ថ្ងៃមករដូវបញ្ហាចម្បងដែលស្រីៗត្រូវជួបរាល់ខែ គឺការឈឺចាប់ ចុកពោះ ពិបាកទ្រាំ ស្បែកវិញខ្មៅស្រអាប់ស្ងួត ហើយស្រីៗស្ទើរតែគ្រប់គ្នាដែលត្រូវទទួលរងអារម្មណ៍បែបនេះរាល់ខែ ដោយមិនអាចប្រកែកបាន។ ចឹងថ្ងៃនេះ ខ្ញុំនឹងប្រាប់ពីភេសជ្ជៈងាយៗ ១មុខ ដែលត្រូវការគ្រឿងផ្សំងាយៗត្រឹមតែ៣មុខ គឺមើមយេន ការ៉ុត និងក្រូច។
១. មើមយេន វាមានផ្ទុកទៅដោយជាតិដែក ដែលមានតូនាទីចូលទៅជួយជម្រុញវដ្តរដូវរបស់យើងឱ្យមកបានស្រួល ជួយបមពេញគ្រាប់ឈាមក្រហមក្នុងរាងកាយ ជួយសម្រួលកុំឱ្យមានការឈឺចាប់ពេលមករដូវ។
២. ការ៉ុត ជាផ្លែឈើ ដែលចូលទៅជួយផ្នែកសម្រស់ វាមានផ្ទុកវីតាមីនអេ ដែលមានតួនាទីប្រឆាំងការរលាក ប្រឆាំងអុកស៊ីតកម្ម និងជួយរក្សាស្បែករបស់យើងឱ្យនៅតែស្អាត មិនប្រែ។
៣. ក្រូច បងប្អូនអាចដាក់ក្រូចឆ្មារក៏បាន ក្រូចឃ្វិចក៏បាន ដែលក្រូចវាមានផ្ទុកវីតាមីនស៊ីយ៉ាងច្រើន ហើយវីតាមីនស៊ីនេះគឺវាល្អមែនទែនចំពោះស្បែក និងសុខភាពរបស់យើង។
ចំពោះរបៀបធ្វើភេសជ្ជៈ១នេះ បងប្អូនត្រូវការមើមយេន១មើមល្មមមិនធំពេកមិនតូចពេក ការ៉ុត១មើម និងក្រូច១ផ្លែ។ មើមយេន និងការ៉ុត ចិតសំបកឱ្យស្អាត រួចចិតជាដុំតូចៗដាក់ក្រឡុកឱ្យហ្មត់ ចំពោះការក្រឡុកយើងអាចដាក់ទឹកធម្មតាក៏បាន ឬក្រឡុកជាមួយទឹកកកក៏បាន។ ក្រឡុកហ្មត់ល្អហើយ ចាំបន្ថែមក្រូចតាមក្រោយ។ ភេសជ្ជៈ១កែវនេះគឺយើងផឹក១កែវនៅពេលព្រឹក នៅថ្ងៃមករដូវ គឺល្អបំផុត៕