បើយោងតាមគេហៈទំព័រហ្វេសប៊ុកផ្លូវការរបស់នាយកដ្ឋានប្រយុទ្ធនឹងជំងឺឆ្លងCDCកម្ពុជា បានចុះផ្សាយថា បុគ្គលដែលមានអារម្មណ៍មិនស្រួលខ្លួនរួមជាមួយសីតុណ្ហភាពខ្ពស់ក្នុងអំឡុងពឹលអាកាសធាតុក្ដៅ បុគ្គលនោះអាចនឹងមានជំងឺនឿយហត់ដោយកំដៅ ឬជំងឺដាច់សរសៃឈាមខួរក្បាល ហើយរោគសញ្ញានៃការហត់នឿយក្នុងកំដៅរួមមាន៖

-អស់កម្លាំង

-វិលមុខ

-ឈឺក្បាល

-មានអារម្មណ៍មិនស្រួលខ្លួន

-បែកញើសច្រើន​ ហើយស្បែកប្រែជាស្លេក និងស្អិត ឬឡើងកន្ទួលកំដៅក្រហម

-រមួលក្រពើនៅដៃ ជើង និងក្រពះ

-ដកដង្ហើមញាប់ ឬចង្វាក់បេះដូងញាប់

-ខ្លួនប្រាណមានកំដៅខ្ពស់លើសពី ៣៨.៥

-ស្រេកទឹកខ្លាំងណាស់

-ទន់ខ្សោយ អស់កំលាំងល្ហិតល្ហី។

នៅក្នុងដែរ នាយកដ្ឋានប្រយុទ្ធនឹងជំងឺឆ្លងCDCកម្ពុជា បានរៀបរាប់បន្ថែមថា អ្នកត្រូវចេះនូវវិធីព្យាបាល និងសង្គ្រោះបឋមអំឡុងពេលក្ដៅខ្លាំងរួមមាន៖

-ផ្លាស់ទីអ្នកជំងឺទៅកន្លែងត្រជាក់

-ដោះសម្លៀកបំពាក់ដែលមិនចាំបាច់ទាំងអស់ ដូចជាស្រោមជើង អាវក្រាសៗ

-ផ្តល់ភេសជ្ជៈជាតិទឹក ឬទឹកត្រជាក់

-ធ្វើឱ្យស្បែកករត្រជាក់ បាញ់ ឬអេប៉ុលត្រជាក់ និងបក់ខ្យល់ឱ្យរុំក្រណាត់ត្រជាក់ដាក់ក្រោមក្លៀកគល់ភ្លៅជាដើម

-សង្គ្រោះអ្នកជំងឺរហូតដល់មានភាពប្រសើរ អ្នកជំងឺនឹងចាប់ផ្ដើមត្រជាក់ និងមានអារម្មណ៍ធូរស្រាលក្នុងរយៈពេល៣០នាទី

-បញ្ជូនទៅពេទ្យបើចាំបាច់ ឬទាក់ទងលេខ ១១៥។

ដូច្នេះប្រសិនបើបងប្អូនប្រជាពលរដ្ឋមានបញ្ហាសុខភាព ឬសង្ស័យថាមានជំងឺ សូមប្រញាប់ទៅស្វែងរកការពិនិត្យពិគ្រោះនៅមន្ទីរពេទ្យរដ្ឋដែលនៅជិតផ្ទះរបស់លោកអ្នក ឬទំនាក់ទំនងតាមលេខផ្ដល់ជូនខាងក្រោម៖ ០១២-៤៨៨-៩៨១ និង ០១២-៨៣៦-៨៦៨ និង ១១៥។