ជឿថាបងប្អូនស្រ្តីច្បាស់ជាដឹងពីអត្ថប្រយោជន៍ខ្លះៗរបស់ផ្លែប័រហើយ។ ផ្លែប័រនេះគឺត្រូវអ្នកជំនាញ គេណែនាំឱ្យស្រ្តីមានផ្ទៃពោះគួរណាស់តែញ៉ាំកុំខានពីព្រោះថាវាមានផ្ទុកសារធាតុចិញ្ចឹមនិងវីតាមីនសំខាន់ជំនួយទៅដល់ការលូតលាស់ផ្នែកខួរក្បាលរបស់ទារក ថែមទាំងជួយធ្វើឱ្យស្បែករបស់ម៉ាក់ៗភ្លឺរលោងផងដែរ។

ដើម្បីទាញយកជាតិវីតាមីនសំខាន់ៗ ពីផ្លែប័រ ​ប៉ូវខួរក្បាលរបស់កូន និងជំនួយស្បែករបស់ម៉ាក់ៗ

របៀបញ៉ាំទីមួយនោះគឺ ម៉ាក់ៗគួរញ៉ាំធ្វើជាអាហារពេលព្រឹក បូកជាមួយនឹងស៊ុតមាន់។ ហើយរបៀបនៅក្នុងការញ៉ាំគឺដំបូងម៉ាក់គ្រាន់ផ្លែប័រ ពុះជា២យកគ្រាប់ចេញ រួចគោះពងមាន់ចំនួន២គ្រាប់ដាក់ក្នុងផ្លែប័រនោះ យកទៅចំហុយរយៈពេល១៥នាទី គឺអាចញ៉ាំបានហើយ។

របៀបញ៉ាំទី២នោះគឺ ម៉ាក់គួរយកផ្លែប័រធ្វើជាសាឡាដសម្រាប់ញ៉ាំ ដោយបន្លែមជាមួយផ្លែ៣មុខទៀតគឺប៉េងប៉ោះ ការ៉ុត និងខ្ទឹមបារាំង បើម៉ាក់ៗចង់ញ៉ាំជាមួយសាច់អាចបន្ថែមទ្រូងមាន់ស្ងោរចូលបាន។ ចំពោះសាឡាដផ្លែប័រនេះផងដែរម៉ាក់ៗអាចញ៉ាំធ្វើជាអាហារសម្រន់ពេលថ្ងៃក៏បានពេលល្ងាចក៏បាន។

ការញ៉ាំផ្លែប័រនេះផងដែរ គឺអ្នកជំនាញគឺគេបានណែនាំឱ្យស្រ្តីមានផ្ទៃពោះញ៉ាំផ្លែប័រត្រឹមតែ២ផ្លែប៉ុន្តែក្នុង១ថ្ងៃ។ ពីព្រោះត្បិតថាផ្លែប័រផ្ទុកវីតាមីនល្អៗ សម្បូរសារធាតុចិញ្ចឹម ប៉ុន្តែបើញ៉ាំច្រើនលើសកម្រិតក៏មិនល្អចំពោះសុខភាពកូនក្នុងផ្ទៃនិងសុខភាពម៉ាក់ផ្ទាល់ផងដែរ។