បងប្អូនមានដឹងទេស្លឹកត្របែកមានអត្ថប្រយោជន៍ច្រើនណាស់សម្រាប់សក់។ វាអាចជួយឱ្យសក់ឆាប់លូតលាស់ដុះលឿន ប្រឆាំងនិងការរលាកស្បែកក្បាល និងជួយកាត់បន្ថយសក់ជ្រុះដោយសារ​តែ​វា​មាន​វីតាមីន B ខ្ពស់។

តាមការចែករំលែករបស់wildturmericបានឱ្យដឹងថា យកស្លឹកត្របែប ៤​ ឬ៥ សន្លឹកទៅដាំជាមួយទឹកទុកប្រហែល៥នាទីឱ្យទឹកប្រែពណ៍ ហើយទុកឱ្យត្រជាក់ បន្ទាប់យកវាមកម៉ាស្សាលើស្បែកក្បាល អប់ទុកចោល​ពី១៥ទៅ២០នាទី រួចលាងទឹកចេញជាការស្រេច។ សូមធ្វើនៅពេលយប់ វានឹងមានប្រសិទ្ធភាពខ្ពស់។ មិនត្រឹមតែវិធីសាស្រ្តមួយនេះប៉ុណ្ណោះទេ ស្លឹកត្របែកត្រូវបានគេយកទៅច្នៃធ្វើជា សាប៊ូកកសក់ ប្រេងលាបសក់ និងម៉ាសអប់សក់ផងដែរ។

យ៉ាងណាមិញអ្នកស្រី ញឹម សូរីដា ជាស្ថាបនិករបស់ បុរាណ ឃែរ ក៏បានចែករំលែកផងដែរថា ចំពោះបងប្អូនកំពុងមានបញ្ហាសក់ជ្រុះខ្លាំង​ដោយសារប្រើប្រាស់ផលិតផលខុស ឬផលិតផលដែលមានសារធាតុគីមីច្រើន​ អាចងាកមកថែរក្សាសក់ដោយសាកល្បងប្រើប្រាស់សាប៊ូកក់សក់កូនក្មេងសិន ព្រោះសាប៊ូសម្រាប់ក្មេងវាគ្មានជាតិកាត់ បន្ទាប់មកព្យាយាមអប់សក់ជាមួយក្រែមអប់សក់ដែលផ្សំឡើងពីធម្មជាតិ។ អ្នកស្រីបន្តថា ការប្រើក្រែបអប់ពីធម្មជាតិ បងប្អូនអាចធ្វើការអប់បានដល់ស្បែកក្បាល ហើយអាចទុកវា រយៈពេល១៥នាទីឬលើសពីនេះក៏បាន។ ការធ្វើដូចនេះជួយជំរុញសក់កូនដុះលឿន បញ្ឈប់សក់ជ្រុះ ធ្វើឱ្យសក់ទន់។

គួរបញ្ជាក់់ផងដែរថា បុរាណ ឃែរ ជាសិប្បកម្មធ្វើសាប៊ូ នៅក្នុងស្រុក ដែលមានទីតាំងនៅខេត្តបន្ទាយមានជ័យ ។ សិប្បកម្មនេះក៏មានផលិតផលជាច្រើន ដូចជា សាប៊ូកក់សក់ ប្រេងលាបសក់ និងក្រែមអប់សក់ សាប៊ូដុសខ្លួន និងផលិតផលសម្រស់ផ្សេងៗទៀត ដែលផលិតចេញពីសារធាតុផ្សំពីធម្មជាតិ ផ្សំឡើងពីសំបុកដង្កូវនាង និងប្រេងធម្មជាតិជាច្រើនមុខដែលចម្រាញ់ចេញពីដំណាំនៅក្នុងសហគមន៍ខ្មែរ ក្នុងនោះក៏មានរួមបញ្ចូលទាំងស្លឹកត្របែកផងដែរ៕