កត្តានេះហើយ ដើម្បីជាគន្លឹះការពារ ថែទាំទៅកាន់សុខភាពទ្វារមាស និងសុដន់ ថ្ងៃនេះផងដែរ ក្រុមការងារចាបបៃតង សូមលើកយកនូវប្រភេទបន្លែផ្លឈើចំនួន ៥មុខ ដកស្រង់ចេញប្រភព healthshots និង WebMD ៖

១. ផ្កាខាត់ណា៖ ផ្កាខាត់ណាខៀវ ផ្កាខាត់ណាស និងដើមខាត់ណា មានផ្ទុកទៅដោយវីតាមីន A និង C ខ្ពស់ ដោយវីតាមីនទាំងនេះ គឺជាសារធាតុប្រឆាំងអុកស៊ីតកម្ម ដែលអាចជួយកម្ចាត់ជាតិពុល និងបង្ការសារធាតុបង្កមហារីក ដែលអាចបង្កឱ្យមានជំងឺមហារីកសុដន់។ ទន្ទឹមនឹងនេះទៀតសោត ផ្កាខាត់ណាខៀវ ក៏មានផ្ទុកសារធាតុ flavonoids និងសារជាតិចិញ្ចឹមគួបផ្សំមួយចំនួនទៀត អាចចូលទៅជួយជួសជុលនូវកោសិកាខូចខាតមួយចំនួនដែលមាននៅក្នុងទ្វារមាស ទប់បញ្ហាស្ងួត កម្ចាត់បាក់តេរីមិនល្អ និងថែមទាំងអាចជួយ បង្ការកុំឱ្យជំងឺមហារីកក្រពេញអូវែបានមួយផ្នែកទៀត។

២. បន្លែផ្លែឈើពណ៌ក្រហម និងទឹកក្រូច៖ សារធាតុពណ៌ធម្មជាតិដែលមាននៅក្នុងប៉េងប៉ោះ ផ្លែក្រូច ផ្លែស្ត្របឺរី ការ៉ុត និងដំឡូងផ្អែម រាងកាយនឹងបំប្លែងពួកវាទៅជាវីតាមីន A ដែលមានសារៈសំខាន់ក្នុងការបន្ថយនូវហានិភ័យនៃប្រភេទមហារីកសុដន់មួយចំនួន និងជួយពង្រឹងដល់ការលូតលាស់របស់សុដន់។ អ្វីកាន់តែពិសេសនោះគឺប្រភេទ ក្រូចថ្លុង ក្រូចឆ្មារ ក្រូចក្រហម...ផ្ទុកទៅដោយសារជាតិវីតាមីនCដ៏សម្បូរបែប ដែលអាចកាត់បន្ថយហានិភ័យនៃការឆ្លងមេរោគក្នុងទ្វារមាសបានរហូតដល់ពាក់កណ្តាល ដោយសារតែវត្តមានអាស៊ីត ascorbic និងទប់ស្កាត់ការឆ្លងមេរោគកើតឡើងម្តងទៀត និងការហូរទឹករំអិលទ្វារមាសច្រើនខុសប្រក្រតីផងដែរ។

៣. ត្រី៖ សារជាតិអូមេហ្គា៣ ដែលមាននៅសាច់ត្រីដូចជា ធូណា សាលម៉ុន សាឌីន... ផ្ទុកទៅដោយអាស៊ីតខ្លាញ់អូមេហ្គា 3 អាចបង្កើនកម្រិតអរម៉ូនអ៊ឹស្ត្រូសែន ការពារភាពស្ងួតរបស់ទ្វារមាស បង្កើនជាតិទឹកដល់ស្បែក និងកាត់បន្ថយបញ្ហាជំងឺរោគស្ត្រីរុំារ៉ៃមួយចំនួន។ ទន្ទឹមនឹងនេះ នៅក្នុងសាច់ត្រី មានផ្ទុកទៅដោយវីតាមីន D មានប្រយោជន៍នៅក្នុងការថែរក្សាសុដន់មនុស្សស្រី ឱ្យការលូតលាស់កាន់តែប្រសើរ និងកម្ចាត់នូវមេរោគ បាក់តេរីដែលងាយធ្វើឱ្យកើតជាដុំគីស ឬរាលដាករោគមហារីក។