ប៉ុន្តែប្រសិនបើយើងប្រៀបធៀបរវាងចំណុចល្អ និងចំណុចមិនល្អរបស់អាហារទាំង៣នេះក៏មានដូចជា

ទី១ ដូចជាស៊ុតក្ងាន ម៉ាក់ៗតែងតែដឹងហើយពេលពពោះគេតែងតែណែនាំឱ្យញ៉ាំស៊ុតក្ងានទៅកូនកើតមកឆ្លាត ពូកែ ប៉ុន្តែបើយើងទៅមើលឱ្យច្បាស់ពីសារធាតុដែលមាននៅក្នុងស៊ុតក្ងាន គឺជាស៊ុតដែលផ្ទុកជាតិវីតាមីនប្រូតេអ៊ីនខ្ពស់ ជំនួយដល់កូនក្នុងផ្ទៃពិតមែន ប៉ុន្តែវាក៏ជាស៊ុត១ប្រភេទដែលផ្ទុកជាតិកូលេស្តេរ៉ុលខ្ពស់ខ្លាំងដូចគ្នា។ ចឹងទាក់ទងជាមួយការញ៉ាំ ប្រសិនបើម៉ាក់ៗព្យាយាមញ៉ាំញឹកញាប់ ហើយក្នុងបរិមាណច្រើន គឺវាអាចធ្វើឱ្យម៉ាក់ៗឡើងគីឡូ លើសជាតិខ្លាញ់ក្នុងខ្លួន មិនល្អចំពោះកូនក្នុងផ្ទៃនោះទេ។

ទី២ ទឹកត្រចៀកកាំ ក្នុងសំបុកត្រៀកចាំ ឬទឹកមាត់ត្រចៀកកាំ ដែលគេយកមកចម្អិនជាភេសជ្ជៈ គឺវាពិតជាមានតួនាទីជំនួយទៅដល់សុខភាពទាំងម៉ាក់ៗនិងកូនពិតមែន ប៉ុន្តែទាក់ទងជាមួយការញ៉ាំ ម៉ាក់ៗក៏គួរតែប្រយ័ត្នដូចគ្នា ប្រសិនបើម៉ាក់ៗញ៉ាំទឹកត្រចៀកកាំណាដែលគេចម្អិនដោយដាក់ជាតិស្ករច្រើន មានរសជាតិផ្អែម ក៏វាអាចធ្វើឱ្យម៉ាក់ៗងាយក្នុងការលើសជាតិស្ករក្នុងឈាម លើសជាតិស្ករក្នុងរាងកាយផងដែរ។ ចឹងយល់ល្អម៉ាក់ៗគួរតែចម្អិនដោយខ្លួនឯង ឬក៏ជ្រើសរើសផឹកទឹកត្រចៀកកាំណាដែលគ្មានជាតិស្ករ។

ទី៣ ទាក់ទងហ្នឹងស៊ុតមាន់ គឺខ្ញុំសូមណែនាំឱ្យម៉ាក់ៗញ៉ាំឱ្យបានច្រើនតែម្តង ដោយសារតែក្នុងស៊ុតមាន់គឺមានផ្ទុកជាតិប្រូតេអ៊ីនវីតាមីនសម្បូរបែប ហើយជាប្រភេទស៊ុតដែលមានជាតិកូលេស្តេរ៉ុលទាប ទោះជាម៉ាក់ៗញ៉ាំរាល់ថ្ងៃ ក៏មិនធ្វើឱ្យម៉ាក់ៗឡើងគីឡូឬលើសជាតិស្ករក្នុងឈាមនោះដែរ។ ហើយអ្វីដែលកាន់តែសំខាន់ ស៊ុតមាន់វាមានសារធាតុជំនួយទៅដល់កូនក្នុងផ្ទៃ ជំនួយការលូតលាស់ ជំនួយខួរក្បាល កម្រិត IQ របស់កូន។

ចឹងសរុបមកវិញបើសួរថា អាហារទាំង៣មុខនេះ១ណាល្អ គឺស៊ុតមាន់ ប៉ុន្តែអាហារទាំង៣មុខនេះគឺសុទ្ធតែមានចំណុចល្អរៀងខ្លួន បើម៉ាក់ៗញ៉ាំបានទាំង៣មុខអំឡុងពេលពពោះគឺរឹតតែល្អសម្រាប់ម៉ាក់ៗហ្នឹងកូន។