ការដោះស្រាយបញ្ហាបែបនេះ តាមទស្សនវិជ្ជាជប៉ុន ពិតជាជួយបំភ្លឺផ្លូវចិត្តរបស់អ្នកឱ្យរីកស្រស់ស្រាយមកវិញមិនខានទេគឺពាក្យថា Uketamo ជាទស្សនវិជ្ជាមួយដែលស្ថិតក្នុងចិត្តប្រជាជនជប៉ុនរាប់សិបឆ្នាំមកហើយ ពាក្យមួយនេះមានអត្ថន័យថា “ទទួល” ឬ”ទទួលយក” ដែលបង្កប់នូវគំនិតថា” សូមស្វាគមន៍គ្រប់បញ្ហាទាំងអស់ចូលមកក្នុងជីវិតរបស់អ្នកដោយបើកបេះដូងទទួលយក”។ វាជាគោលការណ៍ដែលណែនាំបុគ្គលម្នាក់ៗ ឱ្យចេះទទួលយកការពិត មកគិតដោះស្រាយបញ្ហាដោយគ្មានពាក្យថារអ៊ូរទាំនិងគេចវេសនោះទេ។ ផ្លូវចិត្តអ្នកកាន់តែយ៉ាប់ បើអ្នកកាន់តែគេចវេសពីការពិត ការចេះទទួលស្គាល់ការពិត ធ្វើឱ្យចិត្តអ្នកកាន់តែរឹងមាំឡើង។

ព្រោះតែការបដិសោធន៍មិនទទួលយកការពិតបែបនេះហើយ ធ្វើឱ្យអ្នកខកចិត្ត នាំឱ្យខាតការងារ ខាតចំណូល និងខាតពេលវេលាដែលអ្នកមិនអាចធ្វើកិច្ចការឱ្យបានល្អនោះឯង។ ព្រោះតែអ្នករំពឹងខ្ពស់ហួសពីការពិតពេក វាធ្វើឱ្យចិត្តរបស់អ្នកខកចិត្ត ឈឺចិត្តជាដើម។ អីចឹងហើយពាក្យថា “ទទួលយក” នេះជាផ្លូវជួយរំដោះចិត្តរបស់អ្នក កុំឱ្យខាតចិត្តអង្គុយចាំលទ្ធផលឱ្យដូចចិត្តពេក ការពិតគឺថាលទ្ធផលមិនដូចចិត្តនោះទេ គឺរឿងអ្វីៗ ក្នុងលោកនេះតែងតែមានការប្រែប្រួលជានិច្ចកាល។ កុំព្យាយាមអង្គុយឱបទុក្ខសោកអ្វីដែលមិនបានដូចចិត្ត។ ពេលអ្នកយល់ពីចំណុចផ្លាស់ប្តូរនេះថា អ្វីៗ ក្នុងលោកតែងតែប្រែប្រួលជានិច្ច។ មានតែការទទួលស្គាល់ការពិតទេ ហើយបន្តដំណើរទៅមុខតាមក្តីស្រមៃ ទើបជីវិតរបស់អ្នកមិនជាប់គាំងមួយកន្លែង ហើយបេះដូងពោរពេញទៅដោយក្តីសុខផងដែរ៕ អត្ថបទដោយ៖ ទ្រ​សុភាព