ស្រ្តេសគឺបង្កផលប៉ះពាល់ធ្ងន់ធ្ងរខ្លាំងបំផុតដល់ជីវិតរស់នៅរបស់អ្នក ស្រ្តេសធ្វើឱ្យអ្នកប្រឈមជំងឺលើសឈាម ទឹកនោមផ្អែម ជំងឺបេះដូង ជំងឺដាច់សរសៃឈាមខួរក្បាល ឡើងទម្ងន់ អ្នកខ្លះស្ត្រេសធ្ងន់ធ្ងរ កើតវិបាត់ផ្លូវចិត្តធ្ងន់ធ្ងរឈានដល់សម្លាប់ខ្លួនក៏មាន ហើយរឿងសម្លាប់ខ្លួននេះគឺមានច្រើនករណីមកហើយ…។ ដូច្នេះបើសិនអ្នកមិនដឹងពីរោគសញ្ញាថាខ្លួនឯងស្ត្រេសគឺគ្រោះថ្នាក់ខ្លាំងមែនទែន បើអ្នកមិនព្រមទប់ស្កាត់និងរកវិធីដើម្បីកាត់បន្ថយទាន់នៅតិចៗ។

ខាងក្រោមនេះគឺជារោគសញ្ញាបង្ហាញថា អ្នកកំពុងស្រ្តេសធ្ងន់ធ្ងរហើយ បើមិនប្រញាប់រកជំនួយទេ សភាពកាន់តែធ្ងន់ទៅៗមិនខាន។

រោគសញ្ញាស្តេ្រសលើរាងកាយ

-អស់កម្លាំង និងពិបាកគេង

-ឈឺក្បាលវិលមុខ

-សម្ពាធឈាមឡើងខ្ពស់ បេះដូងលោតញាប់

-មានបញ្ហាផ្លូវភេទ

-ខ្សោយប្រព័ន្ធរំលាយអាហារ

-ប្រព័ន្ធភាពសុំាក្នុងខ្លួនចុះខ្សោយ។

រោគសញ្ញាផ្លូវចិត្ត

-ថប់បារម្ភ ឆាប់ខឹងឆេវឆាវ

-ធ្លាក់ទឹកចិត្ត ​ងាយស្លន់ស្លោរ

រោគសញ្ញាអាកប្បកិរិយា

-ញុំាច្រើនទៅៗ

-ប្រើប្រាស់គ្រឿងស្រវឹង

-អាចលែងល្បែងស៊ីសង

-ប្រព្រិត្តិសកម្មភាពផ្លូវភេទមិនត្រឹមត្រូវ បែបគ្រោះថ្នាក់។

ជាមួយគ្នានេះដែរបើសិនអ្នកមានរោគសញ្ញាដូចបានរៀបរាប់ខាងលើ សូមប្រញាប់រកជំនួយ នេះបើយោងតាមរយៈប្រភព mayoclinic គេបានណែនាំវិធីកាត់បន្ថយស្រ្តេសល្អៗគួរតែសាកល្បងព្រោះបានផលខ្ពស់។

-ចំណាយពេលជាមួយគ្រួសារ មិត្តភក្តិ

-គេងឱ្យបានគ្រប់គ្រាន់ ញុំាអាហារឱ្យមានតុល្យភាពប្រចាំថ្ងៃ

-ចៀសវាងប្រើប្រាស់គ្រឿងស្រវឹង

-ចំណាយពេលជាមួយខ្លួនឯង អាចអានសៀវភៅ ដើរលេងកន្លែងដែលអ្នកចង់ទៅ ឬក៏ស្ដាប់តន្រ្តីជាដើម

-បន្ធូរអារម្មណ៍ដកដង្ហើមវែងៗ តាមរយៈការធ្វើសមាធិ ហាត់យូហ្គា ដើរហាត់ប្រាណ ហែលទឹក ជិះកង់ ម៉ាស្សាខ្លួនជាដើម សុទ្ធតែអាចជួយអ្នកកាត់បន្ថយស្រ្តេសបានច្រើនណាស់ ។ ផ្ទុយទៅវិញកុំព្យាយាមនៅតែម្នាក់ឯងក្នុងបន្ទប់ គិតរវើរវាយតែម្នាក់ឯង អាចស្ថានភាពកាន់តែអាក្រក់។

ជាចុងក្រោយ បើសិននៅតែមិនទាន់ធុរស្បើយខ្លាំង អាចទៅជួបពេទ្យបាន មិនបាច់ព្យាយាមជម្នះស្រ្តេសដោយខ្លួនឯងពេកទេ អាចរកពេទ្យជួយបានព្រោះស្រ្តេសក៏បានថ្នាំសម្រាប់ជំនួយ កាត់បន្ថយដូចគ្នា តែត្រូវចេញពីវេជ្ជបញ្ជាររបស់ពេទ្យត្រឹមត្រូវ៕