បើសួមនុស្ស១០នាក់ ហ៊ាននិយាយថាទាំង១០នឹងដែលចង់បានស្បែកស្អាត សម្រស់ស្អាត កុំថា១០ ទោះសួ១០០នាក់ ១ពាន់នាក់ក៏ដឹងតែឆ្លើយដូចៗគ្នានឹង។ ភាគច្រើនឱ្យតែនិយាយពីរឿងស្បែកស្អាតគឺនឹកឃើញមុនគេដល់ទៅទិញផលិតផលមកលាប ប៉ុន្តែបងប្អូនដឹងអត់ថាSkincare ជួយយើងបានតែ២០%ប៉ុណ្ណោះ សល់៨០%ទៀត គឺពឹងលើទម្លាប់រស់នៅ អាហារហូបចុករបស់យើងនឹងឯង។
តោះកុំវែងឆ្ងាយ មកដឹងពីរបៀបធ្វើភេសជ្ជៈសុខភាពរបស់យើងវិញ មានគ្រឿងផ្សំតែ៣មុខទេ ចំណាយតិចខ្លាំងមែនទែន អេដមីនស្គាល់ភេសជ្ជៈនេះដំបូង តាមរយៈការចែករំលែករបស់វេជ្ជ.ជំនាញ ដែលជាជនជាតិថៃ ហើយក៏ទៅResearch មើលបន្ថែម ឃើញថាពិតជាមានអត្ថប្រយោជន៍ខ្លាំង ត្រូវតែចែករំលែកបន្តទៅបងប្អូនដែរ។
ពាក្យបច្ចេកទេស គេហៅថាInfused water អធ្យាស្រ័យមិនដឹងថាភាសាខ្មែរយើងប្រែថាម៉េចឱ្យចំទេ គ្រាន់តែបងប្អូនអាចចំណាំបានថាជាទឹកដែលគេផ្សំពីជាមួយផ្លែឈើស្រស់ៗបញ្ជូលគ្នា។ ផឹកភ្លាមធ្វើឱ្យយើងមានអារម្មណ៍ថាស្រស់ស្រាយ មិនឡើងគីឡូទេ ព្រោះថាគ្មានជាតិស្ករនៅក្នុងនឹង ក្រៅពីនោះមានទាំងសារធាតុប្រឆាំងអុកស៊ីតកម្ម ជួយឱ្យប្រព័ន្ធភាពសាំកាន់តែរឹងមាំ ធ្វើឱ្យស្បែកភ្លឺថ្លា និងមានសំណើម អាចជួយគ្រប់គ្រងចំណង់អាហារបាន ដោយសារមានផ្លែឈើ បង្កើតរសជាតិទឹកឱ្យឆ្ងាញ់ជាងមុន យើងក៏ផឹកទឹកបានកាន់តែច្រើនផងដែរ។
គ្រឿងផ្សំមានទឹកត្រជាក់១កែវ ក្រូចឆ្មារពណ៌លឿន១ទៅ២ចំណិត និងផ្លែស្ត្របឺរី១ផ្លែ និងជីអង្គាម១ទៅ២សន្លឹក។ ចិតគ្រឿងផ្សំដាក់ក្នុងកែវ និងចាក់ទឹកចូល ជាការស្រេច បើបងប្អូនចង់ធ្វើច្រើន អាចបង្កើនគ្រឿងផ្សំតាមជាក់ស្ដែងបាន ធ្វើរួចអាចរក្សាទុកក្នុងទូទឹកកបានទៅ២ទៅ៣ថ្ងៃ។
អត្ថបទដោយ៖ សេងហុង-Senghong