រំភើបណាស់ កូនខ្មែរ១រូប ឈ្នះពាន់រង្វាន់ច្នៃម៉ូដក្នុងចំណោម១០ប្រទេស នៅម៉ាឡេស៊ី
នេះបើយោងតាមរយៈការបង្ហោះលើគណនីហ្វេសបុករបស់លោក Oliva Kong ជាអ្នកច្នៃម៉ូដឆ្នើមមួយរូបនៅកម្ពុជា បានបង្ហោះសាររំភ់បចិត្តថា «រំភើបចិត្តណាស់កម្ពុជាធ្វើបានសំរេចជោគជ័យទៀតហើយ កម្ពុជាឈ្នះពានច្នៃម៉ូដបានយ៉ាងល្អឥតខ្ចោះ ក្នុងចំណោម ១០ប្រទេស Excellent Designer Award ក្នុងកម្មវិធី Asia Fashion Runway នៅក្នុងប្រទេសម៉ាឡេស៊ី អ្វីដែលកាន់តែរំភើបខ្ញុំបានពាំនាំនូវសិល្បះវប្បធម៌ អរិយធម៌ខ្មែរមកកាន់ឆាកអន្តរជាតិ ពិភពលោកពិតជាស្ងប់ស្ងែងនឹងសិល្បះវប្បធម៌ខ្មែរខ្លាំងណាស់ »។
ជាការ ពិតណាស់ លោក Oliva Kong គឺជាអ្នកច្នៃម៉ូដឆ្នើមមួយរូបដែល មានទេពកោសល្យខ្លាំងមិនសរសើរមិនបានសោះឡើយ។ ជាក់ស្ដែងដូចម៉ូដសម្លៀកបំពាក់ដែលបានឈ្នះពាន Excellent Designer Award ក្នុងកម្មវិធី Asia Fashion Runway នៅក្នុងប្រទេសម៉ាឡេស៊ី គឺពិតជាអស្ចារ្យ ស្រស់ស្អាត ជាពិសេសបានបង្ហាញពីសិល្បៈវប្បធម៌របស់ខ្មែរឱ្យពិភពលោកបានដឹង បានស្គាល់កាន់តែច្រើនជាងមុន។
ជាចុងក្រោយ សូមជូនពរឱ្យលោក Oliva Kong កាន់តែជោគជ័យ និងឈ្នះពាន់បន្តបន្ទាប់ទៀត និងបង្កើនការផ្សព្វផ្សាយពីភាពច្នៃប្រឌិតម៉ូដសម្លៀកបំពាក់ ដែលបង្កប់នូវសិល្បៈវប្បធម៌របស់ខ្មែរឱ្យកាន់តែច្រើនមួយកម្រិតទៀត៕
អត្ថបទដោយ៖ប៉ែត ធីតា
