ក្រៅពីការថែរក្សាស្បូន ​សុដន់  ខួរក្បាលឬក៏សរីរាង្គផ្សេងៗ សរីរាង្គភ្នែក​ក៏ជាសរីរាង្គសំខាន់១បំផុតមិនអាចខ្វះបាន កែវភ្នែកទាំងគូរនេះ បើងងឹត បើខ្សោយគឺពិបាកក្នុងការរស់នៅឆ្នាំណាស់ ដូច្នេះត្រូវការពារ ថែរក្សាឱ្យអស់លទ្ធភាព។

ខាងក្រោមនេះជាក្រុមអាហារគូរញុំាជំនួយភ្នែក បើខ្វះក្រុមអាហារប៉ុន្មានក្រុមនេះ មនុស្សស្រីងាយនឹងខ្សោយភ្នែកខ្លាំងណាស់ ដូច្នេះរកញុំាឱ្យបានគ្រប់គ្រាន់នេះបើយោងតាមរយៈគេហទំព័រ webmd ។

១.ក្រុមបន្លែផ្លែឈើ៖ ប្រភេទក្រុមបន្លែផ្លែឈើ មានដូចជា​ ស្ពៃ ខាត់ណា ការ៉ុត ម្ទេសប្លោក តាសក់ រួមទាំហបន្លែជាច្រើនមុខទៀត គឺមានសារសំខាន់ខ្លាំងណាស់ សម្រាប់ជំនួយភ្នែក ឱ្យភ្លឺច្បាស់ មានសុខភាពល្អ ស្រ្តីគួរញុំាឱ្យបានគ្រប់គ្រាន់។

២.ក្រុមគ្រាប់ធញ្ញជាតិ៖ មានដូចគ្នា គ្រាប់អាល់ម៉ុន គ្រាប់ផ្កាឈូករ័ត្ន គ្រាប់រីករាយ រួមទាំងគ្រាប់ធញ្ញជាតិជាច្រើនទៀត ដែលសម្បូរដោយវីតាមីនEនិងសារធាតុចិញ្ចឹមជាច្រើនមុខទៀតល្អសម្រាប់សុខភាពរបស់ភ្នែក។  ការសិក្សាមួយបានរកឃើញថា ពិសារគ្រាប់ធញ្ញជាតិទាំងនេះ អាចជួយពន្យឺតភាពថយចុះនៃការមើលឃើញរបស់ភ្នែក តាមរយៈអាយុ រួមទាំងជួយការពារភ្នែកពីជំងឺឡើងបាយផងដែរ។

៣.ក្រុមត្រី៖ មានសដូចជាពពួកត្រី ធូណា សាឌីន រួមទាំងប្រភេទត្រីជាច្រើនទៀត គឺសម្បូរដោយវីតាមីន និងខ្លាញ់ល្អ មានប្រយោជន៍សម្រាប់សុខភាពរបស់ភ្នែក ជួយឱ្យភ្នែកភ្លឺច្បាស់ និងការពារភ្នែកស្ងួតផងដែរ។

៤.ស៊ុត៖ គឺជាអាហារមមួយប្រភេទដែលជំនួយដល់សុខភាពរបស់ភ្នែកខ្លាំងបំផុត អ្នកអាចញុំាស៊ុតធ្វើជាអាហារពេលព្រឹកឬក៏ពេលល្ងាចបាន ស៊ុតមានសមត្ថភាពជួយ ឱ្យភ្នែកភ្លឺច្បាស់ កាត់បន្ថយភាពខ្សោយមើលឃើញរបស់ភ្នែក តាមរយៈអាយុ និងជួយការពារកញ្ចក់ភ្នែក រួមទាំងជួយឱ្យមើលពេលយប់ច្បាស់​មានន័យថា (មិនខ្វាក់មាន់)។

គូសបញ្ជាក់ឱ្យដឹងថា​ ក្រុមអាហារការពារនិងជួយសុខភាពភ្នែកទាំងនេះ ប្រុសស្រីគួរញុំាឱ្យបានច្រើនជាពិសេសស្រ្តីតែម្ដង ត្រូវញុំាឱ្យបានគ្រប់ ដើម្បីជំនួយនិងពន្យឺតការមើលឃើញរបស់ភ្នែកតាមរយៈអាយុ មួយវិញទៀតក្រុមអាហារទាំងនេះ បើខ្វះមិនគ្រប់គ្រាន់ សុខភាពភ្នែកអាចនិងងាយមានបញ្ហា រួមផ្សំមានជំងឺផ្សេងៗទៀតកាន់តែពិបាក៕

អត្ថបទដោយ៖ ប៉ែត ធីតា