សុខភាពរបស់ទ្វារមាសគឺជារឿងសំខាន់ ដែលគ្រប់គ្នាគួរតែយកចិត្តទុកដាក់ក្នុងការថែទាំ ព្រោះថាបើមិនដូច្នេះទេ ងាយនឹងប្រឈមបញ្ហា ដូចជាស្ងួតទ្វារមាស បញ្ហារលាក រមាស់ ឬក៏មានបញ្ហាធ្លាក់សរុំារ៉ៃឡើងមក។ បញ្ហាទាំងអស់នេះអាចថាជារឿងធម្មតារបស់មនុស្សស្រី តែបើសិនបញ្ហានេះរុំារ៉ៃមិនបាត់ កាន់តែខ្លាំងទៅ ហើយស្រីៗមិនព្រមយកចិត្តទុកដាក់ ងាយនឹងប្រឈមគ្រោះថ្នាក់កាន់តែខ្លាំងជាក់ជាមិនខាន។
ជាមួយគ្នានេះដែរ ស្រីៗយើងត្រូវមានទម្លាប់ល្អមួយចំនួនដែលអាចជួយការពារសុខភាពទ្វារមាសរបស់អ្នកឱ្យប្រសើរឡើង ដូចជា ទម្លាប់ធ្វើអនាម័យក្រោយពេលបន្ទោរបង់ ទម្លាប់លាងសម្អាតទ្វារមាសបន្ទាប់ពីរួមភេទរួច ទម្លាប់ធ្វើអនាម័យពេលមករដូវជាដើម ព្រោះបើស្រីៗមានទម្លាប់ល្អទាំងនេះគឺអាចជួយឱ្យស្រីៗយើងមិនសូវមានបញ្ហាខាងលើច្រើននោះទេ។
អាស្រ័យហេតុនេះហើយ យើងមកចែករំលែក ផ្លែឈើ៣ប្រភេទដែលស្រីៗយើងអាជ្រើសយកទៅញុំាបានព្រោះវាមានអត្ថប្រយោជន៍ជួយទ្វារមាស៖
១.ផ្លែប័រ៖ ជាការពិតណាស់ ផ្លែប័រមិនត្រឹមតែមានរសជាតិឆ្ងាញ់នោះទេ តែមានអត្ថប្រយោជណ៍នឹកស្មានមិនដល់។ នេះក៏ព្រោះតែក្នុងផ្លែព័រសម្បូរដោយ ខ្លាញ់ល្អ វីតាមីនបេ៦ ប៉ូតាស្យូម ដែលទាំងអស់នេះគឺជួយកាត់បន្ថយភាពស្ងួតរបស់ទ្វារមាស ជួយដល់ការបញ្ចេញទឹករំអិលរបស់ទ្វារមាសតាមធម្មជាតិ ដែលជួយការពារទ្វារមាសកុំឱ្យស្ងួតខ្លាំង និងជួយឱ្យសុខភាពផ្លូវភេទអ្នកញុំាល្អប្រសើរផងដែរ។
២.ផ្លែក្រូច៖ នៅក្នុងផ្លែក្រូចសម្បូរដោយ វីតាមីនស៊ី និងសារធាតុប្រឆាំងអុកស៊ីតកម្ម ដូច្នេះការញុំាផ្លែក្រូចគឺមានប្រយោជន៍ច្រើនជួយដល់ទ្វារមាសដូចជា ជួយកាត់បន្ថយជំងឺដុំសាច់ក្នុងស្បូន ជួយជម្រុញឈាមរត់ស្រួល និងជួយបង្កើនលទ្ធភាពមានកូន។ ដូច្នេះស្រីៗយើង កុំភ្លេចទម្លាប់ញុំាផ្លែក្រូចខ្លះផង អាច១សប្ដាហ៍ញុំា១ទៅ២ដងក៏បានដែរ។
៣.ផ្លែប៉ោម៖ ការទទួលទានផ្លែប៉ោមគឺមានប្រយោជន៍ជួយដល់សុខភាពបរបស់ទ្វារមាសនេះក៏ព្រោះតែក្នុងផ្លែប៉ោមសម្បូរដោយ phytoestrogen phloridzin និងសារធាតុប្រឆាំងអុកស៊ីតកម្ម ពេលញុំាទៅជួយជម្រុញលំហូរឈាមទ្វារមាស ជួយធ្វើឱ្យទ្វារមាសមានសំណើម។ អ្វីដែលពិសេសផ្លែប៉ោមក៏មានប្រយោជន៍ជួយដល់សុខភាពរបស់ក្រពះពោះវៀនដូចគ្នាព្រោះវាសម្បូរដោយជាតិសរសៃ។
ជាចុងក្រោយបងប្អូនស្រីៗយើងក្រៅពីការធ្វើអនាម័យទ្វារមាសឱ្យបានត្រឹមត្រូវ ក៏គួរតែ ឧស្សាហ៍ញុំាផ្លែឈើ៣មុខនេះផង ព្រោះមានប្រយោជន៍ច្រើនជួយសុខភាពទ្វារមាសនិងសុខភាពទូទៅដូចគ្នា៕
ប្រភព៖ pharmeasy