១. ឥទ្ធិពលនៃការអាន៖ តើអ្នកដោះស្រាយបញ្ហាដំបូងត្រូវការអ្វី? ចម្លើយខ្លីគឺត្រូវការគំនិត។ ព្រោះតែគំនិតជាក្បាលម៉ាស៊ីនឱ្យជីវិតរបស់អ្នកដំណើរការទៅមុខ។ បើពេលនេះ អ្នកជីវិតអ្នកជាប់គាំងនោះ មកពីគំនិតរបស់អ្នកកំពុងតែជាប់គាំងគ្មានគំនិតថ្មីៗ នោះឯង។  លោក ជីម រ៉ូម កាលពីមុន គាត់មិនចូលចិត្តការអានទេ ប៉ុន្តែគាត់បានជួបបុរសអ្នកមានម្នាក់ បានសួរគាត់ថា តើអ្នកមានកម្មវិធីអភិវឌ្ឍន៍ខ្លួនទេ?លោក ជីម រ៉ូម ឆ្លើយដោយអារម្មណ៍ស្ទាក់ស្ទើរថា ដូចជាអត់មានទេ! បុរសនោះបានឱ្យគាត់ទិញសៀវភៅមួយក្បាលមានឈ្មោះថា Think and Grow Rich និពន្ធដោយលោក Napoleon Hill។ ហើយលោក ជីម រ៉ូន បានលើកពីបទពិសោធន៍ដែលបានអានសៀវភៅនេះ ជួយឱ្យជីវិតគាត់ងើបចេញពីភាពក្រីក្រ និងអារម្មណ៍ឈឺចាប់ទាំងឡាយ ថា ការអានជាអាហារចាំបាច់សម្រាប់គំនិតអ្នក។ បើចង់ឱ្យខ្លួនរីកចម្រើនជាងពេលធម្មតា អ្នកមិនអាចខ្វះការអានសៀវភៅបានឡើយ។ ខ្ញុំមានជំនឿថា សៀវភៅពិតជាមានសមត្ថភាពផ្លាស់ប្តូរជីវិតរបស់យើងមែន។ នេះហើយជាមូលហេតុមហាសេដ្ឋីធំៗ ដូចជាលោក Bill Gates និងលោក Steve Joobs សុទ្ធតែជាបុគ្គលចូលចិត្តអានសៀវភៅបំផុត។

២. ចង់ឱ្យសមត្ថភាពរីកចម្រើន កុំបង្កើតលេស៖ អ្នកមួយចំនួនព្យាយាមបង្កើតលេស ព្រោះតែភ័យខ្លាចការសាកល្បង បើអ្នកគ្មានការសាកល្បងទេ អ្នកក៏មិនដឹងពីសមត្ថភាពរបស់ខ្លួនខ្លាំងឬខ្សោយកម្រិតណាដែរ។ ពេលអ្នកធ្វើការណាដែលងាយស្រួល ហើយដដែលៗ ធ្វើឱ្យអ្នកមានអារម្មណ៍ធុញទ្រាន់ ហើយសមត្ថភាពខ្លួនហាក់ដូចជាគ្មានការរីកចម្រើនអ្វីសោះ។ អ្នកកុំខ្លាចការលំបាក តែអ្នកត្រូវមានស្មារតីចេះតស៊ូ ហើយបន្តរៀនសូត្រជាប្រចាំ ទើបអ្នកមានភាពជឿជាក់លើខ្លួនឯង។

ហើយលោក ជីម រ៉ូន បានលើកឡើថា “ពេលអ្នកចង់ធ្វើអ្វីមួយពិតប្រាកកដមែន អ្នកនឹងរកវិធីធ្វើវាឱ្យទាល់តែបាន។ បើមិនចង់ទេ អ្នកនឹងមានលេស”។ ជីវិតរបស់អ្នកដកតែលេសចេញ សមត្ថភាពរបស់អ្នកនឹងរីកចម្រើន ហើយអ្នកអាចកែប្រែខ្លួនឱ្យក្លាយអ្នកជាបុគ្គលដ៏មានតម្លៃម្នាក់ផងដែរ។

ជីវិតអ្នកគ្មានថ្ងៃដួលនោះទេ បើអ្នកព្យាយាអភិឌ្ឍខ្លួនទាំងចិត្តគំនិតដោយការរៀនសូត្រពីការអាន ការស្តាប់ និងការនិយាយជាមួយបុគ្គលមានចំណេះដឹងខ្ពស់ ដើម្បីអ្នកស្រូបថាមពលវិជ្ជមានឱ្យផ្លូវចិត្តរបស់អ្នកតាន់។ បន្ទាប់ពីរៀនហើយអ្នកត្រូវបណ្តុះសមត្ថភាព ព្រោះសមត្ថភាពខ្លាំង ចំណូលនឹងកើន អ្នកមិនជាប់គាំងរស់នៅក្នុងបញ្ហាឱ្យផ្លូវចិត្តចុះខ្សោយនោះទេ។ អ្នកកុំប្រាថ្នាឱ្យជីវិតនេះងាយស្រួលពេក តែអ្នកត្រូវសុំប្រាថ្នាឱ្យខ្លួនមានស្មារតីចេះតស៊ូ មានបញ្ញា មានការព្យាយាមដើម្បីសោះស្រាយបញ្ហាឱ្យសម្រេចក្តីស្រមៃរបស់អ្នក៕ អត្ថបទដោយ៖ ទ្រ សុភាព