នាថ្ងៃទី១០ ខែកញ្ញា ឆ្នាំ២០២១នេះ ក្រសួងសុខាភិបាល បានចេញសេចក្តីជូនព័ត៌មានថា ប្រទេសកម្ពុជា បច្ចុប្បន្នភាពនៃការរកឃើញវីរុសកូវីដ-១៩ បំប្លែងថ្មី B.1.617.2 (Delta) គិតត្រឹមថ្ងៃទី៣១ ខែមីនា ដល់ ថ្ងៃទី០៩ ខែកញ្ញា ឆ្នាំ២០២១សុរបចំនួន ៣,៧៣១នាក់ ខណៈមនុស្សស្រីចំនួន ១,៩០៤នាក់។

នៅក្នុងនោះដែរ ក្រសួងសុខាភិបាល បានបញ្ជាក់បន្ថែមថា បច្ចុប្បន្ននេះកូវីដ-១៩បំប្លែងថ្មីដែលតាបាន ប៉ះពាល់ដល់ ២៤រាជធានី-ខេត្តហើយ ប៉ុន្តែលើកលែងតែខេត្តមួយគត់ប៉ុណ្ណោះមិនទាន់ឆ្លង កូវីដ-១៩បំប្លែ ងថ្មីដែលតាគឺ ខេត្តកែប។

សូមជម្រាបជាថ្មីថា បីទោះបីជាអ្នកទាំងអស់គ្នាបានចាក់វ៉ាក់សុំាងរួចក្ដី ប៉ុន្តែនៅតែបន្ថការពារខ្លួនដោយអនុវត្តនូវបាលីការពាររបស់សម្ដេចតេជោ ហ៊ុន សែនគឺ “៣កុំ និង៣ការពារ”!

‑ត្រូវអនុវត្តវិធានការ៣ការពារជាប់ជាប្រចាំ៖

១៖ត្រូវលាងដៃឱ្យបានញឹកញាប់ជាមួយសាប៊ូ និងទឹកស្អាត ឬទឹកអាកុល ឬអាកុលដែលឱ្យបានលើសពី២០ដង ក្នុងមួយថ្ងៃ។

២៖ត្រូវពាក់ម៉ាស់ ត្រូវខ្ទប់មាត់ និងច្រមុះ នៅពេលក្អក កណ្ដាស់ ដោយប្រើម៉ាស់ ប្រើកែងដៃ ឬប្រើក្រដាសជូត មាត់ ហើយត្រូវបោះចោលក្នុងធុងសំរាមបិទជិតត្រឹមត្រូវ។

៣៖ត្រូវរក្សាគម្លាតសុវត្ថិភាពបុគ្គលឱ្យបានយ៉ាងតិច ១.៥ ម៉ែត្រឡើង ទៅពីម្នាក់ទៅម្នាក់។

‑ត្រូវអនុវត្តវិធានការ៣កុំ៖

១៖កុំទៅកន្លែងដែលមានមនុស្សម្នាច្រើនកុះករ ឬការជួបជុំគ្នាច្រើន ឬពិធីដែលមានមនុស្សច្រើនពេក។

២៖កុំទៅកន្លែងដែលបិទជិតឈឹង មិនមានខ្យល់ចេញចូលគ្រប់គ្រាន់ ហើយប្រើម៉ាស៊ីនត្រជាក់ច្រើនពេក។

៣៖កុំប៉ះពាល់គ្នា កុំចាប់ដៃគ្នា កុំឱបគ្នា កុំកៀកស្មាគ្នា នៅពេលជួបភ្ញៀវ ជាពិសេសនៅកន្លែងដែលមានមនុស្ស និយាយគ្នាច្រើន ហើយស្ថិតនៅជិតគ្នាពេក ហើយត្រូវប្រើវិធីសំពះគ្នាលើកដៃជាសញ្ញា ឬងក់ក្បាលជាដើម និងត្រូវរក្សាចម្ងាយពីគ្នាមួយម៉ែត្រកន្លះឡើងទៅ៕

សូមអានសេចក្ដីសម្រេចបន្ថែមលម្អិត៖

អត្ថបទដោយ៖ Daddy_Rath