យោងតាមប្រភពព័ត៌មាន Forbes បានឱ្យដឹងថា នៅសហរដ្ឋអារិក ករណីជំងឺមហារីកសុដន់ត្រូវបានគេរំពឹងថា នឹងកើនឡើងពីជិត ២៧៥,០០០ ក្នុងឆ្នាំ២០២២ ដល់ជាង៣៥០,០០០ ក្នុងឆ្នាំ២០៥០ ប្រសិនបើនិន្នាការបច្ចុប្បន្ននៅតែបន្ដកើនឡើង។ ចំណែកការស្លាប់ ត្រូវបានព្យាករណ៍ថា នឹងកើនឡើងពីជិត ៤៣,០០០ ទៅជិត ៦៤,០០០ ក្នុងរយៈពេលដូចគ្នានេះ។ កត្តាដែលបង្កឱ្យមានជំងឺមហារីកសុដន់ កើតចេញពីប្រវត្តិគ្រួសារ តំណពូជ និងកត្តារបៀបរស់នៅដូចជាការទទួលទានគ្រឿងស្រវឹង និងជក់បារីជាដើម ដែលជះឥទ្ធិលពលហានិភ័យលើជំងឺនេះ។ នៅពេលដែលចំនួនប្រជាជនកើនឡើង និងអាយុកាន់តែច្រើន ករណីកាន់តែច្រើនត្រូវបានគេរំពឹងថានឹងកើតឡើងតែម្ដង។

បើតាម independent.co.uk បានឱ្យដឹងទៀតថា ការសិក្សាបានរកឃើញ ជាធម្យមស្ត្រីម្នាក់ក្នុងចំណោម២០នាក់នៅទូទាំងពិភពលោកនឹងត្រូវបានគេធ្វើរោគវិនិច្ឆ័យថា មានជំងឺមហារីកសុដន់​ ហើយនៅឆ្នាំ២០៥០ នឹងមានករណីមហារីកសុដន់ថ្មីចំនួន៣.២លានករណី និងការស្លាប់ដោយសារជំងឺនេះ១.១លាននាក់ក្នុងឆ្នាំដូចគ្នា ប្រសិនបើនិន្នាការបច្ចុប្បន្ននៅតែបន្ដកើនឡើង។

គួរបញ្ជាក់ដែរថា អត្រាអ្នកកើតជំងឺមហារីកសុដន់ខ្ពស់បំផុត ត្រូវបានកត់ត្រានៅក្នុងប្រទេសអូស្ត្រាលី នូវែលសេឡង់ អាមេរិកខាងជើង និងអឺរ៉ុបខាងជើង។ អាត្រាទាបបំផុត ត្រូវបានរកឃើញនៅអាស៊ីកណ្ដាល និងផ្នែកខ្លះនៃទ្វីបអាហ្វ្រិក។ ទន្ទឹមនឹងនោះ អត្រាមរណៈភាពខ្ពស់បំផុត ត្រូវបានរាយការណ៍នៅ Melanesia, Polynesia និងអាហ្វ្រិកខាងលិច ដែលលទ្ធផលនៃការទទួលបានការថែទាំងសុខភាពនៅមានកម្រិត៕