ការផ្ដល់ជាតិសំណើមដល់ស្បែក គឺជាគន្លឹះសំខាន់បំផុតមិនអាចរំលងបាន ប្រសិនបើអ្នកចង់បានស្បែកស្អាត មិនសូវមានបញ្ហាមុន ឬបញ្ហាផ្សេងៗទៀត។ មិនតែប៉ុណ្ណោះស្បែកដែលមានសំណើមគ្រប់គ្រាន់ គឺមិនងាយចេញស្នាមជ្រីវជ្រួញ ឬចាស់ជាងវ័យឡើយ។ អ្វីដែលសំខាន់ផលវិបាកធំមួយនោះគឺ មនុស្សមួយចំនួនធំនៅមិនដឹងថាគួររើសឡេឬគ្រីមផ្ដល់សំណើម(Moisturizer ) បែបណាលាបឱ្យត្រូវនឹងស្បែកមុខខ្លួនឯង។ មកដឹងពីវិធីរើសគ្រីមផ្ដល់សំណើម សម្រាប់អ្នកដែលមានស្បែក ស្ងួត ប្រេង និងងាយប្រតិកម្ម ដូចខាងក្រោមនេះ។

ត្រូវដឹងថា ប្រភេទគ្រីមផ្ដល់សំណើមចែកចេញជា៣ប្រភេទ៖

១ Humectant រូបមន្តនេះគឺចាប់យកសំណើមពីបរិយាកាស មកផ្ដល់ឱ្យស្បែកមុខ និងស្រូបយកសំណើមពីស្រទាប់ទី២របស់ស្បែក មកខាងលើស្រទាប់ទី១ធ្វើឱ្យមុខរបស់យើងមានជាតិសំណើម។ ក្នុងរូបមន្តនេះ Humectant មានសារធាតុផ្សំដូចជា Hyaluronic Acid, Glycerin, Honey, Aloe Vera...។

២ Occlusive រូបមន្តនេះគឺប្រៀបដូចជារនាំងទប់ជាតិសំណើម កុំឱ្យចេញមកក្រៅ ធម្មតាស្បែករបស់យើងមានជាតិសំណើមស្រាប់ហើយ តែវាហួតមកខាងក្រៅខ្លាំងពេកធ្វើឱ្យស្បែកស្ងួត ចឹងនៅពេលដែលយើងលាបក្រែមផ្ដល់សំណើមប្រភេទនេះលើស្បែកគឺវារក្សាជាតិសំណើមនៅក្នុងស្បែកបានល្អ ហើយរូបមន្តនេះ ខាប់ខ្លាំង ដែល Occlusive មានសារធាតុផ្សំពី Mineral Oil, Lanolin, Jojoba oil, Olive Oil, Shea Butter…។

៣ Emollient រូបមន្តនេះដូចជាអ្នកទៅបំពេញចន្លោះឱ្យស្បែករបស់យើង ភាគច្រើនលាបហើយធ្វើឱ្យស្បែកម៉ដស្មើសាច់ល្អ ដែល Emollient សារធាតុផ្សំដូចជា ceramides, cocoa butter, collagen,jojoba oil...។

បញ្ជាក់៖ រូបមន្តទាំង៣នេះ គេនឹងយកវាមកបញ្ជូលគ្នា ដែលក្លាយជាក្រែមផ្ដល់សំណើមមួយ ដែលមានទម្រង់ខាប់ឬរាងអាស្រ័យលើថាគេដាក់រូបមន្តមួយណាតិចជាងឬច្រើនជាង ដើម្បីតម្រូវតាមប្រភេទស្បែក។ ហើយទម្រង់របស់ក្រែមផ្ដល់សំណើមមាន៣ដូចជា ទម្រងរូបរាងជាជែល( Gel),គ្រីម( Cream) និងឡេ( lotion)។

សម្រាប់ស្បែកស្ងួត គួរតែប្រើលក្រែមផ្ដល់សំណើមប្រភេទ Humectant និង Occlusive ដូចបានពន្យល់ខាងលើចឹង ប្រភេទ២នេះ ជួយស្រូបសំណើមពីខាងក្រៅចូលមកស្បែក និងមួយទៀត ជួយទប់ជាតិសំណើមឱ្យនៅតែក្នុងស្បែកកុំឱ្យហួតចេញមកក្រៅ ហើយរើសយកទម្រង់ជាងCream ដោយសារតែក្រែមមានសភាពខាប់ ផ្ដល់ជាតិសំណើមនិងទប់ជាតិឱ្យស្បែកបានល្អ។

សម្រាប់ស្បែកប្រេង គួររើសក្រែមផ្ដល់សំណើមមានទម្រង់ជាង Gel and lotion ដោយសារវារាវ ស្រាលងាយស្រួលស្រូបចូលស្បែកមុខល្អ ដែលភាគច្រើនគេធ្វើពីប្រភេទ Humectant និង Emollient ព្រោះមុខរបស់យើងមានប្រេងជាតិច្រើនស្រាប់ ត្រូវការទាំងជាតិសំណើមបន្ថែមនិងសារធាតុប្រេងល្អ ដែលដូចទៅរំញោចក្រពេញប្រេងកុំឱ្យផលិតផលប្រេងមកច្រើនពេក។ ប្រភេទក្រែមផ្ដល់សំណើម ប្រភេទ Humectantនេះ ក៏អាចត្រូវសម្រាប់អ្នកមានស្បែកប្រភេទធម្មតា និងចម្រុះបានដែរ។

សម្រាប់អ្នកដែលមានស្បែកងាយប្រតិកម្ម គួរតែរើសក្រែមផ្ដល់សំណើមណាដែលមានសារធាតុផ្សំដូចជា Glycerin, Hyaluronic Acid, Green Tea, Ceramides, Aloe Vera គួរប្រើគ្រីមផ្ដល់សំណើមណាដែលផ្ដល់ទាំងជាតិទឹក និងប្រេងឱ្យគ្រប់គ្រាន់ ហើយសំខាន់បំផុតក្រែមផ្ដល់សំណើមសម្រាប់អ្នកមានស្បែកងាយប្រតិកម្ម ត្រូវតែគ្មានជាតិអាកុល (Alcohol free) គ្មានសារធាតុបន្ថែមក្លិនឱ្យក្រអូប( Fragrance free) គ្មានប្រេងរុក្ខជាតិ( Essential oil free)។

បន្ថែមពីលើនេះផងដែរ លោកអ្នកក៏អាចជ្រើសប្រើជាលក្ខណៈសេរ៉ូមផ្ដល់សំណើមក៏បានដែរ ព្រោះងាយជ្រាបចូលស្បែកបានលឿន និងសមស្របតាមប្រភេទស្បែកនិងអាកាសធាតុក្នុងប្រទេសកម្ពុជាយើង។ មុននឹងប្រើផលិតផលអ្វីក៏ដោយសូមប្រឹក្សាជាមួយអ្នកជំនាញជាមុន ឬស្គាល់ពីផលិតផលនិងប្រភេទស្បែកខ្លួនឯងសិន ហាមប្រើតាមគ្នា។ សារធាតុផ្សំខាងលើ បងប្អូនអាចមើលលើសំបកផលិតផលបាន ងាយស្រួលទិញជាងមុន៕

ប្រភព៖ Dermatologist

អត្ថបទដោយ៖ សេងហុង-Senghong

#សៀវភៅសម្រស់ភាគ១