នកជំងឺប្រសើរឡើងជាងមុនច្រើន។
-ករណីគាត់មិនអាចលេបអាហារបាន៖ ត្រង់ចំណុចនេះមានន័យថាកាលណា គាត់ទន់មួយចំហៀងខ្លួន(ស្លាប់មួយចំហៀងខ្លួន) ការលេបឬញុំាអាហារពិបាកដូចគ្នា អាចធ្វើឱ្យឈ្លក់ ឬញុំាមិនកើត។ តែប្រសិនបើមានករណីនេះឡើងមក គួរនាំអ្នកជំងឺមកមន្ទីរពេទ្យ ព្រោះគ្រូពេទ្យនិងធ្វើការព្យាបាលដូចជា សុលច្រមុះ ដើម្បីបាញ់អាហារចូល ងាយស្រួលដល់អ្នកជំងឺ ដើម្បីការពារគ្រោះថ្នាក់ដោយសារញុំាអាហារមិនកើត។ ក្រោយពីសង្គ្រោះបែបនេះហើយ គ្រូពេទ្យនឹងបង្រៀនឱ្យអ្នកជំងឺអាចញុំាអាហារបានដោយខ្លួន ឯង។
តួយ៉ាង លោកគ្រូ បានបន្តថា ជំងឺនេះប្រសិនណា មិនបានទទួលការព្យាបាល ឱ្យបានត្រឹមត្រូវនោះទេគឺអាចបណ្ដាលឱ្យ អ្នកជំងឺមិនអាចដើរបានឬក៏កម្រើកបានអស់មួយជីវិត។ ប៉ុន្ដែមកដល់ពេលបច្ចុបុ្បន្ននេះលែងបារម្ភថា កើតជំងឺដាច់សរសៃឈាមខួរក្បាល បង្កឱ្យស្លាប់មួយចំហៀងខ្លួន ត្រូវរស់នៅអស់សង្ឃឹមមួយជីវិតថាខ្លួន មិនអាចជាសះស្បើយគេងលើគ្រែរហូតឡើយ។ គ្លីនិកលោកគ្រូ គឺមានគ្រូពេទ្យជំនាញៗជាច្រើនរូប អាចជួយព្យាបាលជំងឺដាច់សរសៃឈាមខួរក្បាល(ស្រ្តូក) ប្រើវិធីព្យាបាលដោយ ចលនា ។ រួមទាំងសម្បូរដោយឧបករណ៍ទំនើបៗ ព្យាបាលជាតាមរយៈពេលខ្លីមានផល ភាគរយជាសះស្បើយខ្ពស់។
ជាចុងក្រោយលោកគ្រូបានណែនាំថា ដើម្បីបង្ការជំងឺដាច់សរសៃឈាមខួរក្បាលបងប្អូនគួរតែប្រយ័ត្នក្នុងការញុំាអាហារប្រៃ ខ្លាញ់ ហើយប្រសិនណាបានជំងឺបេះដូង ទឹកនោមផ្អែម គួរតែយកចិត្តទៅជួបពេទ្យដើម្បីព្យាបាលឱ្យបានត្រឹមត្រូវ ព្រោះជំងឺទាំងនេះអាចបណ្ដាលឱ្យ សាច់សរសៃឈាមខួរក្បាលឡើងមក។ មួយវិញទៀតលោកគ្រូផ្ដាំថា ត្រូវព្យាយាមក្នុងការហាត់ប្រាណប្រចាំថ្ងៃ ព្រោះការហាត់នេះ អាចជួយឱ្យចរន្ដឈាមនិងបេះដូងដំណើរការបានល្អ កាត់បន្ថយការស្ទះសរសៃឈាមឡើងមក៕
ខ្វះគំនិតរកស៊ី ចង់បានសៀវភៅចែកជូនហ្វ្រី ចង់ជួបវាគ្មិនដែលជាសហគ្រិនល្បីៗ សូមកុំភ្លេចមកចូលរួមពិព័រណ៍ Startup Expo 2022
អត្ថបទដោយ៖ ប៉ែត ធីតា