បញ្ហាចម្បងដែលមនុស្សភាគច្រើនតែងតែជួបប្រទះនៅពេលអាកាសធាតុក្តៅគឺ ឈឺពោះ រាគរួស ក្អួតចង្អោរ វិលមុខ បែកញើសខ្លាំង... ទាំងអស់នេះគឺជារោគសញ្ញានៃជំងឺ Heat stroke គឺជាជំងឺរដូវក្តៅ ដែលវាកើតឡើងដោយសារអាកាសធាតុក្តៅ រាងកាយខាងក្នុងឡើងកម្តៅ អតុល្យភាពអេឡិចត្រូលីតក្នុងរាងកាយ និងខ្វះជាតិទឹកខ្លាំង។ មានន័យថា បើរាងកាយមនុស្សណាម្នាក់ខ្វះជាតិទឹក ឬខះជាតិទឹក គឺងាយនឹងកើតជំងឺ Heat stroke បំផុត ហើយជំងឺនេះអាចប៉ះពាល់ដល់អាយុជីវិតបាន បើសង្រ្គោះមិនទាន់ពេល។

ជាការពិតណាស់​ យោងតាមការបញ្ជាក់ពី វេជ្ជបណ្ឌិត Nitin A. Kapur, MD ដែលជាគ្រូពេទ្យថែទាំបឋមនៃបណ្តាញវេជ្ជសាស្ត្រ Cedars-Sinai នៅ Santa Monica បានឱ្យដឹងថា បញ្ហាខះជាតិទឹកក្នុងរាងកាយ គឺប៉ះពាល់ទៅដល់សុខភាពធ្ងន់ធ្ងរណាស់រួមមាន៖ ចង្វាក់បេះដូងលោតញាប់ ដកដង្ហើមមិនដល់គ្នា ឆាប់ខឹង វិលមុខ ស្រវាំងភ្នែក ស្រវាំងភ្នែក ស្បែកស្ងួត ភ្លេចភ្លាំង...ករណីធ្ងន់ធ្ងរគឺដួលសន្លប់ ហើយអាចបាត់បង់ជីវិតបាន។

ដូច្នេះនៅក្នុងរដូវក្តៅនេះ អ្នកត្រូវការពាររាងកាយរបស់អ្នកកុំឱ្យខ្វះជាតិទឹកឬខះជាតិទឹកឱ្យសោះ។ អនុវត្តវិធីខាងក្រោមដើម្បីរក្សាជាតិទឹកក្នុងរាងកាយ២៤ម៉ោងពេញ៖

១. ផឹកទឹក១ថ្ងៃឱ្យបាន៣លីត្រ

·  ផឹក១កែវពេលភ្ញាក់ពីគេង៤០០មីលីលីត្រ

·  ទម្លាប់ផឹកទឹកច្រើននាពេលថ្ងៃត្រង់ផឹកទឹកមុន៤០០មីលីលីត្រ &ក្រោយញុំាអាហារ៤០០មីលីលីត្រ

·  ផឹកទឹកបន្ទាប់ពីទទួលទានអាហារសម្រន់ ឬភេសជ្ជៈផ្សេងៗ៤០០មីលីលីត្រ

·  ទម្លាប់ផឹកទឹកច្រើននាពេលថ្ងៃត្រង់៤០០មីលីលីត្រ

·   បន្ទាប់ពីទទួលទានអាហារសម្រន់ ឬភេសជ្ជៈផ្សេងៗ៤០០មីលីលីត្រ

·   ផឹកទឹកមុន និងក្រោយហាត់ប្រាណ៤០០មីលីលីត្រ

·   ញុំាទឹកពេលយប់៤០០មីលីលីត្រ

២. ព្យាយាមញ៉ាំផ្លែឈើសម្បូរជាតិទឹកដូចជា ក្រូច ឪឡឹក ត្រសក់...។

៣. ចៀសវាងញ៉ាំអាហារ លើសជាតិខ្លាញ់ អាហារហឹរ និងសាច់ច្រើន...ពីព្រោះអាហារទាំងអស់នេះធ្វើឱ្យរាងកាយខះជាតិទឹកក្នុងខ្លួនលឿនបំផុត៕

អត្ថបទដោយ៖ មឿន គន្ធា