លោក​ Hyun bin គាត់ធ្លាប់បានប្រាប់នៅក្នុងកិច្ចសម្ភាសន៍ជាមួយកម្មវិធីទូរទស្សន៍កូរ៉េថា ជីវិតមនុស្សយើងនៅពេលដែលមានគ្រួសារ មានគូជីវិត ក្លាយជាស្វាមីរិយាហ្នឹង គ្នា គឺប្រៀបដូចជាយើងកំពុងសាងសង់ផ្លូវដើរទៅមុខជាមួយគ្នាអញ្ចឹង ផ្លូវដើររបស់យើងអាចដើរទៅមុខជាមួយគ្នាបានយូរឬឆាប់ ផ្លូវនោះពិបាកឬស្រណុក អាស្រ័យនៅលើយើងទាំង២នាក់។ ហើយចំណុចសំខាន់ចំនួន៣​ដែលធ្វើឱ្យជីវិតគូររបស់លោកដើរមកដល់រាល់ថ្ងៃនេះ នៅតែរក្សាចិត្តស្រឡាញ់ចំពោះគ្នា រក្សាភាពផ្អែមល្ហែមជាមួយជាបាន។

ទី១ គឺលោក Hyun bin និងភរិយារបស់គាត់ គឺជាមនុស្សដែលមានគោលដៅរួមគ្នាតែមួយ ហើយគឺជាមនុស្សដែលមានចំណុចដូចគ្នាច្រើន និងចំណង់ចំណុលចិត្តដូចគ្នា។ លោក​ Hyun bin គាត់បានប្រាប់ថា មិនថាជាសង្សា ជាស្វាមីភរិយា ទោះយើងស្រឡាញ់គ្នាខ្លាំងយ៉ាងណាក៏ដោយ ប៉ុន្តែប្រសិនបើយើងជាមនុស្សដែលមានចិត្តគណិត២ផ្សេងគ្នាដាច់ស្រឡះ គ្មានចំណុចដូចគ្នា ចំណង់ចំណុលចិត្តមិនដូចជា ចំណងស្នេហ៍របស់យើងគ៏មិនអាចដលរមុខរួមគ្នាបានទេ មិនយូរមិនឆាប់គឺយើងប្រាកដជាបែកគ្នាមិនខាន។

ទី២ អ្វីដែលធ្វើឱ្យគូស្នេហ៍ Hyun bin និង yejin នៅតែរក្សាភាពផ្អែមល្ហែមជាមួយគ្នា ស្រឡាញ់យល់ចិត្តគ្នាដូចគ្រាដំបូង គឺអ្នកទាំង២ជាមនុស្សដែលផ្តល់តម្លៃឱ្យគ្នាទៅវិញទៅមក។ ត្រង់ចំណុចនេះគឺពិតជាសំខាន់ខ្លាំងមែនទែន ជីវិតជាប្តីប្រពន្ធគឺយើងត្រូវចេះផ្តល់តម្លៃឱ្យគ្នាទៅវិញទៅមក គាំទ្រ នៅក្បែរ ចាំជួយគ្នា ជាទីប្រឹក្សាឱ្យគ្នា។ ជាជីវិតគូរដែលខ្វះគ្នាមិនបាន ជីវិតគួរបែបនេះទោះជារៀបការជាមួយគ្នាយូរយ៉ាងណាក៏ដោយ គឺនៅតែអាចរក្សាភាពផ្អែមល្ហែមជាមួយគ្នាដល់ចាស់។

ចំណុចទី៣សំខាន់ គឺភាពស្មោះត្រង់ លោក Hyun bin និងyejin គឺគាត់បានសន្យាជាមួយគ្នាតាំងពីថ្ងៃដែលគាត់រៀបការជាមួយគ្នា ជីវិតគូររបស់គាត់ហ្នឹងគ្មានពាក្យថាការលាក់បាំងជាមួយគ្នានោះទេ មិនថាមានរឿងអ្វីសុខឬទុក រឿងតូចឬធំ គឺតែងតែនិយាយប្រាប់គ្នា ហើយរក្សាភាពស្មោះត្រង់ជានិច្ច។ នេះហើយជាអ្វីដែលធ្វើឱ្យចំណងស្នេហ៍របស់អ្នកទាំង២ ជាចំណងស្នេហ៍ដែលមានភាពផ្អែមល្ហែម មានភាពស្និតស្នាល និងរក្សាក្តីស្រឡាញ់បានគង់វង្សតាំងពីថ្ងៃដំបូងរហូតមកដល់ពេលនេះ។