បើសុខភាពផ្លូវចិត្តរបស់អ្នកមានបញ្ហាហើយ មិនយូរទេរាងកាយអ្នកក៏ចុះខ្សោយតាមហ្នឹងដែរ។ អ្នកច្បាស់ជាមើលឃើញថា អ្នកពិបាកចិត្ត និងខូចចិត្តរឿងស្នេហ៍ សូម្បីតែបាយទឹកក៏អត់ឃ្លានដែរ។ វេជ្ជបណ្ឌិតនិងអ្នកចិត្តសាស្រ្តបានឯកភាពថា អ្នកកើតជំងឺផ្លូវចិត្តប៉ះពាក់ប្រព៏ន្ធរំលាយអាហារ និងលើសឈាមផងដែរ។ នៅខាងក្រោមនេះ អ្នកនឹងយល់ថា ហេតុអ្វីបញ្ហាផ្លូវចិត្តអាចវវត្តទៅបញ្ហាលើសឈាម?

សញ្ញាមុនដំបូងឱ្យអ្នកមានបញ្ហាសរសៃឈាម គឺធាត់ មកពីរបបអាហារលើសរសជាតិពេកដូចជាផ្អែម និងប្រៃ ដើមហេតុមកពីបញ្ហាស្រ្តេសនិងអារម្មណ៍តានតឹងនជឯង។ បើយោងតាមមន្ទីរពេទ្យ Mayoclinic បានបញ្ជាក់ថា អារម្មណ៍តានតឹង និងស្រ្តេស អាចបណ្តាលឱ្យអ្នកមានចំណង់លើចំណីអាហារលើសកម្រិត នាំឱ្យកើនគីឡូ និងសម្ពាធឈាមខ្ពស់ វាធ្វើឱ្យសរសៃឈាមឡើងប៉ោងផ្ទុះដាច់សរសៃកន្លែងហ្នឹង វាធ្វើឱ្យពិការរាងកាយ បើអ្នកមិនចាត់វិធានការកាត់បន្ថយបញ្ហាផ្លូវចិត្តទេ វាក៏វិត្តន៍ដល់បញ្ហាសុខភាពបេះដូងមួយកម្រិតទៀត។” វិធីកម្ចាត់ស្រ្តេសល្អបំផុត ការហាត់ប្រាណ ការធ្វើសមាធិ និងញ៉ាំអាហារសុខភាពល្អមានត្រី បន្លែ និងផ្លែឈើ។

តើអារម្មណ៍ និងសរសៃឈាម មានទំនាក់ទំនងគ្នាយ៉ាងណា? មនុស្សយើងអាចរស់បាន ព្រោះតែមានអារម្មណ៍ ឬវិញ្ញាណនេះឯង។ ប្រព័ន្ធសរសៃឈាមរបស់យើងមានតួនាទីក្នុងដំណើរការចិញ្ចឹមរាងកាយក៏ព្រោះតែអារម្មណ៍ភ្ជាប់ទំនាក់ទំនងជាមួយគ្នា។ តាមលោកស្រីវេជ្ជបណ្ឌិត Cristen Wathen បញ្ជាក់ថា មនុស្សយើងមានបញ្ហាផ្លូវចិត្តកាន់តែយូរព្រោះតែការថប់បារម្ភ ស្រ្តេស និងការធ្លាក់ទឹកចិត្តនោះ វានឹងប៉ះពាល់សុខភាពរាងកាយយើងតែម្តង ជាហេតុនាំកើតជំងឺលើសឈាម ហើយជំងឺមានហានិភ័យសម្រាប់មនុស្សវ័យ៤៥ឆ្នាំឡើង។”

ហើយលោកស្រីវេជ្ជបណ្ឌិត Renly Lim ជាអ្នកស្រាវជ្រាវនៅសាកលវិទ្យាល័យ South Australia បានប្រាប់ Medical News Today ថា "ពេលយើងមានបញ្ហាសុខភាពផ្លូវចិត្តមានការកើនឡើង ក៏មានហានិភ័យដល់សរសៃឈាមបេះដូង និងការខូចខាតកោសិការរាងកាយដែរ"។ អារម្មណ៍ក៏ខូច រាងកាយក៏ខូចដែរ។​

ហើយមានវេជ្ជបណ្ឌិតជាច្រើនក៏បានណែនាំដែរថា ការធ្វើលំហាត់ប្រាណ ៤ ទៅ៥ ដងក្នុងមួយសប្តាហ៍រយៈពេល ៣០នាទីអាចកាត់បន្ថយកម្រិតបញ្ហាផ្លូវចិត្ត។ ហើយអ្នកអាចបន្ថែមសកម្មភាពតូចៗ ការអាន ការសមាធិ និងការគេងឱ្យបានគ្រប់គ្រាន់ បញ្ហាផ្លូវអារម្មណ៍មានតិច ហើយការលើសឈាម និងបញ្ហាធាត់ ក៏គ្មានដែរ។ ព្រោះអរម៉ូនៃរាងកាយរបស់អ្នកមានលំនឹង ហើយវាក៏ធ្វើឱ្យសុខភាពអ្នករឹងមាំដែរ៕

អត្ថបទដោយ៖ ទ្រ សុភាព