មនុស្សជាតិត្រូវការដកដង្ហើមដើម្បីរស់ ហើយតួអង្គសំខាន់បំផុតដើម្បីអាចដកដង្ហើមបានគឺ សួត។ សួត ជាសរីរាង្គមួយដែលមានទទួលខុសត្រូវទៅលើដំណើរការនៃការដកដង្ហើម ហើយគ្រប់វិនាទីនៃការដកដង្ហើមចូល សួតមានតួនាទីប្រមូលយកអុកស៊ីហ្សែនទៅកាន់ចរន្តឈាម រួចបន្តទៅសរីរាង្គ ឬកោសិកានៃរាងកាយទាំងមូល។ ការឆ្លងមេរោគចូលក្នុងសួតគឺជារឿងងាយណាស់ បើមិនបានការពារដិតដល់ ហើយក្នុងចំណោមមេរោគជាច្រើន មានមេរោគមួយប្រភេទដែលអាចឆ្លងតាមរយៈខ្យល់ដង្ហើមពីមនុស្សម្នាក់ទៅម្នាក់ រហូតដល់កើតមានជំងឺរបេងសួត ធ្វើឱ្យរលាកសួត ដំបៅសួត ឬអាចបង្កជាទឹកដក់ក្នុងសួតទៀតផង។

យោងតាមប្រសាសន៍របស់វេជ្ជបណ្ឌិត ឆន សុធារី, វេជ្ជបណ្ឌិតឯកទេសជំងឺសួត និងផ្លូវដង្ហើម ព្រមទាំងជាសហស្ថាបនិក មន្ទីរសម្រាកព្យាបាលអ៊ែរផ្លឹស បានឱ្យដឹងថា ជំងឺរបេងសួតជាជំងឺឆ្លងមួយប្រភេទ ដែលបង្កឡើងដោយការឆ្លងមេរោគរបេងចូលក្នុងសួតតាមរយៈខ្យល់អាកាស ហើយបង្កឱ្យទៅជាជំងឺរ៉ាំរ៉ៃ។ ប្រសិនបើមិនបានទទួលការព្យាបាលទាន់ពេល ជំងឺរបេងសួតអាចបង្កឱ្យមានការរលាកសួត,ដំបៅសួត,ទឹកដក់ក្នុងសួត និងបញ្ហាផ្សេងៗទៀត។

នៅពេលដែលមនុស្សម្នាក់ឆ្លងមេរោគរបេងសួត រហូតក្លាយជាជំងឺនោះ ពួកគេនឹងលេចឡើងជារោគសញ្ញាគួរឱ្យកត់សម្គាល់ដូចជា: ក្អករ៉ាំរ៉ៃ, ក្អកឈាម, បាត់បង់ចំណង់អាហារ ហូបមិនមិនបាន អស់កំលាំង, ស្រកគីឡូ, បែកញើសស្អិត និងក្ដៅខ្លួនពេលល្ងាចរឺពេលយប់រ៉ាំរ៉ៃ, ឈឺទ្រូង និងអាចមានហត់ក្នុងករណីធ្ងន់ធ្ងរ។

សូមបញ្ជាក់ផងដែរថា ទោះបីជាជំងឺរបេងសួតអាចព្យាបាលជាសះស្បើយ១០០%ក៏ដោយ តែលទ្ធផលនេះអាចទទួលបានលុះត្រាតែក្នុងករណីអ្នកជំងឺឆាប់ទៅជួបពេទ្យ ព្យាបាលទាល់ពេលវេលាតែប៉ុណ្ណោះ ប៉ុន្តែក្នុងករណីដែលទុកមេរោគអោយរ៉ាំរ៉ៃនឹងវិវត្តន៍ទៅរកភាពធ្ងន់ធ្ងរ, ការព្យាបាលនឹងមានការលំបាក ប្រឈមមុខនឹងមានសំណល់សួតរឺខ្សោយសួតដែលមិនអាចព្យាបាលជាសះស្បើយដូចដើមវិញបានឡើយ។

ហេតុនេះហើយ ប្រសិនបើបងប្អូនមានការសង្ស័យទៅលើរោគសញ្ញាខាងលើ ចាប់អារម្មណ៍ឃើញអាការខ្លួនឯងដូចជាប្លែកខុសធម្មតា សូមធ្វើការពិគ្រោះជាមួយនឹងវេជ្ជបណ្ឌិតឯកទេសសួត និងផ្លូវដង្ហើមដើម្បីដឹងពីរោគវិនិច្ឆយ័ច្បាស់លាស់ និងទទួលការព្យាបាលដែលត្រឹមត្រូវនិងជៀសវាងការវិវត្តន៍ជំងឺទៅរកភាពធ្ងន់ធ្ងរ។

សូមពុកម៉ែបងប្អូន ស្វែងរក កាប្រឹក្សានិងព្យាបាលជំងឺសួតអោយបានត្រឹមត្រូវ ឬទំនាក់ទំនងទៅកាន់វេជ្ជបណ្ឌិត ឆន សុធារី ដោយផ្ទាល់ដែលបច្ចុប្បន្នអ្នកគ្រូវេជ្ជបណ្ឌិតប្រចាំការនៅមន្ទីរសម្រាកព្យាបាលអ៊ែរផ្លឹស។

លេខទូរស័ព្ទ: 098 933 533 / 092 633 533 / 071 6 333 455

អាសយដ្ឋាន: ផ្ទះលេខ 55B, ផ្លូវ 113, សង្កាត់បឹងកេងកង III, រាជធានីភ្នំពេញ

លីងតេលេក្រាម: https://t.me/airplusgroup 

អត្ថបទដោយ: កញ្ញា លីហួយ