ជាទូទៅការបញ្ចេញទឹកកាមរបស់មនុស្សប្រុសជាទៀងទាត់អាចបង្កើនភាពមានកូន ជួយបំបាត់ភាពតានតឹង គេងលក់ស្រួល បង្កើនភាពស្និទ្ធស្នាលរវាងស្វាមី និងភរិយា ព្រមទាំងបង្កើនពេលវេលាផ្អែលល្អែមបានច្រើនទៀតផង។ ប៉ុន្តែទោះជាយ៉ាងណាក៏ដោយ ការបញ្ចេញទឹកកាមច្រើនពេកនឹងប៉ះពាល់យ៉ាងធ្ងន់ធ្ងរដល់សុខភាព។
ជាក់ស្ដែងយោងតាមការចុះផ្សាយរបស់វែបសាយ Vnexpress លោកវេជ្ជបណ្ឌិត Tran Thai Hoa មជ្ឈមណ្ឌលសុខភាពបុរសបាននិយាយថា ការបញ្ចេញទឹកកាមមិនសំដៅដល់តែការរួមភេទនោះទេ ដោយរួមទាំងការបញ្ចេញទឹកកាមដោយសម្រេចកាមដោយខ្លួនឯង និងការបញ្ចេញទឹកកាមដោយមិនដឹងខ្លួនពេលគេងល ហើយវាតែងតែកើតឡើងនៅពេលរួមភេទដល់ចំណុចកំពូល ឬមានការរំជើបរំជួល និងអារម្មណ៍ផ្លូវភេទខ្ពស់។ នេះគឺជាបាតុភូតសរីរវិទ្យាធម្មជាតិដែលជាធម្មតាបុរសម្នាក់អាច បញ្ចេញទឹកកាមប្រហែល៥,០០០ដង ក្នុង១ជីវិតរបស់គាត់។ ហើយបើបុរសបញ្ចេញទឹកកាមច្រើនពេកនឹងប៉ះពាល់ដោយផ្ទាល់ដល់ប្រដាប់បន្តពូជ គុណភាពមេជីវិតឈ្មោល សុខភាពផ្លូវកាយ និងផ្លូវចិត្ត។
ជាមួយនឹងភាពញឹកញាប់នៃការរួមភេទដូចខាងលើ ប្រសិនបើបុរសនឿយហត់ បាត់បង់ការផ្តោតអារម្មណ៍ ឈឺរាងកាយ និងស្រកទម្ងន់ វាត្រូវបានគេចាត់ទុកថាជាសញ្ញានៃការបញ្ចេញទឹកកាមច្រើន។ យ៉ាងណាមិញខាងក្រោមនេះគឺជាផលអវិជ្ជមានចំនួន៤ ប៉ះពាល់ដល់បុរស៖
១. ឥទ្ធិពលលើគុណភាពមេជីវិតឈ្មោល៖ រាងកាយប្រៀបបាននឹងម៉ាស៊ីន បើលើសចំណុះឥតឈប់ឈរ វានឹងចុះខ្សោយ។ ដូច្នេះការបាញ់ទឹកកាមច្រើនដងធ្វើឱ្យរាងកាយមិនមានពេលគ្រប់គ្រាន់ក្នុងការសម្រាកដើម្បីផលិតឡើយ ។ ខណៈគុណភាពនៃទឹកកាមថយចុះបណ្តាលឱ្យមានសារធាតុរាវ ឬគ្មានមេជីវិតឈ្មោល និងធ្វើឱ្យពិបាកខ្លាំងក្នុងការមានគភ៌។
២. ផលប៉ះពាល់សុខភាពរាងកាយ៖ ការរួមភេទគឺត្រូវប្រើប្រាស់ថាមពលច្រើន។ ប្រសិនបើការបញ្ចេញទឹកកាមច្រើនពេក រាងកាយនឹងដំណើរការជាបន្តបន្ទាប់ ដែលនាំឱ្យសុខភាពថយចុះ សូម្បីតែអាយុសង្ឃឹមក៏ខ្លីដែរ។
៣. ផលប៉ះពាល់ផ្លូវចិត្ត៖ ការបាញ់ទឹកកាមច្រើនពេកនឹងធ្វើឱ្យរាងកាយកាត់បន្ថយការសប្បាយបន្តិចម្តងៗ ហើយប្រែអារម្មណ៍លែងចាប់អារម្មណ៍រឿងស្នេហាទៀតហើយ។ ប្រសិនបើអូសបន្លាយយូរ បុរសនឹងមានអាការដូចជាលិង្គមិនឡើងរឹង មិនអាចបញ្ចេញទឹកកាម ឬគ្រប់គ្រងសរីរវិទ្យាបានទេ។
៤.ផលប៉ះពាល់ដោយផ្ទាល់លើសរីរាង្គប្រដាប់បន្តពូជ៖ ជាទូទៅប្រដាប់ភេទបុរសមានភាពរសើបខ្លាំង ដូច្នេះនៅពេលដែលទទួលរងការកកិតច្រើនផ្នែកនៃប្រដាប់ភេទងាយនឹងរងរបួស និងរលាក ហើមទៀតផង ហើយធ្ងន់ធ្ងរជាងនេះទៅទៀត វាអាចប៉ះពាល់ដល់ការមានកូន ប្រសិនបើមិនបានព្យាបាលទាន់ពេលវេលា។
គួររំលឹកដែលថា ចំនួនដងជាមធ្យមដែលអ្នកបញ្ចេញទឹកកាមគឺមានការប្រែប្រួលទៅតាមអាយុ ស្ថានភាពទំនាក់ទំនង និងសុខភាពរបស់អ្នក។ យោងតាមការសិក្សាស្រាវជ្រាវផ្លូវភេទឆ្នាំ២០១៥ នៅសហរដ្ឋអាមេរិក ការបញ្ចេញទឹកកាមជាញឹកញាប់ក្នុងចំណោមបុរសដែលមានអាយុពី២៥-២៩ឆ្នាំ។ នៅពេលពួកគេឈានដល់អាយុ៣០ឆ្នាំ ប្រេកង់ថយចុះបន្តិច ហើយវាបន្តធ្លាក់ចុះនៅពេលពួកគេឈានទៅវ័យកាន់តែចាស់។
អត្ថបទដោយ៖ ស្រីណុច