​មុននឹងប្រាប់ពីទម្លាប់មិនល្អទាំងអស់នឹង ចង់ឱ្យបងប្អូនដឹងជាមុនសិនថាស្នាមខ្មូតនេះកើតឡើងមកពីណា ស្មានខ្មូតខូងសាច់ទៅក្នុង ភាគច្រើនកើតឡើងដោយសារតែការឡើងមុនរ៉ាំរ៉ៃដែលយើងមិនបានព្យាបាលត្រឹមត្រូវ បានន័យថាកើតមុនកន្លែងដដែលៗ ក្នុងរយៈពេលយូរ។ នៅក្រោមស្បែកមានស្រទាប់កោសិកាមួយដែលហៅថា fibrous tissue ចេញមកដើម្បីឱ្យស្បែកដែលខូចដោយសារមុនជួសជុលឡើងវិញ ប៉ុន្តែពេលដែលវាចេញមកច្រើនពេកវាទៅជាប៉ះពាល់ស្បែករបស់យើងទាញស្បែកភ្នែកខាងលើខូងទៅខាងក្នុង។

ដើម្បីបង្ការបញ្ហានេះបាន ទម្លាប់មួយចំនួនដែលអ្នកគ្រប់គ្នាគួរតែបញ្ឈប់៖

1 ការមិនជម្រុះកោសិកាចាស់៖ ដោយសារតែខ្មូត កើតឡើងដោយសារតែការមុន ហើយស្បែកអ្នកដែលកើតមុនភាគច្រើនជាស្បែកប្រេង ខ្វះជាតិសំណើម នៅពេលដែលស្បែកផលិតផលប្រេងច្រើនស្រាប់ បូករួមជាមួយកក់សំណល់គ្រឿងសំណាង ធូលីដី កោសិកាចាស់ខូច ដែលយើងមិនដែលជម្រុះចេញ ប្រមូលផ្ដុំគ្នា វានឹងបង្កជាការស្ទះរន្ធរោម បង្កជាមុនមិនឈប់ ស្នាមខ្មូតក៏អាចនឹងកើតឡើងពេលនោះដែរ។

2 ញិចមុន៖ ភាគច្រើនតែងយល់ថា កើតមុនត្រូវតែញិចយកក្បាលចេះឱ្យអស់បានបាត់ ប៉ុន្តែត្រូវចាំថាការញិចមុន មិនមែនជាវិធីព្យាបាលមុនឱ្យជាឡើយ។ ជាពិសេសបើញិចដោយគ្មានបច្ចេកទេស មិនបានសម្លាប់មេរោគត្រឹមត្រូវ ប្រើកម្លាំងសង្កត់ខ្លាំង ប្រើប្រដាប់ញិចមុនចាក់ផង សង្កត់ផង សុទ្ធតែធ្វើឱ្យមានស្នាមកាន់តែយូរ កាន់តែខ្លាំងមិនងាយបាត់។ 

3 ទុកមុនចោល៖ បងប្អូនខ្លះគាត់ថានឹងយល់ថា កើតមុនកើតទៅទុកវាឱ្យចេញក្បាល ច្រើនថ្ងៃទៅវាជាហើយ មិនចាំបាច់លាបអីទេ ឬយ៉ាងច្រើនគាត់គ្រាន់តែលាបគ្រីមផ្ដល់សំណើមតិចតួច តែចង់ប្រាប់បងប្អូនថាគ្រីមផ្ដល់សំណើម បានត្រឹមផ្ដល់សំណើមនឹងឯង គ្មានសារធាតុសកម្មណាមួយដែលចូលទៅបំបាត់មុនបានទេ មុននៅឡើយ ទុកកាន់តែយូរ កើតកាន់តែច្រើន វាកាន់តែបំផ្លាញស្បែកខាងក្នុង យូរៗទៅមុនកាន់តែធំ ឱកាសកើតស្នាមខ្មូតកាន់តែខ្ពស់ដូចគ្នា។ សារធាតុកម្មដែលគេប្រើបន្ថែមដើម្បីបំបាត់មុន ឬកន្តក់លើមុនឱ្យឆាប់រាបទៅវិញ Benzoyl perxide Adaphalene retinol or tretinoin រើសប្រើទៅតាមស្ថានភាពស្បែក ដោយប្រឹក្សាជាមួយអ្នកជំនាញជាមុន។

4 លាបឡេការពារកម្ដៅថ្ងៃមិនគ្រប់គ្រាន់ ៖ ឡេការពារកម្ដៅថ្ងៃ មានតួនាទីការពារស្បែកកុំឱ្យរងផលប៉ះពាល់ពីខាងក្រៅ ហើយប្រសិនមានស្នាមមុន ប៉ុន្តែមិនបានលាបការពារនោះ ស្បែកនឹងកាន់តែរងអុកស៊ីតកម្ម ស្នាមនឹងជាប់កាន់តែយូរ ពណ៌កាន់តែខ្មៅជាងមុន។ ហេតុនេះគួរលាបឱ្យបានជាប់លាប់ និងកុំភ្លេច Re apply ក្នុង១ថ្ងៃឱ្យបានពី២ទៅ៣ដង។