សុខភាពពលរដ្ឋល្អជាផ្នែកមួយដែលរូមចំណែកក្នុងការលើកស្ទួយសង្គមជាតិទាំងមូល។ប្រសិនបើសុខភាពមានបញ្ហាច្រើន នោះសង្គមជាតិក៏អាចប៉ះពាល់បានដែរ។កន្លងមកប្រទេសយើងក៏ធ្លាប់ជួបបញ្ហានៃការកើតជំងឺក្នុងកម្រិតធំមួយផងដែរ។
តាមការឱ្យដឹងរបស់ក្រសួងព័ត៌មានចុះថ្ងៃទី២៥ខែមេសាឆ្នាំ២០២២បានឱ្យដឹងថា របាយ ការណ៍របស់កម្មវិធីជាតិប្រយុទ្ធនឹងជំងឺគ្រុនចាញ់បានបង្ហាញថា ប្រទេសកម្ពុជាយើងធ្លាប់មានករណីជំងឺគ្រុន ចាញ់ជាង ១៧ម៉ឺនករណីឈឺ នាទសវត្សរ៍ឆ្នាំ៨០ និងស្លាប់ជិត ១ ០០០នាក់។ ឆ្នាំ២០១៨ ករណីស្លាប់ដោយ សារជំងឺគ្រុនចាញ់លែងមានរហូតមកដល់បច្ចុប្បន្ន បាន ន័យថា សម្រេចបានជោគ ជ័យមុនគោលដៅគ្រោងទុកឆ្នាំ២០២០។
ក្នុងឆ្នាំ២០២១ ជំងឺគ្រុនចាញ់សរុបមាន ៤ ២៧៩ករណីឈឺ ដែលចំនួនករណី បានបន្តថយចុះ៥៤% បើប្រៀបធៀបនឹងឆ្នាំ២០២០ ដែលមាន ៩២៣៤ករណី។ ចំពោះជំងឺគ្រុនចាញ់ ទម្រង់សន្ធំនិងចម្រុះមាន ៣២០ ករណី ក្នុងឆ្នាំ២០២១ គឺបានបន្តថយចុះ៦៥% បើប្រៀប ធៀបនឹងឆ្នាំ២០២០ មាន ៩៣៦ករណីឈឺ។ ចំពោះករណីគ្រុនចាញ់ប្រភេទវីវ៉ាក់ក៏មានការថយចុះ៥២% ពីចំនួន ៨ ២៩៨ នៅ ឆ្នាំ២០២០ មកនៅចំនួន ៣ ៩៥៩ករណី នៅឆ្នាំ២០២១។
ប្រភពដដែលបានលើកឡើងដែរថា តាមប្រសាសន៍របស់អគ្គមហា សេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា បានបញ្ជាក់ថាថា ជំងឺ គ្រុនចាញ់មិនត្រឹមតែធ្វើឱ្យប៉ះ ពាល់ដល់សុខភាព ចំណាយថវិកាដោយផ្ទាល់លើការ ព្យាបាល ការខាតបង់ការងារ ការបាត់បង់ផលិតភាព និងអាយុជីវិតប៉ុណ្ណោះទេ ប៉ុន្តែថែមទាំងបង្កផលប៉ះពាល់ ជាអវិជ្ជមានដល់ការអភិវឌ្ឍសង្គម-សេដ្ឋកិច្ចដ៏ធ្ងន់ធ្ងរទៀត ផង។ ជំងឺគ្រុនចាញ់មានខ្ពស់ណាស់តាមដងទន្លមេគង្គ ដែលដៃគូទាំងអស់ រួមទាំងកម្មវិធីមេគង្គ-ឡានឆាង ជុំទី១ ទី២ និងទី៣ ក៏បានផ្តោតការយកចិត្តទុកដាក់លើការបំបាត់ជំងឺគ្រុនចាញ់។
បន្ថែមពីនេះសម្ដេចតេជោក៏បានលើកឡើងថានឹង គាំទ្រយ៉ាងពេញទំហឹងចំពោះគ្រប់សកម្មភាពទាំងអស់ ក្នុងការផ្លាស់ប្តូរផ្នត់គំនិតនិងទម្លាប់ប្រជាជនក្នុងការប្រតិបត្តិលើការរស់នៅស្អាតគ្មានការចម្លងជំងឺគ្រុនចាញ់ ដើម្បីឈានទៅលុបបំបាត់ជំងឺ គ្រុនចាញ់ឱ្យអស់ពីកម្ពុជា ។