ប្រសិនបើអ្នកបរាជ័យ ខូចចិត្ត បាក់ទឹកចិត្ត និងកើតជំងឺអ្វីមួយ តើអ្នកគួរធ្វើបែបណា? មានមនុស្សជាច្រើនបណ្តាយបញ្ហាផ្លូវចិត្តតាមយថាកម្ម ឬអត់ស្គាល់ផ្លូវដោះស្រាយក៏មានដែរ។ ខ្ញុំបានស្គាល់បុគ្គលម្នាក់អាចជួយលោកអ្នករួចផុតពីបញ្ហាទាងអស់នេះពីលោក Robert Greene ជាសេដ្ឋីនិពន្ធបានលក់សៀវភៅដាច់ខ្នាតអន្តរជាតិអស់រាប់លានក្បាល។

លោក Robert Greene ជាបុគ្គលកម្រិតពិភពលោកម្នាក់បានយកឈ្នះលើរឿងសែនលំបាកបញ្ហាធ្លាក់ទឹកចិត្ត និងជំងឺដាច់សរសៃឈាមខួរក្បាលកាលឆ្នាំ ២០១៨។ ប៉ុន្តែសព្វថ្ងៃនេះ គាត់បានជាសះស្បើយឡើងវិញអាចសរសេរសៀវភៅ និងដើរលេងតាមធម្មតា។ ពេលគាត់ឈឺនោះ ជាពេលសោកនាដកម្មក្នុងការប្រយុទ្ធជាមួយបញ្ហាផ្លូវចិត្ត និងការរក្សាក្តីសង្ឃឹមព្រោះគាត់មានគោលបំណងចង់់រស់នៅបន្តដោយមានអាកប្បកិរិយាជាវិជ្ជមាន។

លោក Robert Greene មានប្រសាសន៍ថា ខ្ញុំមិនអនុញ្ញាតឱ្យជំងឺដាច់សរសៃឈាមខួរក្បាលធ្វើស៊ីផ្លូវចិត្តរបស់ខ្ញុំឱ្យចុះចាញ់នោះទេ។ ប្រសិនបើខ្ញុំបាត់បង់ក្តីសង្ឃឹម វានឹងក្លាយទៅជាការធ្វើអត្តឃាតភ្លាម។ ម្យ៉ាងទៀត ខ្ញុំដឹងថា ខ្ញុំមានវត្ថុបំណងមួយទៀត ធ្វើឱ្យខ្ញុំចង់រស់នៅគឺការនិពន្ធសៀវភៅមួយក្បាលទៀត ដែលខ្ញុំចង់សរសេរបំផុត។ ខ្ញុំមិនមែនជាមនុស្សរឹងមាំរហូតនោះទេ មាន​គ្រាខ្លះ ​​ខ្ញុំក៏​មាន​អារម្មណ៍​ចង់​បោះបង់វាដែរ។ ប៉ុន្តែខ្ញុំត្រូវតែតាំងចិត្តដើម្បីយកឈ្នះរឿងនេះ។ បញ្ហាផ្លូវចិត្តរវាងនឹងខ្ញុំ ពេលខ្លះ យើងបានប្រយុទ្ធគ្នា។ ដូចនេះហើយ សព្វថ្ងៃនេះ ខ្ញុំក្លាយជាអ្នកក្លាហានម្នាក់ មិនធ្វើឱ្យខ្ញុំចុះចាញ់អ្វីមួយដោយងាយស្រួលឡើយ”។ នេះជាអំណាចផ្លូវចិត្តគាត់បានប្រយុទ្ធប្រឆាំងឈ្នះជំងឺមួយនេះ។

ពេលគាត់់ដាច់សរសៃឈាមខួរក្បាល គាត់ពិតជាអគុណដល់ភរិយារបស់លោកខ្លាំងណាស់ បានជួយមើលថែលើរូបគាត់ដោយយកចិត្តទុកបំផុត។ នេះជាក៏អំណាចថាមពលឱ្យលោក Robert Greene តែងប្រាប់ខ្លួនឯងថា ខ្ញុំត្រូវតែរស់បន្ត...។ នេះជាខួរកំណើរនៃការរស់របស់គាត់ជាលើកទី២។ លោកបានអគុណរាល់ថ្ងៃនីមួយៗ បានបន្ថែមជីវិតឱ្យគាត់់បានរស់នៅបន្ត។ មុនបញ្ចប់ជីវិតចាកចេញពីផែននេះក្នុងជីវិតចុងក្រោយ គាត់ចង់រឿងណាល្អៗ ឱ្យមានភាពស្រស់ស្អាតដល់ពិភពលោក។ តើអ្នកដឹងគុណថ្ងៃនីមួយៗ ក្នុងជីវិតរស់បន្តដែរទេ? ជីវិតអ្នកគ្រប់ផ្នែកសុទ្ធតែមានតម្លៃទាំងអស់។

បើអ្នកមិនអាចមើលឃើញពីតម្លៃរបស់ខ្លួនទេ អ្នកបែបជាគ្មានកម្លាំងចិត្តរស់នៅទេមើលទៅ។ បើអ្នកគិតថា ខ្លួនគ្មានតម្លៃទេ ដៃ ជើង កែវភ្នែក សក់ រាងកាយ បេះដូង មាត់ និងច្រមុះ... តើអ្នកហ៊ានលក់ដៃម្ខាង ១០០ដុល្លារទេ? ខ្ញុំជឿថា អ្នកច្បាស់ជាអត់ហ៊ានលក់ទេ។ ខ្ញុំចង់ទាញចំណាប់អារម្មណ៍អ្នកឱ្យគិតថា ការពិតជីវិតអ្នកមានតម្លៃណាស់។ ហេតុអ្វីអ្នកគិតថា ខ្លួនឯងខ្សោយ បាក់ទឹកចិត្ត ចង់សម្លាប់ខ្លួន និងខ្លួនអត់កំណើត? ពេលអ្នកចេះឱ្យតម្លៃលលើខ្លួនឯង តម្លៃខ្លួនអ្នកនឹងកើនឡើងនិងមានសុខថែមទៀត។ ពេលអ្នករៀនគិតបែបនេះ មួយជីវិតអ្នកមានអំណាចលើផ្លូវចិត្ត មានសេរីភាព មានតម្លៃ និងប្រើជីវិតកើតប្រយោជន៍ច្រើនដល់សង្គម៕ អត្ថបទដោយ៖ ទ្រ សុភាព