អាណិតក្រពះខ្លះផង! ឧស្សាហ៍៣នេះឱ្យទៀងផងជួយក្រពះច្រើនណាស់
ក្រពះគឺជាសរីរាង្គសំខាន់មួយនៅក្នុងខ្លួនរបស់យើង រាល់អាហារទាំងអស់ដែលចូល ក្នុងខ្លួនរបស់យើងគឺមានតែក្រពះទេ ដែលទទួលមុនគេ។ ហើយបើក្រពះពោះវៀនរបស់អ្នកល្អ នោះរាងកាយរបស់យើងអាចមានសារធាតុចិញ្ចឹមល្អៗមានប្រយោជន៍ច្រើន។ តែបើកាលណាក្រពះរបស់យើងមានបញ្ហានោះយើងក៏មិនស្រួលដែរ ដូចបងប្អូនដឹងស្រាប់ហើយឈឺក្រពះមិនស្រួលទេ។
ដូច្នេះហើយ ការថែរក្សាសុខភាពក្រពះពោះវៀនគឺជារឿងសំខាន់ខ្លាំងណាស់ ឥឡូវនេះនៅក្នុងវីដេអូនេះយើងមកប្រាប់ពីរបបអាហារដែលធ្វើឱ្យអ្នកមានសុខភាពល្អ។
១.ចេក មិនថាចេកទុំឬក៏ខ្ចីទេ មានអត្ថប្រយោជន៍ខ្លាំងមែនទែនជួយឱ្យសុខភាពក្រពះពោះវៀនរបស់អ្នកដំណើរការបានល្អ កាត់បន្ថយជំងឺច្រាលជាតិអាស៊ីតក្នុងក្រពះបានច្រើន និងល្អសម្រាប់ជួយឱ្យអ្នកបន្ទោរបង់ស្រួល កាលណាអ្នកបន្ទោរបង់ស្រួលក៏អាចជួយឱ្យអ្នកចៀចវាងជំងឺឫសដូងបាតជាដើម។ ដូច្នេះហើយបើមានបញ្ហាក្រពះពោះវៀន ឧស្សាហ៍ញុំាចេកខ្លះផងកុំតែញុំាច្រើនពេកទៅបានហើយ។
២.ល្ហុងទុំគឺក៏មានប្រយោជន៍ខ្លាំងណាស់ដែរសម្រាប់សុខភាពក្រពះពោះវៀន ជាពិសេសសម្រាប់បងប្អូនដែលចេះតែឧស្សាហ៍ទល់លាមករុំារ៉ៃ ហើយចង់ឱ្យបត់ជើងស្រួលមកវិញកុំភ្លេចឧស្សាហ៍ញុំាផ្លែល្ហុងទុំខ្លះផងព្រោះមានប្រសិទ្ធភាព។ បន្ថែមលើសពីនេះល្ហុងទុំក៏មានអត្ថប្រយោជន៍ជួយដល់សម្រស់របស់អ្នកផងដែរ។ ដូច្នេះហើយឧស្សាហ៍ញុំាល្ហុងទុំខ្លះផង។
៣. ផឹកទឹក ជាការពិតណាស់ ការផឹកទឹកឱ្យបានគ្រប់គ្រាន់គឺមានប្រយោជន៍ខ្លាំងមែនទែនជួយសុខភាពរបស់អ្នកខ្លាំងណាស់ ទឹកគឺជាធាតុ១ដែលរាងកាយរបស់យើងមិនអាចខ្វះបានឡើយ។ អត់អាហារ១ថ្ងៃ២ថ្ងៃអាចអត់បាន តែមិនអាចអត់ទឹកផឹកបានឡើយ។ ដូច្នេះហើយដើម្បីចូលរួមសម្រួលដល់ក្រពះពោះវៀនត្រូវផឹកទឹកឱ្យបានគ្រប់គ្រាន់