សុខភាពខួរក្បាលគឺជារឿងសំខាន់ណាស់ ការថែរក្សាសុខភាពល្អ អាចជួយធ្វើឱ្យអ្នកមានសុខភាពល្អដូចគ្នា គឺជួយឱ្យអ្នកមានខខួរក្បាលល្អ គិតរហ័សរហួន មិនងាយភ្លេចភ្លាំង។ ដូច្នេះហើយនៅក្នុងអត្ថបទនេះខ្ញុំនឹងមកប្រាប់បងប្អូនពីទម្លាប់៣យ៉ាងហ្វឹកហាត់ខួរក្បាលរបស់អ្នកឱ្យមានសុខភាពល្អ បង្កើនការចងចាំ នេះបើយោងតាមរយៈប្រភព www.alz។

១ហ្វឹកហាត់ខួរក្បាល៖ មានន័យថាទោះបីជាអ្នកជាមនុស្សមានខួរក្បាលល្អ ឆ្លាតយ៉ាងណាក៏ដោយ បើសិនអ្នកជាមនុស្សដែលខ្ជិលមិនរៀនអ្វីថ្មីៗមិនហ្វឹកហាត់អ្វីថ្មីៗ ទុកខួរក្បាលចោល អ្នកប្រាកថជាងាយនឹងភ្លេចភ្លាំងច្រើនវិញ លែងឆ្លាតដូចមុនមិនខាន។ ខួរក្បាលរបស់យើងប្រៀបដូចជាកាំបិតអ៊ីចឹង បើសិនយើងមិនប្រើប្រាស់ច្បាស់ណាស់វានឹងលែងមុតហើយ។

២ការពារក្បាលរបស់អ្នក៖ មានន័យថា ការពារខួរក្បាលឱ្យមានសុវត្ថិភាព កុំឱ្យប៉ះទង្គិច ត្រូវរបួសច្រើន ព្រោះការប៉ះទង្គិចខួរក្បាលញឹកញាប់អាចធ្វើឱ្យអ្នកប្រឈមនឹងខ្សោយខួរក្បាល ខូចខួរក្បាល ឬក៏អាចគ្រោះថ្នាក់ធ្ងន់ធ្ងរផ្សេងៗទៀត។ ដូច្នេះមុនទៅណាមកណាគួរតែពាក់មួកសុវត្ដិភាពឱ្យបានត្រឹមត្រូវ។

៣ឈប់ជក់បារី៖ ជាការពិតណាស់​ការជក់បារីមិនមែនជារឿងល្អទេ​ ជក់បារីគឺអាចប៉ះពាល់ដល់ខួរក្បាលរបស់យើងខ្លាំង ងាយនឹងខ្សោយខួរក្បាល ភងាយកើតជំងឺភ្លេចភ្លាំងជាដើម។​ ដូច្នេះហើយបើអ្នកកំពុងជក់បារីគួរតែបញ្ឃប់ទៅមិនទាន់ហួសពេលទេ។

៤គ្រប់គ្រងសម្ពាធឈាម និងជំងឺទឹកនោមផ្អែម៖ ការថែទាំសុខភាព គ្រប់គ្រងសម្ពាធឈាម និងំជំងឺទឹកនោមផ្អែម គឺជារឿងមួយដែលបងប្អូនត្រូវយកចិត្តទុកដាក់ព្រោះជំងឺនេះប៉ះពាល់ដល់ការរស់នៅរបស់យើងខ្លាំងណាស់ ជាពិសេសនាំជំងឺអាក្រក់ៗមកកាន់តែខ្លាំងអ្វីដែលពិសេសក៏បង្កជាផលប៉ះពាល់ដល់ខួរក្បាលផងដែរ។

៥ការញ៉ាំអាហារត្រឹមត្រូវ៖  ការញុំាអាហារ មានសុខភាពល្អអាចជួយកាត់បន្ថយហានិភ័យនៃការថយចុះការយល់ដឹងរបស់អ្នក។ ដូច្នេះហើយរបបអាហារគឺសំខាន់ខ្លាំងណាស់ ដែលអ្នកគួរតែញុំាឱ្យបានច្រើន ព្រោះមនុស្សយើងរស់នៅជាមួយរបបអាហារសម្រាប់ទ្រទ្រង់បើយើងមានរបបអាហារល្អ សុខភាពរបស់យើងក៏ល្អដូចគ្នា។

សរុបមក បើសិនបងប្អូនចង់បានសុខភាពខួរក្បាលល្អ កុំភ្លេចអនុវត្តវិធី៥ខាងលើនេះ៕