សុខភាព របស់ច្រមុះគឺជារឿងមួយដែលចាំបាច់ហើយ អ្នកត្រូវយកចិត្តទុកដាក់ ពីព្រោះថាជំងឺច្រមុះនេះប្រសិនណាអ្នកចេះតែញុំាអាហារតាមតែចិត្តច្បាស់ជាឈឺមិនងាយបាត់ឡើយ អាចបង្កបញ្ហាធ្ងន់ធ្ងរឡើងមក ដូចជារលាកច្រមុះ ហៀរសំបោរមិនងាយបាត់ ដុះសាច់ច្រមុះ កើតអាឡែហ្ស៊ីទៀតក៏មាន។

ដូច្នេះដើម្បីការពារនឹងថែរក្សាសុខភាពច្រមុះរបស់អ្នកឱ្យមានសុខភាពល្អ សម្រាប់អ្នកដែលមានបញ្ហាច្រមុះនិងអ្នកដែលមិន​មានគួរតែដឹងពីប្រភេទអាហារដែលញុំាបាននឹងអាហារញុំាទៅធ្វើឱ្យជំងឺច្រមុះរុំារ៉ៃរបស់អ្នករើឡើងមក។ ដោយយោងតាមរយៈគេហទំព័រ webmd បានបញ្ជាក់ឱ្យដឹងថា អាហារដែលត្រូវញុំានឹងគួរតេចៀសវាងមានដូចជា៖

អាហារល្អសម្រាប់សុខភាពច្រមុះ៖

១.ទឹកដោះគោជូរ៖ ប្រភេទទឹកដោះគោជូរមានសមត្ថភាពជួយបង្កើតជាប្រភេទបាក់តេរីល្អសម្រាប់ជួយកាត់បន្ថយអាការអាឡែស៊ីច្រមុះបានច្រើនផងដែរ​។

២.ត្រី៖ ដូចជាត្រីធូណា ត្រីសាឌីន ត្រីកែលជាដើមសុទ្ធសឹងជាត្រីដែលមានផ្ទុកដោយ អាស៊ីតខ្លាញ់អូមេហ្កា៣ ត្រីប្រភេទនេះមានសមត្ថភាពជួយកាត់បន្ថយការវិវិត្តទៅជាអាឡែងហ្ស៊ីបាន។

៣.អាហារក្ដៅ៖ ញុំាអាហារក្ដៅៗបានជួយដល់សុខភាពច្រមុះរបស់អ្នកច្រើនជួយកាត់ស្លេស្ម នៅក្នុងក ជួយសម្រួលផ្លូវដង្ហើម កាត់បន្ថយការហៀរសំបោរ ហើមច្រមុះផងដែរ ។អាហារក្ដៅដែលអ្នកអាចរកញុំាបានមានដូចជា៖ ស៊ុបមាន់ក្ដៅៗ តែខ្ញីក្ដៅៗជាដើម។

អាហារប៉ះពាល់សុខភាពច្រមុះ៖

១.ស្រាបៀរ៖ សម្រាប់អ្នកដែលមានបញ្ហាច្រមុះរុំារ៉ៃ បើហៀរសំបោរក៏មិនងាយនឹងបាត់ អាចដោយសារការទទួលទានប្រភេទគ្រឿងស្រវឹងដូចជាស្រា ភេសជ្ជៈត្រជាក់ នៅក្នុងកម្រិតច្រើនជារឿងរាល់ថ្ងៃមិនឈប់អាចបណ្ដាលឱ្យអាការច្រមុះរបស់គាត់កាន់តែឈឺធ្ងន់ជាងមុន បង្កជាការតឹងច្រមុះ រលាកក្ដៅផងដែរ។

២.អាហារផ្អាប់៖ មានដូចជាប្រហុក ផ្អក ជ្រក់ត្រសក់ ជ្រក់ស្ពៃ... អាហារធ្វើទុកយូរខែ អាហារប្រៃជាដើម ប្រភេទទាំងអស់នេះអ្នកមានបញ្ហាច្រមុះរុំារៃញុំាទៅប្រតិកម្មលឿនណាស់ អាចឈឺចាប់ក្នុងច្រមុះ តឹងច្រមុះ រលាកហៀរសំបោរ ភ្លាមៗក៏មានដូច្នេះគួរតែប្រយ័ត្នជាមួយអាហារផ្អាប់។

ជាចុងក្រោយប្រសិនណាអ្នកមានបញ្ហាច្រមុះរុំារ៉ៃមិនងាយបាត់ មុននឹងញុំាអាហារអ្វីអ្នកត្រូវប្រាកដថាអាហារទាំងអស់នោះមិនបង្កជាផលប៉ះពាល់ដល់ច្រមុះរបស់អ្នកនៅថ្ងៃក្រោយ៕

អត្ថបទដោយ៖ប៉ែត​ ធីតា