អ្វីដែលអ្នកគាំទ្រសរសើរមិនដាច់នោះ គឺតួរប្រុសបិសាចកញ្ច្រោងរូបនេះ ហាក់ដូចជាមិនចាស់ទាល់តែសោះ នៅតែរក្សាភាពសង្ហាដូចដើម ឬស្ទើរស្ទើតែអាចនិយាយបានថារូបរាងរបស់លោកមើលទៅក្មេងខុសពីវ័យ១០ឆ្នាំឯណោះ។

នៅពីក្រោយរូបរាងសង្ហាសាច់ដុំកង់ៗ តាមពិត Lee Dong-wook  ធ្លាប់បានទំលាយថាលោកបានធ្លាប់ឡើងគីឡូខ្លាំងរហូត១៦គីឡូ ក្នុងអំឡុងពេលដែលលោកចូលធ្វើទាហាន ដោយសារតែការញ៉ាំរបបអាហារដែលមិនសូវល្អ ញ៉ាំច្រើន ហើយមិនបានហាត់ប្រាណទៀត ដែលធ្វើឱ្យលោកបាត់មុខមួយរយៈពីកញ្ចក់ទូរទស្សន៍ សម្ងំហាត់យករាងត្រឡប់មកវិញ។

សារពត័មានជាច្រើនបានចុះផ្សាយលោក វិធីសម្រកគីឡូ របស់លោក គឺបានប្ដេជ្ញាចិត្តដាក់កម្រិតលើរបបអាហារ និងហាត់ប្រាណយ៉ាងតឹងរឹង ដើម្បីយកសាច់ដុំ កាយសម្បទាមាំមួនមកវិញមុននឹងចូលទូរទស្សន៍ជាថ្មី។ គន្លឹះដែលលោកបានធ្វើដើម្បីសម្រកគីឡូបានលឿន និងឆាប់ឡើងសាច់ដុំ ក្រៅពីការហាត់ប្រាណ គឺ៖

១ ជម្រើសរបបអាហារ៖ ញ៉ាំតែអាហារដែលមានប្រូតេអ៊ីន និងកាបូកអ៊ីត្រាតទាប។ លោកមានទម្លាប់ទទួលទានទឹកច្រើននៅពេលព្រឹក និងមុនញ៉ាំអាហារ ។ ការទទួលទានទឹកពេកព្រឹកច្រើននៅពេលព្រឹកជាគន្លឹះល្អមួយ ជួយសម្រួលដល់ការរំលាយនិងសំអាតប្រព័ន្ធអាហារ ជួយជម្រុញការបញ្ចេញជាតិពុលចេញពីរៀងកាយតារយៈលាមក និងទឹកនោម។ ការសិក្សាមួយចំនួនគេជឿថាការទទួលទានទឹកនៅពេលព្រឹកអាចជួយឱ្យមានសំណើម សុខភាពល្អ និងល្អសម្រាប់តម្រងនោម ភាពសាំទាំងមូលផងដែរ។

២ អាហារពេលព្រឹក៖ អាហារពេលព្រឹករបស់លោកត្រូវបានគេដឹងថាលោកញ៉ាំតែអាហារណាដែលគ្មានជាតិស្ករ និងមានកាបូនអ៊ីត្រាតទាប។ តាមពិតការដែលញ៉ាំបែបនេះ គឺជួយដល់ម៉ាសសាច់ដុំបានច្រើន បងប្អូនឃើញអ្នកដែលហាត់យកសាច់ដុំអត់​ ភាគច្រើនគឺពួកគាត់ញ៉ាំអាហារដែលសម្បូរប្រូតេអ៊ីនខ្ពស់ ដូចជាទ្រូងមាន់ ស៊ុត សាច់គោជាដើម។

៣ សម្រាប់ស្បែកមុខ៖ Lee Dong-wook ធ្លាប់បានបង្ហើបថា ជាធម្មតាលោកជាតារា ចឹងគឺតែងតែMake up ផាត់មុខជាប្រចាំ តែដើម្បីឱ្យការផាត់មុខមើលទៅស្អាត គឺត្រូវការឱ្យយើងថែមទាំងស្បែកឱ្យម៉ត់ស្អាតដូចគ្នា ហេតុនេះការយល់ដឹងពីមូលដ្ឋានគ្រឹះក្នុងការប្រើSkincare ជារឿងសំខាន់ណាស់៕

អត្ថបទដោយ៖ សេងហុង-Senghong