មនុស្សយើងចង់រស់នៅមានក្តីសុខ ប៉ុន្តែការរស់នៅអត់ក្បួនធ្វើឱ្យការរស់នៅរបស់អ្នកបែរជាគ្មានក្តីសុខ មានបញ្ហាផ្លូវចិត្តស្រ្តេស ភាពស្មុគស្មាញ និងថប់បារម្ភជាដើម។ តាមអ្នកកោះអូគីណាវ៉ា ពួកគេមានក្បួនរស់នៅគ្មានជំងឺ និងគ្មានបញ្ហាផ្លូវចិត្តនោះទេ។ តាមលោក Hector Garcia មានក្បួន៣ ជួយសុខភាពផ្លូវចិត្ត

១. ក្រោកពីគេងព្រោះតែមានហេតុផល៖ បើអ្នកមិនចេះរីករាយពេលព្រឹកទេ ជីវិតរបស់អ្នកក៏ពិបាករកក្តីសុខដែរ។ តាមលោក Hector Garcia និងលោក Francesc Miralles ជាអ្នកស្រាវជ្រាវកោះអូគីណាវ៉ា បានរកឃើញថា “ប្រជាជនប៉ុននៅទីនោះមានអាយុវែងតែងក្រោកពីគេងនៅពេលព្រឹកព្រលឹមបានយ៉ាងរហ័ស មកពីពួកកេមានគោលបំណក្នុងការប្រើជីវិតឱ្យមានប្រយោជន៍រួម ហើយវាជាហេតុផលមួយជម្រុញផ្លូវចិត្តគេរឹងមាំ។” តើអ្នកភ្ញាក់ពីដើម្បីអ្វី?

២. កុំធ្វើតាមអារម្មណ៍មួយភ្លែត៖ តាមលោក Garcia បានប្រាប់ថា៖ ការធ្វើកិច្ចការអ្វីមួយដោយមានអារម្មណ៍ប្រញាប់ប្រញាល់ វាពិតជាអាចមានឥទ្ធិពលអវិជ្ជមានទៅលើគុណភាពនៃជីវិតរស់នៅ និងលទ្ធផលការងាររបស់អ្នកណាស់។ បើអ្នកចំណាយពេលរបស់អ្នកមើលពីគោលដៅផ្ទាល់ខ្លួនឱ្យបានល្អិតល្អន់ ហើយសម្រេចវាតាមរយៈជំហានតូចដោយតាមលំហូរចិត្តមួយៗ ផ្លូវចិត្តអ្នកនឹងសប្បាយ កុំចង់សម្រេចគគ្រប់រឿងក្នុងពេលមួយព្រពិចភ្នែកឱ្យសោះ។

បើអ្នកចង់សម្រេចកិច្ចការច្រើនមុខក្នុងពេលតែមួយនោះ អ្នកនឹងមានបញ្ហាផ្លូវចិត្តមិនខានឡើយ។តាមការសិក្សានៅសាកលវិទ្យាល័យ Stanford University ដោយ Clifford Ivar Nass បានបញ្ជាក់ថា ឥឡូវនេះក្នុងសម័យរបស់យើងនេះ កំពុងតែទទួលរងឥទ្ធិពលខ្លាំងពីជំងឺច្រើនមុខ ក្នុងពេលតែមួយ។ តាមលក្ខណៈវិទ្យាសាស្ត្រថា បើយើងប្រើខួរក្បាលប្តូរវេនគ្នាទៅវិញទៅមកធ្វើកិច្ចការជាច្រើនមុខ វាបានធ្វើឱ្យយើងខ្ជះខ្ជាយពេលវេលា និងមានកំហុសកាន់តែច្រើន។ សូម្បីតែការចងចាំ ក៏តិចជាងមុនដែរ។ ហើយអារម្មណ៍កាន់តែស្មុគស្មាញខ្លាំងឡើងផងដែរ។

៣. រស់ក្នុងថ្ងៃនេះ៖ តាមលោក García បានឱ្យដឹងថា ”ឈប់អង្គុយសោកស្ដាយចំពោះអតីតកាល ហើយ​បារម្ភអំពីអនាគតពេកទៀតទៅ ថ្ងៃនេះអ្នកមានអ្វីចូរចាប់ផ្តើមធ្វើ ប្រើអ្វីដែលអ្នកមានឱ្យអស់លទ្ធភាព”។ តម្លៃពេលវេលាមានតែក្នុងថ្ងៃនេះ ក្នុងពេលនេះតែប៉ុណ្ណោះ បើអ្នកមិនរីករាយជាមួយវា ពេលវេលាដ៏មានតម្លៃក៏អត់ន័យដែរ។ ចូរអ្នករស់នៅក្នុងថ្ងៃនេះ ជាមួយការចង់ចាំដ៏មានតម្លៃផងចុះ។ លោក Ken Mogi ជាអ្នកចិត្តវិទ្យាបានលើកឡើងថា ការប្រឹងប្រែងជាដំណើរការឆ្ពោះទៅរកសុភមង្គល ដើម្បីជម្នះលើបញ្ហាប្រឈមនៃជីវិតរបស់អ្នកក្នុងថ្ងៃនេះ។” ការប្រឹងប្រែតាមគោលដៅ ដឹកនាំអារម្មណ៍យើងកាន់តែមានក្តីសុខផងដែរ៕

អត្ថបទដោយ៖ ទ្រ សុភាព