ការសង្ស័យលើ សមត្ថភាពខ្លួនឯងនិងគ្មានទំនុកចិត្តសម្រេចកិច្ចការ គឺជារោគសញ្ញាក្លែងក្លាយមួយ កើតចេញពីរបស់អារម្មណ៍របស់មនុស្ស មិនមែនជាជំងឺវេជ្ជសាស្រ្តឡើយ។ បើតាមសេដ្ឋិនីអ្នកនិពន្ធនិងវាគ្មិនលើកទឹកចិត្តដ៏ល្បីឈ្មោះ អ្នកស្រី Mel Robbins ក៏បានផ្តល់នូវវិធីសាស្រ្តធំៗចំនួន៣ ដែលអ្នកកំពុងជួបបញ្ហាអារម្មណ៍សង្ស័យលើខ្លួនឯងនេះ ត្រូវធ្វើជាបន្ទាន់៖

១.ទទួលស្គាល់អារម្មណ៍ខ្លួនឯង៖ អ្នកស្រី Robbins បានបញ្ជាក់ថា នៅពេលដែលអ្នកមានអារម្មណ៍ថាជំនាញរបស់ខ្លួនឯងមិនមានតម្លៃ សមត្ថភាពខ្លួនឯងមិនអាចធ្វើបាន ការងារនោះមិនច្បាស់លាស់ ចូរអ្នកកុំជឿអារម្មណ៍និងការគាត់ទាំងហើយ ហើយអ្នកត្រូវទទួលស្គាល់ថាវាជាគំនិតអវិជ្ជមាន វាជាអារម្មណ៍បោកបញ្ជោតខួរក្បាល​អ្នក មិនឱ្យធ្វើរឿងពិបាកៗតែប៉ុណ្ណោះ។

២.ធ្វើសកម្មភាព​ឱ្យច្រើន ទោះវាមិនមែនជារឿងងាយស្រួល៖ ភាពរីកចម្រើនជាធម្មតាគឺត្រូវឆ្លងកាត់ស្ថានភាពមិនស្រួល មនុស្សជាច្រើនដឹងថាពួកគេអាចធ្វើអ្វីបានតែពួកគេមិនធ្វើ។ ដូច្នេះអ្នកស្រី Robbins បានណែនាំថាចូរអ្នកមានសកម្មភាពឱ្យច្រើនលើអ្វីដែលអ្នកចង់ធ្វើ កុំរង់ចាំពេលវេលាឥតខ្ចោះ។ បញ្ហាឬការងារខ្លះទោះដឹងថាវាមិនមែនជារឿងងាយស្រួលក៏ដោយ គឺត្រូវតែរុញច្រានខ្លួនឯងឱ្យឆ្លងកាត់និងដោះស្រាយភាពមិនស្រួលនោះឱ្យបាន ទើបអ្នកលែងមានអារម្មណ៍សង្ស័យលើខ្លួនឯង។

៣.កត់ត្រានូសមិទ្ធិផលរបស់ខ្លួនឯង៖ បុគ្គលដែលមានអារម្មណ៍សង្ស័យលើខ្លួនឯង គឺជាអ្នកគិតថាខ្លួនមានភាពមិនគ្រប់គ្រាន់។ ហេតុនេះហើយអ្នកស្រី Robbins បានលើកទឹកចិត្តឱ្យ កត់ត្រានូវអ្វីដែលអ្នកបានធ្វើនិងជាសមិទ្ធិផលថ្មីចាស់ដើម្បីតាមដានការប្រែប្រួលនៃអារម្មណ៍ ស្ថានភាពជីវិត និងទុកជាសាក្សី ជាក់ស្តែងនៃសមត្ថភាពរបស់អ្នក ពេលអ្នកសង្ស័យពីខ្លួនឯងម្តងៗ៕ អត្ថបទដោយ៖ ទ្រ សុភាព