ជាការពិតណាស់ ទម្លាប់ គឺជាអាវុធមុខ២ បើកាលណាអ្នកជាមនុស្សមានទម្លាប់ល្អ នោះសុខភាពរបស់អ្នកក៏ល្អដូចគ្នា បើអ្នកមានទម្លាប់អាក្រក់នោះសុខភាពរបស់អ្នកក៏ងាយទ្រុឌទ្រោមជាក់ជាមិនខានឡើយ។ ដូច្នេះហើយយើងមកបង្ហាញទម្លាប់អាក្រក់៣យ៉ាងដែលអ្នកធ្វើរាល់ថ្ងៃ សុខភាពរបស់បេះដូងកាន់តែខ្សោយ និងប្រឈមជំងឺលើសឈាមថែមទៀត។
-មិនដែលញុំាបន្លែផ្លែឈើ៖ ជាធម្មតាម្ហូបអាហារមានច្រើនប្រភេទ តែអាហារដែលជាប់ចំណាត់ថ្នាក់ថែទាំសុខភាពអ្នកជួយគ្រប់ផ្នែកនៃរាងកាយមិនឱ្យកកស្ទះទាំងខ្លាញ់អាក្រក់ ពង្រឹងរាងកាយ ជួយឱ្យសុខភាពល្អមិនងាយឈឺច្រើន ដូចជាតម្រងនោម លើសឈាម បេះដូង ដាច់សរសៃឈាមក្នុងខួរក្បាល និងប្រភេទជំងឺជាច្រើនទៀត នោះគឺបន្លែ ផ្លែឈើ ប្រភេទត្រីខ្លាញ់ល្អៗ។
-មិនដែលហាត់ប្រាណ៖ ហាត់ប្រាណមិនត្រឹមជួយឱ្យរាងស្អាតទេ តែការហាត់ប្រាណបានជួយបណ្ដេញជំងឺឱ្យចេញពីក្នុងខ្លួនដូចគ្នា ហាត់ប្រាណជួយរត់ជំងឺបេះដូង ហាត់ប្រាណជួយដេញខ្លាញ់អាក្រក់ ហាត់ប្រាណជួយដេញ ស្រេ្តស ថប់បារម្ភ និយាយរួមហាត់ប្រាណ គឺជាគ្រួពេទ្យដ៏ពូកែបំផុតជួយព្យាបាលជំងឺឱ្យឆាប់ជាសះស្បើយ។
-ទម្លាប់ផឹកស្រាជក់បារីរាល់ថ្ងៃ ទម្លាប់នេះ ដូចដុតខ្លួនឯងឱ្យធ្លាក់ក្នុងស្ថានភាពទ្រុធទ្រោម កើតជំងឺរុំា អ្នកខ្លះមិនទាំងដឹងថាខ្លួនកំពុងតែមានជំងឺលើសឈាមហើយ។ ព្រោះស្រានិងបារីនេះ មិនបានជួយឱ្យសុខភាពអ្នកល្អរឹងមាំគ្មានជំងឺមកយារីនោះទេ តែវាជាមេខ្លោងនាំជំងឺជាច្រើន ដែលអាចផ្ដាច់អាយុអ្នកឱ្យខ្លី ទាំងមិនដឹងខ្លួន។ ស្រាបារីធ្វើឱ្យខូចថ្លើម ខួរក្បាល បេះដូង ជំងឺលើសឈាម ខ្សោយតម្រងនោម រួមទាំងជំងឺទឹកនោមផ្អែមជាដើម។
ជាចុងក្រោយទម្លាប់ខាងលើ គឺគ្រោះថ្នាក់ដល់សុខភាពរបស់អ្នកខ្លាំងបំផុត ដូច្នេះហើយត្រូវកាត់បន្ថយចេញឱ្យបានច្រើន កាន់តែល្អព្រោះកាន់តែធ្វើកាន់តែគ្រោះថ្នាក់ណាស់៕