ពេលព្រឹកមិនដឹងផឹកភេសជ្ជៈអ្វីជួយ បណ្ដេញជាតិពុលក្នុងថ្លើម រួមទាំងមានប្រយោជន៍ដល់សុខភាពទូទៅទៀតនោះ ។ ឈប់បារម្ភនេះយើងនឹងមកណែនាំភេសជ្ជៈ៣ប្រភេទ ដែលជាប្រភេទភេសជ្ជៈមានប្រយោជន៍ជួយឱ្យថ្លើមដែលខូចខាត ជួសជុលមុខងាររបស់វាឱ្យល្អប្រសើរឡើងវិញបន្ទាប់ពីវាត្រូវបានម្ចាស់ធ្វើឱ្យខូចខាត បងប្អូនដឹងអត់ថាថ្លើមគឺមានមុខងារព្យាបាលខ្លួនរបស់គេ ដូច្នេះបើបងប្អូនផឹកភេសជ្ជៈនេះជួយទៀតកាន់តែល្អ។

- កាហ្វេ៖ ការសិក្សាបានបង្ហាញថាការផឹកកាហ្វេ១ថ្ងៃ១ទៅ២កែវ អាចជួយកាត់បន្ថយការរលាកនៃថ្លើម ដោយសារខ្លាញ់រុំថ្លើម បង្កមកពីមនុស្សមានទម្លាប់ផឹកស្រាជាប្រចាំ រួមទាំងមានរបបអាហារប្រចាំថ្ងៃមិនល្អ ជាពិសេសការផឹកកាហ្វេ ជួយការពារជំងឺមហារីកថ្លើមផងដែរ។ បញ្ជាក់បើបងប្អូនផឹកកាហ្វេមានជាតិស្ករច្រើនគឺមិនល្អទេ អាចផឹកប្រភេទកាហ្វេខ្មៅ។

-តែបៃតង៖ អ្នកអាចជ្រើសរើសប្រភេទ តែបៃតងដែលអ្នកចូលចិត្តមកផឹក បញ្ជាក់មិនមែន ប្រភេទតែបៃតងដាក់ទឹកដោះគោ ដាក់ទឹកកកឡើយ ។តែបៃតងប្រភេទនេះមិនជួយសុខភាពថ្លើមទេ តែជាប្រភេទតែបៃតងក្តៅៗគ្មានជាតិស្ករ ក្នុងតែបៃតងនេះមានផ្ទុកសារធាតុ catechins ជាសារធាតុជួយការពារកាជំងឺមហារីកថ្លើម។

-ទឹកធម្មតា៖ គឺមានប្រយោជន៍ច្រើនជួយដល់សុខភាពរបស់ថ្លើមរបស់អ្នកខ្លាំងដូចគ្នា រួមទាំងមានប្រយោជន៍ជួយដល់សុខភាពរបស់សរីរាង្គទូទៅដូចគ្នា។ អាស្រ័យហេតុនេះហើយ បងប្អូនគួរតែផឹកទឹកឱ្យបានគ្រប់គ្រាន់ជារៀងរាល់ថ្ងៃ។

ជាចុងក្រោយ បើបានដឹងហើយ បងប្អូនអាចសាកផឹកបាន មួយវិញទៀតដើម្បីជួយថ្លើមព្យាបាលកាន់តែលឿន បងប្អូនគួរតែផ្អាកទទួលទានស្រាជាមុនសិនទើបឆាប់បានផល តែបើបងប្អូនផឹកស្រារាល់តែថ្ងៃថ្លើមមិនអាចងើបពីឈឺរួចទេ៕