កង្វះវីតាមីន B1 អាចបណ្តាលឱ្យអស់កម្លាំង ខ្វះការផ្តោតអារម្មណ៍ និងបាត់បង់ការចងចាំ។ វិធីមួយដើម្បីកែលម្អលក្ខខណ្ឌទាំងនេះគឺការបន្ថែមអាហារណាដែលសម្បូរទៅដោយវីតាមីនB1 ដែលភាគច្រើនពោតសម្បូរទៅដោយវីតាមីនB1។
បើយោងតាមប្រភព VNexpress បានឱ្យដឹងថា ពោតមានសារធាតុចិញ្ចឹមខ្ពស់ និងល្អខ្លាំងណាស់សម្រាប់សុខភាពបេះដូង ភ្នែក ស្បែក ការរំលាយអាហារ ជាពិសេសខួរក្បាលតែម្តង។ ជាការពិតណាស់ ពោតមានបរិមាណfolate(វីតាមីនB9) និងhiamin (វីតាមីន B1)ខ្ពស់។ វីតាមីន B1 នៅក្នុងពោតផ្តល់នូវសារធាតុ acetylcholine ដែលជាអ្នកនាំសារនៅក្នុងសរសៃប្រសាទ ដែលធ្វើអោយមុខងារខួរក្បាលប្រសើរឡើង និងធ្វើអោយការចងចាំប្រសើរឡើង។
នៅក្នុងនោះដែរ សារធាតុCellulitisចូលរួមចំណែកការពារភាពចាស់នៃខួរក្បាល, ការពារការប៉ះពាល់ដល់មុខងារនៃការចងចាំ និងបង្កើតការផ្តោតអារម្មណ៍ខ្ពស់។ សារធាតុប្រឆាំងអុកស៊ីតកម្មអាចប្រឆាំងនឹងការរលាកនេះ ដើម្បីការពាររាងកាយ។ ពោតសម្បូរទៅដោយសារធាតុប្រឆាំងអុកស៊ីតកម្មដែលជួយប្រឆាំងនឹងឥទ្ធិពលនៃការរលាក។ បើយោងតាមវិទ្យាស្ថានជាតិសុខភាពបានឱ្យដឹងថា វីតាមីនB1 នៅក្នុងពោតដើរតួជាសារធាតុប្រឆាំងអុកស៊ីតកម្ម ដែលអាចការពារខួរក្បាលប្រឆាំងនឹងឥទ្ធិពលនៃភាពចាស់ និងជំងឺភ្លេចភ្លាំង។
បើយោងតាមប្រភព Greater Chicago Food Depository បានឱ្យដឹងថា ពោតសម្បូរទៅដោយជាតិ Thiamine ដែលត្រូវបានគេស្គាល់ថាជាវីតាមីន B1។ មិនតែប៉ុណ្ណោះទេ ពោតជាធម្មតាមានពណ៌លឿង ប៉ុន្តែអាចមានច្រើនពណ៌ដូចជា បៃតង ក្រហម និងសផងដែរ ហើយពោតផ្អែមត្រូវបានប្រមូលផលនៅពេលដែលវាមិនទាន់ពេញវ័យ ហើយនៅពេលចាស់ត្រូវបានគេចាត់ទុកថាជា បន្លែគ្រាប់ធញ្ញជាតិ។
ការទទួលទានគ្រាប់ធញ្ញជាតិទាំងមូលដូចជាពោតត្រូវបានបង្ហាញថា អាចកាត់បន្ថយហានិភ័យនៃជំងឺបេះដូង និងជំងឺដាច់សរសៃឈាមខួរក្បាល។ ជាឧទាហរណ៍ បើយោងតាមការសិក្សារបស់សាកលវិទ្យាល័យ Tufts University (USA) ដែលបានបោះពុម្ពផ្សាយក្នុងឆ្នាំ 2021 បានបញ្ជាក់ថា មនុស្សដែលញ៉ាំគ្រាប់ធញ្ញជាតិយ៉ាងហោចណាស់បីដងជាពិសេសពោតក្នុងមួយថ្ងៃមានសម្ពាធឈាមទាប។ ទ្រីគ្លីសេរីក្នុងឈាមរបស់ពួកគេក៏បានធ្លាក់ចុះច្រើនជាងអ្នកដែលញ៉ាំគ្រាប់ធញ្ញជាតិរហូតដល់កន្លះគ្រាប់ក្នុងមួយថ្ងៃ។ នេះបង្ហាញថា ការញ៉ាំពោត និងគ្រាប់ធញ្ញជាតិផ្សេងទៀតជាប្រចាំអាចកាត់បន្ថយលទ្ធភាពកើតជំងឺបេះដូង។
លើសពីនេះ ពោតមានផ្ទុកប៉ូតាស្យូមច្រើន ដែលអាចរួមចំណែកដល់ការបង្ការជំងឺដាច់សរសៃឈាមខួរក្បាល។ ដោយសារតែកម្រិតទាបនៃសារធាតុចិញ្ចឹមនេះត្រូវបានផ្សារភ្ជាប់ទៅនឹងជំងឺលើសឈាម ដែលជាកត្តាហានិភ័យចម្បងនៃជំងឺសរសៃឈាមបេះដូង និងជំងឺដាច់សរសៃឈាមខួរក្បាល។
ជាមួយនឹងអត្ថប្រយោជន៍ទាំងនេះ អ្នកអាចបន្ថែមពោតទៅក្នុងរបបអាហាររបស់អ្នក ដើម្បីបង្កើនសុខភាពខួរក្បាល បង្កើនការចងចាំ កង្វះវីតាមីន B1។ ថ្វីត្បិតតែមុខម្ហូបដូចជា ពោតស្ងោរ ពោតចៀន ពោតដុត មានរសជាតិឆ្ងាញ់ ជួយឱ្យឆ្អែតបានយូរ ជំនួយដល់ការសម្រកទម្ងន់ ពង្រឹងខួរក្បាល ប៉ុន្តែការទទួលទានច្រើនពេកក៏មិនល្អសម្រាប់សុខភាពដែរ។ បរិមាណដ៏ច្រើននៃម្សៅនៅក្នុងពោត ពេលផ្លាស់ទីតាមពោះវៀន នឹងបង្កើតឧស្ម័នច្រើន ដែលបណ្តាលឱ្យហើមពោះ និងពិបាកក្នុងការរំលាយអាហារ។
អ្នកជំងឺទឹកនោមផ្អែមគួរតែកំណត់ការទទួលទានពោត ព្រោះការទទួលទានជាតិកាបូអ៊ីដ្រាត (ម្សៅ) ច្រើនក្នុងអាហារនេះ ធ្វើឱ្យជាតិស្ករក្នុងឈាមកើនឡើងយ៉ាងឆាប់រហ័ស។ ប្រសិនបើអ្នកជំងឺដំបៅក្រពះ ក្រិនថ្លើមថ្លើម ឬជំងឺបំពង់អាហារបរិភោគពោត ក្រពះងាយនឹងហូរឈាម សរសៃ varicose និងដាច់សរសៃវ៉ែន។ ប្រភេទអាហារនីមួយៗ មានតម្លៃអាហារូបត្ថម្ភជាក់លាក់សម្រាប់រាងកាយ។ ដូច្នេះហើយ អ្នកត្រូវមានរបបអាហារចម្រុះ។ ការប្រើប្រាស់ច្រើនពេកនៃប្រភេទជាក់លាក់មួយដូចជាពោតមានហានិភ័យនៃផលប៉ះពាល់អវិជ្ជមានលើរាងកាយផងដែរ៕