អាការឈឺចាប់តាមសន្លាក់រុំារ៉ៃ ឈឺសាច់ដុំ ជើងដៃ ជាពិសេសត្រង់បរិវេណកំភួនជើង បច្ចុប្បន្នអាចកើតមានទាំងក្មេង ចាស់ ប្រុស ស្រី ដោយសារកត្តាគួបផ្សំផ្សេងៗ បូកបញ្ជូលជាមួយនឹងជំងឺផងដែរ។
ផ្អែកទៅតាមប្រភពចេញផ្សាយ webmd បានលើកឡើងនូវជំងឺ៦ប្រភេទ ដែលបង្កឱ្យកើតចេញជាអាការឈឺចាប់នូវត្រង់បរិវេណជើងនេះឡើង ទាល់តែទៅពិនិត្យជាមួយនឹងពេទ្យជំនាញទើបអាចដឹងពីប្រភេទជំងឺទាំងនោះច្បាស់៖
១. ជំងឺសរសៃឈាមខាងចុង (PAD)៖ គឺការរួមតូច ឬស្ទះសរសៃឈាមពីបេះដូងទៅជើង បង្កជារោគសញ្ញាធ្វើឱ្យមានអារម្មណ៍ថា ជើងទន់ខ្សោយ ស្ពឹក ឬរមួលក្រពើនៅពេលដើរ។ ទន្ទឹមនឹងនេះ វាក៏អាចមានអារម្មណ៍ថា ត្រជាក់ ឬប្រែពណ៌ចម្លែកនៅត្រង់បរិវេណចុងជើងផងដែរ។
ចំពោះដំណោះស្រាយសម្រាប់បុគ្គលមួយចំនួន គ្រាន់តែផ្លាស់ប្តូរទម្លាប់ឈប់ជក់បារី។ ដោយឡែក ប្រសិនបើវាមិនបាត់ទេ គួរតែប្រញាប់ទៅរកគ្រូពេទ្យជំនាញ ដើម្បីទទួលការព្យាបាលឱ្យបានត្រឹមត្រូវជាមួយនឹងប្រភេទថ្នាំ ឬអាចនឹងវះកាត់ក្នុងករណីធ្ងន់ធ្ងរ។
២. ជំងឺស្ទះសរសៃឈាមវ៉ែនជ្រៅ (DVT)៖ បញ្ហាកំណកឈាមក្នុងសរសៃវ៉ែន នៅភ្លៅ ឬជើងភ្នែកខាងក្រោម វាមិនបង្កឱ្យមានរោគសញ្ញានោះទេ ប៉ុន្តែបើមានការឈឺចាប់ ហើមជើង ក្តៅ និងក្រហមជើង គួរតែហៅទូរស័ព្ទទៅវេជ្ជបណ្ឌិតភ្លាមៗ ពីព្រោះក្នុងករណីធ្ងន់ធ្ងន់នៃជំងឺប្រភេទនេះ អាចនាំឱ្យកំណកឈាមកើនឡើងទៅដល់សួត។
ជាដំណោះស្រាយរបស់គ្រូពេទ្យ អាចផ្តល់ថ្នាំ ដើម្បីរក្សាកំណកឈាមមិនឱ្យបង្កើតការលូតលាស់ ឬរំលាយកំណកឈាមនោះចេញតាមវិធីវេជ្ជសាស្ត្រ។
៣. ជំងឺរលាកសន្លាក់៖ ជម្ងឺទូទៅដែលប៉ះពាល់ដល់សន្លាក់ អាចបណ្តាលឱ្យមានការឈឺចាប់ ហើម និងរឹងនៅត្រង់បរិវេណត្រគាក ជង្គង់ ឬកជើង បង្កឱ្យពិបាកក្នុងការដើរ ឬធ្វើសកម្មភាពប្រចាំថ្ងៃផ្សេងទៀត។
ក្នុងករណីនេះ គ្រូពេទ្យជំនាញ នឹងណែនាំឱ្យធ្វើលំហាត់ប្រាណ និងរក្សាទម្ងន់ឱ្យមានតុល្យភាពល្អ។ ប្រើបន្ទះកំដៅ ឬថង់ទឹកកក ស្អំនៅលើសន្លាក់ដែលឈឺ ដើម្បីបន្ថយការឈឺចាប់ និងហើម ជាមួយនឹងការប្រើថ្នាំបំបាត់ការឈឺចាប់ដែលបានណែនាំចេញពីគ្រូពេទ្យផ្ទាល់។
៤. ស្ពឹក៖ បញ្ហានេះ កើតឡើងនៅពេលជាលិកាដែលភ្ជាប់ឆ្អឹងទៅនឹងឆ្អឹងមួយហៅថា ligament ត្រូវបានលាតសន្ធឹង ឬរហែក បង្កឱ្យតំបន់នោះរងរបួសហើម និងឈឺចាប់។
វិធីល្អបំផុតក្នុងការព្យាបាល វគឺសម្រាកស្អំទឹកកក (រុំដោយកន្សែងស្តើងប្រហែល ២០នាទី ២ ឬ៣ដងក្នុងមួយថ្ងៃ) ប្រសិនណាមិនបាត់ត្រូវទៅជួបគ្រូពេទ្យ ដើម្បីថតកាំរស្មីអ៊ិច និងពិនិត្យសន្លាក់ឆ្អឹងថា តើមានបញ្ហាមួយណាឱ្យប្រាកដ។
៥. សាច់ដុំទាញ៖ បញ្ហានេះ ភាគច្រើនកើតមានចំពោះអ្នកលេងកីឡា នៅពេលណាសាច់ដុំលាតសន្ធឹងឆ្ងាយពេក និងបង្កឱ្យមានការឈឺចាប់ខ្លាំង។
ការព្យាបាលល្អបំផុត គឺត្រូវស្អំទឹកកករយៈពេល ២០នាទីក្នុងមួយដង ច្រើនដងក្នុងមួយថ្ងៃ។ ក្រៅពីនោះ អាចបិទបន្ទះកម្តៅ ឬប្រើថ្នាំបំបាត់ការឈឺចាប់បាន។
អត្ថបទដោយ៖ ប៉ាវ ភក្តី