ទម្លាប់រស់នៅប្រចាំថ្ងៃពិតជាមានសារៈសំខាន់ណាស់ទៅដល់សុខភាពនិងជីវិតរស់នៅ សុខភាពល្អរស់អាយុវែងក៏ដោយសារទម្លាប់ ឈឺច្រើន ជំងឺរុំខ្លួន អាយុខ្លីក៏ដោយសារតែទម្លាប់នៃការរស់នៅនោះឯង។ ការប្រើទឹកអនាម័យទៅលើតំបន់ទ្វារមាស និងប្រដាប់ភេទគឺជាទម្លាប់មួយនៅក្នុងទម្លាប់ជាច្រើនរបស់ស្រ្តី។ ប្រសិនបើប្រើត្រូវតាមក្បួន លទ្ធផលអាចនឹងល្អជាទីគាប់ចិត្ត ប៉ុន្តែបើប្រើមិនដឹងក្បួនគឺអាចបង្កគ្រោះថ្នាក់ដល់ប្រដាប់ភេទខ្លួនឯងវិញ។ វេជ្ជបណ្ឌិតឯកទេសបទពិសោធន៍ជាង២០ឆ្នាំ គឺអ្នកគ្រូ ទេព សម្ភ័ស្ត ដែលជាប្រធានផ្នែកសម្ភព និងរោគស្រ្តីប្រចាំមន្ទីរព្យាបាលស្រ្តី និងកុមារដំរី បានបកស្រាយយ៉ាងច្បាស់ៗពីអត្ថប្រយោជន៍នៃទឹកអនាម័យ និងរបៀបប្រើឱ្យបានត្រឹមត្រូវដូចខាងក្រោម។

អ្នកគ្រូ ទេព សម្ភ័ស្ត បានលើកឡើងថា ការថែរក្សាអនាម័យប្រដាប់ភេទស្រ្តីគឺជារឿងសំខាន់ណាស់ បើធ្វើមិនបានត្រឹមត្រូវទេគឺអាចប៉ះពាល់ខ្លាំងដល់ពេញតួស្បូនរបស់ស្រ្តីតែម្តងរាប់ចាប់តាំងពី​បង្ករោគ, រលាកទ្វារមាសខាងក្រៅ, មេរោគអាចជ្រាបចូលទ្វារមាសចូលទៅកាន់មាត់ស្បូន ដៃស្បូន និងតួស្បូន ដែលអាចធ្វើឱ្យមានឆ្លងកាមរោគ រលាកដៃស្បូន ខ្ទុះដៃស្បូន ខ្ទុះកន្សោមពង និងអាចធ្វើឱ្យមានពិការភាពផ្លូវភេទ មិនអាចមានកូនបានទៀតផង។

រីឯការជ្រើសរើសយកទឹកអនាម័យស្រ្តី ដើម្បីលាងសម្អាតថែរក្សាប្រដាប់ភេទស្រ្តីនេះ គឺមិនខុសនោះទេ វាត្រឹមត្រូវប្រសិនបើយើងចេះរើសផលិតផលត្រូវ និងប្រើបានត្រូវតាមក្បួន។ ផ្ទុយទៅវិញ បើជ្រើសរើសទឹកអនាម័យខុស ប្រើខុស នោះផលវិបាកក៏មានដែរ។ ឧទាហរណ៍ ការរើសយកទឹកអនាម័យដែលមានជាតិក្រអូបខ្លាំង គឺអាចធ្វើឱ្យមានការរលាកទ្វារមាស, អតុល្យភាពPH នាំឱ្យទ្វារមាសស្ងួតខ្លាំងពេក ឬក៏ដាក់ទឹកអនាម័យចូលទៅក្នុងទ្វារមាសជ្រៅដែលធ្វើឱ្យងាប់បាត់តេរីល្អៗដែលការពារទ្វារមាសទៅវិញ។

ត្រលប់មកវិញ អ្នកគ្រូ ទេព សម្ភ័ស្ត ណែនាំបន្ថែមថាបើចង់ប្រើទឹកអនាម័យ ត្រូវរើសយកទឹកអនាម័យណាដែលមានPHណឺត មានន័យថា PH ទាប, ទឹកអនាម័យដែលមិនមានក្លិនក្រអូបខ្លាំងពេក និងកុំប្រើវាលូកលាងចូលទៅក្នុងទ្វារមាសឱ្យសោះ។ លើសពីនេះទៅទៀត ប្រសិនបើប្រើទៅមានជួបបញ្ហាធ្លាក់ ស រ៉ាំរ៉ៃ គួរតែទៅជួបជាមួយនឹងពេទ្យជំនាញរោគស្រ្តីផ្សេងៗដូចជាមន្ទីរព្យាបាលស្រ្តី និងកុមារដំរី ដែលមានគ្រូពេទ្យជំនាញព្យាបាលរោគស្រ្តីជាង២០ឆ្នាំ ដើម្បីប្រឹក្សាយោបល់ ព្រោះករណីដែលអ្នកគ្រូជួបកន្លងមកគឺអាចមានទ្វារមាសស្រ្តីមួយចំនួនអាឡែកហ្ស៊ីជាមួយទឹកអនាម័យនោះ។ ជាលទ្ធផលកាន់តែប្រើ ទ្វារមាសកាន់តែមានបញ្ហា រលាក ស្ងួត និងធ្លាក់ ស មិនឈប់មិនឈរ។

ជារួមមកវិញ បងប្អូនត្រូវចេះរើសយកទឹកអនាម័យដែលត្រឹមត្រូវ និងត្រូវចេះប្រើវាផងទើបអាចទទួលបានលទ្ធផលល្អពីផលិតផលទាំងនោះ។ សម្រាប់ព័ត៌មានបន្ថែម ឬមានសំនួរចង់សួរទៅកាន់អ្នកគ្រូសម្ភ័ស្ត បងប្អូនអាចទាក់ទងទៅកាន់លេខទូរស័ព្ធក្រុមការងាររបស់អ្នកគ្រូបានតាមរយៈ 023 90 22 79 / 092 377 000 ៕

អត្ថបទដោយ: កញ្ញា លីហួយ