ជាំមុខគឺជាបញ្ហាមួយដែលពិបាកក្នុងការព្យាបាលជាងបញ្ហាមុន និងផ្សេងៗ។ ពីព្រោះ ជាំមុខគឺវាកើតឡើងមកពីកត្តាច្រើនដូចជា ជាំកម្តៅថ្ងៃ ជាំឈាម ជាំកំណើតកូន ជាំដោយសារការប្រើប្រាស់ផលិតផលខុស ផលិតជាតិកាត់ជាតិមក ជាហេតុធ្វើឱ្យស្បែកស្តើង ហើយផលិតជាតិមេឡានីនលើសកម្រិត បង្កទៅជាជាំនៅលើស្បែក ជាពិសេសគឺស្បែកមុខតែម្តង។ មួយវិញទៀត គឺបញ្ហាជាំកើតច្រើនទៅលើ មនុស្សស្រី ពីព្រោះជាភេទដែលមានការប្រែប្រួលអរម៉ូនខ្លាំង។
តាមការបញ្ជាក់ពី វេជ្ជបណ្ឌិត ព្រហ្ម ផានិត ស្ថាបនិកគ្លីនិកសើស្បែកណង់ស៊ី បានឱ្យដឹងថា ស្រ្តីដែលមានវ័យចាប់ពី២០ឆ្នាំដល់៥០ឆ្នាំគឺប្រឈមមុខទៅនឹងបញ្ហាជាំមុខបំផុតប្រសិនជាមិនបានយកចិត្តទុកដាក់ក្នុងការការពារស្បែក។ ពីព្រោះក្នុងចន្លោះវ័យនេះជាវ័យដែលអរម៉ូនស្រ្តីមានការប្រែប្រួលឡើងចុះខ្លាំង ជាហេតុបណ្តាលឱ្យស្បែកមុខស្រ្តីងាយនឹងផលិតជាតិមេឡានីនលើសកម្រិត ហើយបង្កទៅជាការកកស្ទះកើតទៅជាំផ្ទាំងៗនៅលើស្បែក។
ជាការពិតណាស់ យោងតាមការចុះផ្សាយលើគេហទំព័រ indiatimes បានបញ្ជាក់ថា ស្នាមជាំមានច្រើនប្រភេទជាំដោយសារកម្តៅថ្ងៃ ជាំកមណើតកូន ឬជាំដោយសារលាបផលិតផលខុស ហើយស្នាមជាំទាំងនេះវាអាចជះឥទកធិពលខ្លាំងមិនពីរបបអាហារប្រចាំថ្ងៃរបស់អ្នក។ មួយវិញទៀត ប្រសិនជាអ្នកចង់ឱ្យស្នាមជាំទាំងនោះបាត់ពីមុខរបស់អ្នកឆាប់អ្នកត្រូវតែផ្លាស់ប្តូររបបអាហារ ហើយបង្កើតទម្លាប់ថ្មីមកញ៉ាំអាហារទាំង ៨ មុខខាងក្រោមឱ្យបានច្រើនវិញ៖
១. ក្រូចឆ្មាទឹកឃ្មុំ
ការទទួលទានទឹកក្រូចឆ្មារមួយកែវតូចជាមួយនឹងទឹកឃ្មុំមួយស្លាបព្រាកាហ្វេជារៀងរាល់ថ្ងៃ គឺវាជួយបណ្តេញជាតិពុលចេញពីរាងកាយ មិនតែប៉ុណ្ណោះជួយ ប្រឆាំងអុកស៊ីតកម្ម និងផ្តល់វីតាមីន C ផលិតខូឡាជែនដល់ស្បែក។ ជាពិសេសទៅទៀតនោះ សារធាតុសម្បូរបែបក្នុងទឹកឃ្មុំ និងអាស៊ីតក្នុងក្រូចឆ្មា ដើរតួជាភ្នាក់ងារ bleaching ជួយក្នុងការលុបបំបាត់ស្នាមខ្មៅលើស្បែក ជាពិសេសលើមុខបានយ៉ាងមានប្រសិទ្ធភាព។
២. ទឹកប្រទាលកន្ទុយក្រពើ
ទឹក Aloe Vera ឬប្រទាលកន្ទុយក្រពើសម្បូរទៅដោយវីតាមីន A, B, C និង E ល្អសម្រាប់ស្បែក និងសុខភាព។ លើសពីនេះ aloe vera មានផ្ទុកអាស៊ីតអាមីណូធម្មជាតិ ៩០% សម្បូរទៅដោយសារធាតុចិញ្ចឹមស្បែក។ ការប្រើប្រាស់ aloe vera ប្រចាំថ្ងៃតាមរយៈការផឹក លាប ឬធ្វើជាម៉ាស គឺជួយក្នុងការបាត់ស្នាមអុចខ្មៅ និងជួយកាត់បន្ថយសារធាតុពណ៌នៅលើស្បែកផងដែរ។
៣. ផ្លែល្ហុង
ល្ហុងទុំ សម្បូរទៅដោយសារអាតុ អង់ស៊ីម និងសារធាតុរ៉ែ ការទទួលទានផ្លែល្ហុងទុំរាល់ថ្ងៃ ជួយធ្វើឱ្យបំបាត់ស្នាមខ្មៅលើស្បែក ជួយឱ្យស្បែកភ្លឺរលោងតាមបែបធម្មជាតិផងដែរ។ យកផ្លែល្ហុង មកលាយជាមួយទឹកឃ្មុំ រួចលាបលើមុខ ទុកចោល ២០នាទី រួចលាងទឹកចេញ លាបបែបនេះជារៀងរាល់ថ្ងៃ ដើម្បីទទួលបានភាពភ្លឺថ្លា ម៉ត់រលោង។
៤. ដំឡូងបារាំងស្រស់
ទឹកដំឡូងបារាំងស្រស់ ត្រូវបានគេដឹងថា វាមានសារធាតុកម្ចាត់ស្នាមអុចខ្មៅ គេណែនាំឱ្យច្របាច់ដំឡូងឆៅមួយចំណិត លាយជាមួយទឹកក្រូចឆ្មា ឬទឹកដោះគោជូរ លាបលើមុនដើម្បីផ្តលើ វីតាមីន C ប៉ូតាស្យូម ជួយក្នុងការបំបាត់ស្នាមអុចខ្មៅ និងការធ្វើឱ្យស្បែកស។
៥. តែបៃតង
ពិសាតែក្តៅមួយពែង អ្នកអាចផ្តល់ឱ្យស្បែកអ្នកភ្លឺថ្លា ពីព្រោះតែបៃតងសម្បូរទៅដោយសារធាតុប្រឆាំងអុកស៊ីតកម្មដូចជា catechins។ គេណែនាំឱ្យយកតែបៃតងលាយជាមួយទឹកឃ្មុំ និងស្ករ លាបជាម៉ាស ឬស្ក្រាប់មុខ នឹងទទួលបានស្បែកភ្លឺថ្លាបែបធម្មជាតិ និងផ្តល់សំណើមដល់ស្បែកផងដែរ។
៦. ទឹកដោះគោ
ការទទួលទានទឹកដោះគោជូរអាចជួយកម្ចាត់កោសិកាដែលងាប់នៅលើស្បែក អាស៊ីតឡាក់ទិកដែលមានក្នុងទឹកដោះគោជូរ ជួយកម្ចាត់ស្បែកងាប់ និងកម្ចាត់ស្នាមខ្មៅនៅលើមុខ។
៧. ប៉េងប៉ោះ
ប៉េងប៉ោះប្រភេទបន្លែនិងផ្លែឈើដែលជួយសម្រស់ទ្វេដង ការទទួលទានប៉េងប៉ោះជួយផ្តល់វីតាមីន C ដល់ស្បែក និងព្យាបាលស្នាមខ្មៅនៅលើស្បែកផងដែរ។ ចំពោះអ្នកដែលកំពុងមានមុខស្នាមអុចខ្មៅ ឬជាំ អាចចិតផ្លែប៉េងប៉ោះជាចំណិតស្តើងៗរួចយកទៅបិទនៅត្រង់ស្នាមខ្មៅទាំងនោះទុកចោល ១៥នាទី រួចលាងទឹកចេញអាចជួយឱ្យស្នាមអុចខ្មៅទាំងនោះបាត់បន្តិចម្តងៗ។
បញ្ជាក់អាហារទាំងអស់នេះ មិនមែនអ្នកញ៉ាំភ្លាមបាត់ជាំភ្លាមនោះទេ ហើយក៏មិនមែនមានន័យថាអ្នកមានបញ្ហាជាំញ៉ាំអាហារទាំងអស់នេះហើយបាត់ជាំ១០០%នោះដែរ។ គឺត្រូវព្យាយាមញ៉ាំឱ្យបានរាល់ថ្ងៃ បូកផ្សំជាមួយការថែទាំស្បែកផ្សេងៗទៀត ឈប់លាបផលិតផលដែលមានជាតិកាត់ លាបឡេការពារកម្តៅថ្ងៃកុំខាន ញ៉ាំទឹកឱ្យច្រើន ព្យាយាមនៅកន្លែងត្រជាក់ ការពារមុខកុំឱ្យប៉ះជាមួយកម្តៅថ្ងៃ៕
អត្ថបទដោយ៖ មឿន គន្ធា