រមៀតគឺជាគ្រឿងទេសដ៏សំខាន់ ដែលមានផ្ទុកទៅដោយសារធាតុ Curcumin មានតួនាទីប្រឆាំងអុកស៊ីតកម្ម ប្រឆាំងនឹងការរលាក បង្កើនការចងចាំ កាត់បន្ថយហានិភ័យនៃជំងឺបេះដូង ជួយការពារជំងឺមហារីក។ ពិសេសទៅទៀតនោះ រមៀតត្រូវបានគេយកទៅប្រើប្រាស់ជាគ្រឿងថែរក្សាសម្រស់ ជួយស្បែក និងកាត់បន្ថយភាពចាស់បានយ៉ាងល្អផងដែរ។

ជាការពិតណាស់ ដោយមើលឃើញពីអត្ថប្រយោជន៍ជាច្រើនរបស់ម្សៅក្បាលរមៀត ក្រុមការងារចាបបៃតងក៏បានសម្ភាសន៍ផ្ទាល់ជាមួយ បងស្រី កញ្ចនា founder សិប្បកម្មម្សៅក្បាលរមៀតខ្មែរ (CC Skin) បងស្រីបានបញ្ជាក់ប្រាប់មកថា ម្សៅក្បាលរមៀតឬម្សៅរមៀតពិតជាមានអត្ថប្រយោជន៍ច្រើនណាស់សម្រាប់សុខភាព និងសម្រស់។ ម្សៅក្បាលរមៀតមានផ្ទុក វីតាមីន E ,កាល់ស្យូម ,ជាតិដែក ជួយបំពេញគ្រប់ឈាមក្រហម សម្រួលឱ្យរដូវទៀងទាត់ ជំនួយឆ្អឹង ជួយផ្សះផ្សាមុខរបួសបានល្អ ធ្វើអោយស្បែកមានសំណើម ផលិត collagen បានល្អ ជួយបំបាត់ស្នាមជ្រាវជ្រួញ និងពន្យាភាពចាស់ផងដែរ។ អាចញ៉ាំបានចាប់ពីពេលពេញវ័យរបស់ដល់មនុស្សចាស់ទាំងស្រីទាំងប្រុស។

ចំពោះរបៀបនៅក្នុងការឆុងផឹក បងស្រី កញ្ចនា បញ្ជាក់ប្រាប់លម្អិតដូចខាងក្រោម៖

·  ឆុងញ៉ាំរាល់ថ្ងៃ ១ថ្ងៃ ១ដង ញ៉ាំមុនអាហារព្រឹក ៣០នាទី ឬបើបងប្អូនចង់ញ៉ាំពេលយប់ គឺញ៉ាំមុនចូលគេង៣០នាទី។ របៀបឆុង៖ ដាក់ម្សៅ ១ស្លាបព្រាកាហ្វេ លាយជាមួយទឹកដោះគោឆៅ ឬ ទឹកដោះគោស្រស់១កែវ(អាចបន្ថែមទឹកឃ្មុំ នឹង ក្រូចពោធិ៍សាត់) ក៏បានបើមាន។

បន្ថែមពីលើនេះទៀត ម្សៅក្បាលរមៀតគឺមិនធ្វើឱ្យប៉ះពាល់ទៅដល់ក្រពះឬពោះវៀននោះទេ ប៉ុន្តែវាអាចមានភាគរយតិចបំផុតចំពោះអ្នកដែលប្រតិកម្មជាមួយនិងរមៀត ឬអ្នកដែលគាត់កំពុងតែលេបថ្នាំលើសឈាមជាប្រចាំ គាត់គួរតែទៅពិភាក្សាជាមួយគ្រូពេទ្យឱ្យបានសិន ព្រោះពេលខ្លះសារធាតុដែលមានផ្ទុកនៅក្នុងរមៀតគឺវាមានប្រតិកម្មជាមួយថ្នាំលើសឈាម ដែលធ្វើឱ្យអ្នកជំងឺពេលញ៉ាំចូលទៅអាចហើមពោះ។ ប៉ុន្តែចំពោះអ្នកដែលមានសុខភាពធម្មតា មិនលើសឈាម ឬមិនមានញ៉ាំថ្នាំប្រចាំថ្ងៃទេនោះ ជាពិសេសអ្នកដែលគាត់កំពុងខ្វះគ្រាប់ឈាមក្រហម គាត់អាចញ៉ាំម្សៅរមៀតទៅតាមរបៀបណែនាំខាងលើបាន។ នេះបើផ្អែកតាម clevelandclinic

គូសបញ្ជាក់ផងដែរថា បើទោះជាម្សៅក្បាលរមៀតល្អចំពោះសុខភាពនិងសម្រស់ក៏ពិតមែន ប៉ុន្តែក្នុង១ថ្ងៃអ្នកមិនគួរផឹកវាឱ្យលើសពី៥០០ml ឬលើសពី២ដងឡើយ។ មួយវិញទៀតប្រសិនជាបងប្អូនចង់ទិញជាមួយម្សៅក្បាលរមៀតធម្មជាតិនេះ បងប្អូនអាចទំនាក់ទំនងទៅកាន់ផេក CC Skin បាន៕