ចេះតែស្លេកស្លាំង អស់កម្លាំង គួរញុំាអាហារ៣ប្រភេទនេះឱ្យបានគ្រប់គ្រាន់
របបអាហារគឺពិតជាមានសារសំខាន់ខ្លាំងណាស់សម្រាប់សុខភាពរបស់យើង ការញុំាអាហារបានត្រឹមត្រូវ សុខភាពរបស់យើងក៏ល្អ តែបើយើងញុំាអាហារមិនបានល្អ អាហារបំផ្លាញសុខភាពនោះយើងប្រាកដជាងាយប្រឈមជំងឺជាក់ជាមិនខាន។ បន្ថែមលើសពីនេះបើអ្នកកំពុងមានអាការស្លេកស្លាំងអស់កម្លាំង អាចសាកអាហារប៉ុន្មានក្រុមនេះបាន។
បញ្ជាក់សម្រាប់បងប្អូនដែលចេះតែមានអាការស្លេកស្លាំងខ្លាំងសូមកុំទុកយូរគួរប្រយ័ត្នកុំទុកយូរគួររករបបអាហារប៉ុន្មានក្រុមនេះញុំាឱ្យបានគ្រប់គ្រាន់។
-វីតាមីនបេ១២៖ មាននៅក្នុងទឹកផ្លែឈើ ទឹកដោះគោ ផលិតផលសណ្ដែកដែលអ្នកអាចរកញុំាជាប្រចាំថ្ងៃបានស្រួល។ ដូច្នេះបើបងប្អូនចេះតែមានអាការស្លេកស្លាំងអស់កម្លាំងរុំារ៉ៃ គួរតែប្រយ័ត្នរកប្រភេទវីតាមីនបេ១២ឱ្យបានគ្រប់គ្រាន់។ ក៏ប៉ុន្ដែបងប្អូនគួរតែញុំាឱ្យបានត្រឹមត្រូវ កុំញុំាច្រើនពេកព្រោះអាចប៉ះពាល់ដល់បងប្អូនវិញ។
-អាហារសម្បូរជាតិដែក៖ សម្រាប់បងប្អូនដែលស្លេកស្លាំងអស់កម្លាំង រុំារ៉ៃគួររករបបអាហារសម្បូរជាតិដែកញុំា ដូចជាសាច់គោ សាច់មាន់ បន្លែបៃតង គ្រាប់ធញ្ញជាតិ សាច់ជ្រូក ជាដើមសុទ្ធសឹងជាប្រភេទសាច់ដែលសម្បូរជាតិដែកជួយទៅបំពេញជាតិដែកនៅក្នុងខ្លួនបានល្អប្រសើរ។ បើបងប្អូននៅតែមិនបាត់គួរប្រញាប់ទៅជួបពេទ្យឯកទេសដើម្បីពិគ្រោះព្រោះការខ្វះឈាមគឺអាចគ្រោះថ្នាក់ដល់អាយុជីវិតរបស់បងប្អូនបាន។
-វីតាមីនស៊ី៖ មាននៅក្នុងប្រភេទផ្លែឈើជាច្រើនជាពិសេសផ្លែក្រូច ឪឡឹក ខាត់ណា ប៉េងប៉ោះជាដើមសុទ្ធសឹងល្អសម្រាប់ជួយទៅបង្កើនជាតិដែកនៅក្នុងរាងកាយបាន។ សម្រាប់បងប្អូនដែលមិនសូវញុំាផ្លែឈើច្រើនគួរតែឧស្សាហ៍ញុំាខ្លះផងព្រោះផ្លែឈើគឺមានអត្ថប្រយោជន៍ច្រើនណាស់សម្រាប់សុខភាព៕
អត្ថបទដោយ៖ ប៉ែត ធីតា