កំហឹងមួយពេលរបស់អ្នកនាំរឿងធំ នាំឱ្យខាតពេលវេលា ខាតចំណូល និងប៉ះពាល់ផ្លូវចិត្តមួយកម្រិត។ បើអ្នកមានគ្រួសារ ហើយក៏ជះកំហឹងទៅលើប្រពន្ធកូននោះ តើគ្រួសាររបស់អ្នករស់នៅមានក្តីសុខទេ? បើអ្នកឈ្លោះជាមួយអ្នកដទៃហើយប្រើកំហឹង វានឹងកើតអំពើហិង្សាធ្វើឱ្យឈឺចាប់ផ្នែករាងកាយនិងចិត្ត។ តាមព្រះភិក្ខុជិរប្បញ្ញោ គូ សុភាព បានសម្តែងថា ខឹងច្រើន ទើសច្រើន ចិត្តមិនស្ងប់ទេ។ បើអ្នករៀនគិតតាមនេះ ចិត្តរបស់អ្នកនឹងស្ងប់មិនខានទេ។
តាមសៀវភៅ លំហូរចិត្ត ជាសៀវភៅមួយក្បាលជួយផ្លូវចិត្តមនុស្សច្រើនណាស់ឱ្យប្រសើរឡើងទាំងអារម្មណ៍ខឹង ការបាក់ទឹកចិត្ត និងរស់នៅគ្មានតម្លៃក៏សៀវភៅ ១ក្បាលនោះ មានក្បួនជួយដោះស្រាយបានល្អដែរ។ សូម្បីអ្នកខឹងឬមានកំហឹងក៏ដោយ អ្នកត្រូវចេះគ្រប់គ្រងលើវា តាមសៀវភៅ លំហូរចិត្ត បញ្ជាក់ថា បើអ្នកមិនបានអប់រំចិត្តដោយសតិបញ្ញា ចិត្តរបស់អ្នកមិនស្ងប់ទេ។ ព្រះអង្គ គូ សុភាព បានសម្តែងថា អ្នកពូកែខឹងច្រើន ទើសច្រើន ច្រើនតែធ្វើឱ្យចិត្តជាប់ច្រវាក់ជាមួយក្តីមួម៉ៅ ភាពស្មុគស្មាញ និងពិបាកចិត្ត ទាំងអស់នេះជាសំរាមនាំឱ្យចិត្តមនុស្សគ្មានលំហូរចិត្តទៅរកក្តីស្ងប់សោះ។ ពាក្យខ្មែរយើងថា “ខឹងខុស ខឹងខាត”។ ពេលខ្លះអ្នកប្រើកំហឹងមួយឆាវទៅលើកិច្ចការនិងនរណាម្នាក់ អាចឱ្យអ្នកដេកស្តាយក្រោយអស់មួយជីវិតពីទង្វើរបស់ខ្លួនក៏មានដែរ។
ហើយក៏មានព្រះពុទ្ធបានសម្លែងបន្តដែរថា “អ្នកមិនអាចដាក់ទណ្ឌកម្មលើអ្នកដទៃពេលខ្លួនកំពុងតែខឹងនោះទេ ព្រោះតែកំហឹងនេះឯងធ្វើឱ្យបេះដូងរបស់អ្នកឈឺចាប់មុនគេ។ ពេលអ្នកលះបង់កំហឹងគុំកួនចេញពីចិត្តដោយក្តីមេត្តា ចិត្តអ្នកនឹងស្ងប់”។ បើអ្នកចង់បានចិត្តស្ងប់ អ្នកត្រូវគិតថា ជីវិតគេក៏មានទុក្ខលំបាកដែរ បើអញខឹងគេ ទុក្ខក្នុងចិត្តអញនឹងរីកធំឡើងដែរ... ពេលអ្នកគិតរបៀបនេះ ចិត្តមេត្តាក៏ដុះក្តីស្រឡាញ់ដើម្បីរំសាយកំហឹងហើយអារម្មណ៍ទើសទាល់ក៏គ្មានក្នុងចិត្តដែរ”។ ពេលអ្នកមានចិត្តមេត្តានិងក្តីស្រឡាញ់ច្រើន ទោះបីគេខឹងអ្នក ស្អប់អ្នក និងជេរអ្នកក៏ដោយ ក៏អ្នកមានចិត្តរឹងមាំដែរ។
ព្រះអង្គបានបង្ហាញរបៀបគិតមួយបែបនេះទៀតដើម្បីឱ្យចិត្តរបស់អ្នកស្ងប់មិនខឹងច្រើន គឺថា គេគិតយ៉ាងណាជារឿងរបស់គេ អ្នកមិនអាចហួងហែងការគិតរបស់អ្នកដទៃបានទេ។ អាចថាអ្នកធ្លាប់មានពៀរជាមួយបុគ្គលនោះក៏ថាបានដែរ វាអាចថាអ្នកធ្វើឱ្យប៉ះពាល់ផលប្រយោជន៍គេ។ បើគេស្អប់អ្នក ចិត្តគេបានប្រលាក់បាប តែបើអ្នកខឹងស្អប់គេវិញ ចិត្តអ្នកក៏ប្រលាក់បាបដែរ។ បើតាមពិតទៅគួរអាណិតគាត់ផង ព្រោះគាត់សន្សំភ្លើង សន្សំបាប ដែលនាំឱ្យគាត់មានទុក្ខទាំងបច្ចុប្បន្ន ទាំងអនាគតច្រើនណាស់”។ អត្ថបទដោយ៖ ទ្រ សុភាព
សំលៀងសមត្ថភាពឱ្យខ្លាំង ប្រើចិត្តឱ្យរីករាយក្នុងបញ្ហា រស់នៅមានគោលដៅ នេះជាការប្រើលំហូរចិត្ត។ អ្នកអាចទិញសៀវភៅ "លំហូរចិត្ត" តាមនេះ👉https://t.me/BusinessCambodiaBook
bodiaBook