ការងាររបស់អ្នក ជីវិតរបស់អ្នក និងលទ្ធផលរបស់អ្នក បញ្ជាក់ពីគំនិតរបស់អ្នក។ សម្រាប់ជីវិតបុគ្គលអស្ចារ្យទាំងឡាយវិញ ការសំលៀងគំនិតឱ្យមុតស្រួចជារឿងសំខាន់ណាស់។ ជីវិតធ្លាក់ចុះ ឬឡើងកើតចេញពីការខំប្រឹង ហើយការប្រឹងប្រែងដុះលទ្ធផលល្អ ក៏ព្រោះតែគំនិតនេះឯង។ ដូច្នេះ គតិបណ្ឌិតចំនួនពីលោក Donald Trump ជួយបណ្តុះគំនិតនិងសមត្ថភាពរបស់អ្នកឱ្យមុត។
១. ខ្ញុំព្យាយាមរៀនពីអតីតកាល ប៉ុន្តែខ្ញុំមានគម្រោងការណ៍សម្រាប់ពេលអនាគតដោយផ្ដោតតែទៅលើបច្ចុប្បន្នតែប៉ុណ្ណោះ។
២. ការរកលុយឲ្យបានច្រើន ខ្ញុំមិនបានស្រឡាញ់វាទេ តែសម្រាប់ខ្ញុំ គឺខ្ញុំមានមហិច្ឆតាត្រូវការបង្កើតអ្វីមួយឲ្យមានភាពអស្ចារ្យបំផុត វាជាការសក្តិសមដែលខ្ញុំទទួលបានតម្លៃសម្រាប់ការប្រយុទ្ធរបស់ខ្ញុំមួយនេះ។
៣. បើអ្នកប្រយុទ្ធដើម្បីអ្វីម្យ៉ាងដែលអ្នកត្រូវការនោះ ទោះបីមានស្ថានការណ៍លំបាក ឬមានការខ្វែងគំនិតគ្នា ឲ្យតែអ្នកស៊ូដល់ទីបញ្ចប់ អ្នកនឹងមានរឿងល្អៗកើតឡើងជាមិនខានឡើយ។
៤. ខ្ញុំមិនដែលចាយលុយមិនគិតនោះទេ ខ្ញុំរៀនពីឪពុករបស់ខ្ញុំថា លុយមួយកាក់មួយសេននេះ វាមានតម្លៃណាស់ ហើយលុយនឹងកើនឡើងទៅជាដុល្លារបាន។
៥. ខ្ញុំមានបទពិសោធន៍ថា វាមិនសំខាន់ទេ សម្រាប់អ្នកដែលប្រើពេលវេលាប៉ុន្មានម៉ោងដើម្បីធ្វើការងារនោះ តែអ្វីដែលសំខាន់ គឺថា អ្នកបានសម្រេចអ្វីខ្លះ?
៦. បើអ្នកមានជំនួញជារបស់ខ្លួន អ្នកត្រូវធ្វើការឲ្យច្រើនដោយខ្លួនឯង។
៧. មនុស្សយើងត្រូវមានគោលដៅមួយក្នុងជីវិត ដែលរស់នៅឲ្យបានល្អនោះ គឺធ្វើប្រើជីវិតនេះឲ្យអស់ពីសមត្ថភាព។
៨. អ្នកខ្លះកើតមកដើម្បីឈ្នះ តែមានអ្នកខ្លះកើតមកត្រូវហ្វឹកហាត់ខ្លួនជាមុនសិន ដើម្បីក្លាយជាអ្នកឈ្នះ។
៩. ចូរកុំមើលខ្លួនអន់ពេក ពីព្រោះជីវិត គឺជាការងារសិល្បះ។ ជំនួញ គឺជាការងារសិល្បះ។ ដូច្នេះអ្នកត្រូវធ្វើជាសិល្បករ និងធ្វើអ្វីដែលមានលក្ខណៈរបស់ខ្លួនឲ្យល្អបំផុត។
១០. សេដ្ឋីពាន់លានមិនដែលខ្វល់ទេ ចំពោះឱកាសវាមានច្រើនប៉ុណ្ណាទេ ហើយមិនស្តាប់សម្លេងគំនិតមនុស្សសាមញ្ញៗ ឬមនុស្សធ្វើអ្វីដែលធម្មតាៗ ឬអ្វីដែលមានការស្មានទុករបស់អ្នកដទៃនោះទេ សម្រាប់សេដ្ឋីពាន់លានជាមនុស្សធ្វើអ្វីៗតាមទស្សនៈការយល់ឃើញរបស់គេផ្ទាល់ ទោះបីមានមនុស្សជាច្រើនគិតថា គេជាមនុស្សឆ្កួតក៏ដោយ៕ អត្ថបទដោយ៖ ទ្រ សុភាព