យើងបានដឹងហើយថាលោក អេឡូន ម៉ាស ជាបុគ្គលម្នាក់ដែលមានការគិតខុសពីគេ មានសមត្ថភាពច្នៃប្រតិដ្ឋលើការផលិតផលឱ្យប្លែក ឱ្យអ្នកប្រើប្រាស់មានអារម្មណ៍ថា អស្ចារ្យណាស់! រឿងទាំងអស់នេះ មិនមែនជារឿងកើតឡើងដោយចៃដន្យនោះទេ វាសុទ្ធតែមានអាថ៌កំបាំងពីក្រោយសមត្ថភាពទាំងអស់នេះជាមិនខាន។ ព្រោះតែគាត់មានទម្លាប់ល្អបែបនេះ បានឈ្នះភាពខ្ចិល។
សម្រាប់រឿងទីមួយ ដែលធ្វើឱ្យលោក ម៉ាស សម្រេចបានលទ្ធផលធំ ការចេះប្រើពេលវេលា។ ប្រើពេលសន្សឹមៗ មិនចាំបាច់បង្ខំទេ បានអ្នកមិនខ្ចិលច្រើនទេ។ អ្នកឃើញទេ! លោក Musk មិនមែនផលិតគ្រាប់រ៉ុតកែតបានជោគជ័យប្រើពេល ៦ថ្ងៃនោះទេ គឺអត់ធ្មត់ធ្វើការងារម្តងបន្តិចៗ រហូតចាយពេល ៦ឆ្នាំឯណោះ ទើបគាត់អាចផលិតគ្រាប់រ៉ុតកែតបានសម្រេច ហើយទទួលជំនួយបន្ថែមពីអង្គកាណាសារាប់ពាន់លានដុល្លារ។ គ្រាន់តែអ្នកគិតថា ភាពអស្ចារ្យក្នុងកិច្ចការអ្វីមួយ មិនមែនមកពីភាពខ្ចិលទេ គឺការព្យាយាមនេះឯង។
ការមានចិត្តខ្លាំង ចេះអត់ធ្មត់ខ្ពស់ដែលលោក Musk បានវិនិយោគលើពេលវេលា និងហ៊ានស្រក់ញើសស្រក់ឈាមក្នុងអាជីកម្មរបស់គាត់ច្រើនណាស់ ទម្រាំតែបានផលសងត្រឡប់មកវិញ។ អ្នកក៏អាចសម្រេចបានលទ្ធផលបានដែរ គ្រាន់តែអ្នកដើរតាមច្បាប់ការប្រាក់ជីវិតនេះដោយប្រើពេលមួយថ្ងៃបន្តិចៗ ដោយចិត្តអត់ធ្មត់ អ្នកនឹងធ្វើអ្វីមួយគង់តែសម្រេចដូចជាលោក ម៉ាស ជាមិនខានឡើយ។ តាមលោក Ralph W. Emerson ជាទស្សនវិទូមានប្រសាសន៍ថា សកម្មភាពរបស់មនុស្សបែបណា តែងទទួលផលត្រឡប់មកវិញជានិច្ច។ ពេលផលតបស្នងរបស់អ្នកផ្អឹបទុកកាន់តែយូរច្រើនប៉ុនណា ផលរបស់អ្នកដូចជាការប្រាក់បន្ថែមលើប្រាក់ដើមកាន់តែច្រើនឡើងជានិច្ច”។ ពេលអ្នកយល់ពីតម្លៃការប្រើពេលវេលាហើយ អ្នកនឹងសម្រេចបានលទ្ធផលធំ ឱ្យជីវិតរបស់អ្នករស់នៅមានក្តីសុខបំផុត។
ចំណុចទីមួយខាងលើសរុបឱ្យខ្លីគឺ ចេះប្រើពេលវេលា សម្រេចកិច្ចការធំ។ ចំណែកចំណុចទីពីរវិញ គឺចេះប្រើពេលវេលាក្នុងពេលនេះ ឥឡូវនេះតែម្តង។ បើអ្នកខ្ចិលច្រើន ព្រោះតែមិនបានចាប់ផ្តើមពេលឥឡូវនេះ ចេះតែពន្យាពេល វាធ្វើឱ្យអស់ចំណង់ កើតរោគខ្ចិល។ លោក Elon Musk បានគិតថា “ពេលឥឡូវនេះជាពេលល្អបំផុត”។ បើអ្នកចង់សម្រេចក្តីស្រមៃក្នុងជីវិត តើអ្នកចាប់ផ្តើមនៅពេលណា? តាមលោក Elon Musk មានប្រសាសន៍បន្ថែមថា “ខ្ញុំជាមនុស្សសុទិដ្ឋិនិយម ដែលគិតថា ការរស់នៅរបស់យើងក្នុងពេលនេះ ជាការប្រសើរបំផុតក្នុងការរស់នៅ។” លោកមិនដែលខ្វះរឿងអតីតកាល និងរឿងអនាគតខ្លាំងពេកនោះទេ លោក ម៉ាស គ្រាន់តែផ្តោតអារម្មណ៍ពេលនេះតែប៉ុណ្ណោះ ភាពខ្ចិលក៏រត់បាត់ ធ្វើឱ្យចិត្តគាត់ទទួលបានក្តីសុខ ក្តីស្រឡាញ់ និងអាចសម្រេចកិច្ចការធំបាន។
បើអ្នកមានការគិតល្អៗ ជីវិតរបស់អ្នក សុខភាពរបស់អ្នក ជាការរស់នៅដែលមានសុភមង្គលបំផុត។ លោក Elon Musk ចង់បង្រៀនយើងថា ការរស់នៅ និងប្រើជីវិតឱ្យមានអត្ថន័យដូចលោក អ្នកត្រូវតែមានអារម្មណ៍ថា ពេលនេះជាពេលវេលាមានតម្លៃបំផុត ដែលលុយមិនអាចទិញវាបានទេ បើវាកន្លែងផុតគឺផុតហើយ។ កុំឱ្យភាពខ្ចិលស៊ីពេលវេលារបស់អ្នកឱ្យឥតប្រយោជន៍ឱ្យសោះ។ ចូរប្រើពេលវេលាក្នុងថ្ងៃនេះឱ្យមានតម្លៃបំផុត ជីវិតរបស់អ្នកនឹងបង្កើតលទ្ធផលធំ រស់នៅមានក្តីសុខមិនខានទេ៕ អត្ថបទដោយ៖ ទ្រ សុភាព