គ្រឿងធូបគឺធ្វើដោយប្រភេទរុក្ខជាតិ ដូចជាសំបកឈើ ខ្លឹមឈើ និងជ័រឈើ ដែលមានក្លិនក្រអូបប្រហើរ សម្រាប់អុជបង្ហុយផ្សែងជាគ្រឿងបូជា ទៅតាមប្រពៃណី។ ប៉ុន្តែអ្នកមានដឹងទេថា តើផ្សែងធូបអាចបង្កជាជំងឺមហារីកបានទេ?
ពិតណាស់ការអុជធូបភាគច្រើនគឺ អុជម្រាប់គោលបំណង បុណ្យភ្ជុំបិណ្ឌការឧទិ្ទសកុសលដល់ដូនតាជាដើម ប៉ុន្តែបើទោះបីយ៉ាងណាក្ដីការស្រាវជ្រាវថ្មីៗនេះបង្ហាញថា ការស្រូបផ្សែងធូបគឺមានមានគ្រោះថ្នាក់បង្កជាងបារីទៀត ហើយផ្សែងធូបអាចមានគុណវិបត្តិនៃសុខភាពមួយចំនួរួមមាន៖
‑ជំងឺមហារីក៖បើយើងនិយាយដល់ផ្សែងធូបវិញគឺវាមានលាយគ្រឿងផ្សំធម្មជាតិដែលបង្កើតជាសារធាតុតូចៗដែលអាចបញ្ចោញជាផ្សែងបាន ហើយអំឡុងពេលមនុស្សស្រូបជាតិផ្សែងធូបចូលទៅក្នុងខ្លួនគឺវាងាយនឹងបង្កគ្រោះថ្នាក់ដល់សុខភាពណាស់។ ការសិក្សាមួយនៅឆ្នាំ 2009 របស់ Trusted បានបញ្ជាក់ថា ធាតុផ្សំខ្លះនៃសារជាតិរបស់ធូបគឺ វាអាចបង្កឱ្យមានជំងឺមហារីក។ មិនតែប៉ុណ្ណោះការសិក្សានេះក៏បានរកឃើញថា មហារីកទាំងនេះភាគច្រើនជាមហារីកផ្លូវដង្ហើមផ្នែកខាងលើ ឬមហារីកសួត។ ចំណាំ (ផ្សែងនៅក្នុងធូបមានផ្សំពីសារធាតុងាយនឹងបង្កផលប៉ះពាល់ជាច្រើនដូចជា៖ អ៊ីដ្រូកាបូន, បង់ហ្សែន, កាបូនឌីអុកស៊ីត)។
‑ជំងឺហឺត៖សារធាតុដែលមាននៅក្នុងផ្សែងធូបមិនត្រឹមតែមានផ្ទុកនូវសារជាតិបង្កមហារីកប៉ុណ្ណោះទេ ប៉ុន្តែវាក៏អាចបណ្តាលឱ្យមានជំងឺផ្សេងទៀតផងដែរ នេះមានន័យថាវាអាចនាំឱ្យមានជំងឺផ្លូវដង្ហើមមួយចំនួនដូចជា ជំងឺហឺតជាដើម។
‑ការរលាក៖បើតាមប្រភពដដែលបានបង្ហាញថាផ្សែងធូបក៏អាចបង្កឱ្យមានការរលាករ៉ាំរ៉ៃនៅក្នុងខ្លួនយើងដែរ។ វាអាចបណ្តាលឱ្យរលាកដែលមិនត្រឹមតែនៅក្នុងសួតប៉ុណ្ណោះទេ ប៉ុន្តែវាក៏មាននៅក្នុងថ្លើមផងដែរ។
‑ការរំលាយអាហារ៖សមាសធាតុផ្សែងធូបក៏អាចប៉ះពាល់ដល់ការរំលាយអាហារផងដែរ។ មិនតែប៉ុណ្ណោះការសិក្សាដដែលបានយកសត្វសត្វកណ្តុរទៅពិសោធន៍ បានបង្ហាញថាវាជះឥទ្ធិពលអវិជ្ជមានដល់ការរំលាយអាហារ និងទម្ងន់ ហើយវាបណ្តាលឱ្យបាត់បង់កម្រិតកូលេស្តេរ៉ុលល្អនៅក្នុងខ្លួនទៀតផង។
‑សុខភាពបេះដូង៖ក្រៅពីជំងឺហឺត និងជំងឺមហារីក ផ្សែងធូបក៏បង្កឱ្យមានការកើនឡើងហានិភ័យនៃជំងឺបេះដូងនោះដែរ។
ជាចុងក្រោយមិនថាផ្សែងអ្វីនោះទេ ចូលអ្នកទាំងអស់គ្នាព្យាយាមរកកន្លែងណាគ្មានផ្សែង ឬទីសុវតិ្ថភាព ដើម្បីកុំឱ្យស្រូបផ្សែងទាំងនោះ ការពារសុខភាពជាចម្បង។
អត្ថបទស្រាវជ្រាវដោយ៖ម៉ាង វិសិដ្ឋារតន៍