អ្នកស្រ្តេសយូរចាស់អត់ខ្លួនទេព្រោះគរបាត់បង់កោសិកាចិញ្ចឹមស្បែករបស់គេពីមួយថ្ងៃទៅមួយថ្ងៃ។ ពេលអ្នកស្រ្តេស អ្នកតែងតែមានអារម្មណ៍ឃ្លានចង់ហូបអាហារណាឆ្ងាញ់ៗ ដូចជានំខេក ទឹកក្រឡុកការ៉េម ភីហ្សា ប៊ឺហ្គឺ មាន់បំពង ឈីស និងភេសជ្ជៈប៉ូវកម្លាំង ទឹកក្រូច ឬទឹកសូដា ជាដើម។ ពេលអ្នកមានទម្លាប់ហូបបែបនេះងាយឡើងគីឡូវាធ្វើឱ្យឆាប់ចាស់ណាស់។ ចូរអ្នកចៀសវាងកុំធ្វើរឿង ៣នេះ ស្បែកអ្នកកម្រចាស់។
១. ធ្វើលំហាត់ប្រាណបែប Cardio៖ អ្នកដែលគ្មានទម្លាប់ហាត់ប្រាណបញ្ចេញញើសទេ ងាយធ្វើឱ្យស្បែកឆាប់ចាស់ ព្រោះតែគេងាយធាត់ មើលទៅឆាប់ចាស់ជាងវ័យ។ ដូចនេះហើយ លំហាត់ប្រាណ Cardio ជាលំហាត់ប្រាណប្រភេទស្រាលដូចយូហ្គា ដើរ រត់... វាជួយប្រយុទ្ធប្រឆាំងនឹងជាតិខ្លាញ់ ធ្វើឱ្យបេះដូងផលិតឈាមទៅកាន់រាងកាយនិងដុតបញ្ឆេះកាឡូរី សម្រកជាតិខ្លាញ់។ តាមការសិក្សាបានរកឃើញថា ការហាត់ប្រាណតាមបែប Cardio ត្រឹមតែរយៈពេល ១៥០ទៅ២០០នាទីក្នុងមួយសប្តាហ៍ជួយឱ្យចរន្តឈាមដំណើរការបានល្អ និងជួយស្បែកឱ្យមានសភាពភ្លឺថ្លាពីខាងក្នុង។ ការធ្វើលំហាត់ប្រាណ Cardio ពិតជាមានឥទ្ធិពលដល់ស្បែកឱ្យក្មេងជាងវ័យពិតប្រាកដ។
២ កាត់បន្ថយជាតិស្ករ បច្ចុប្បន្ននេះ គឺកំពុងពេញនិយមណាស់ ភេសជ្ជៈផ្អែម តែគុជ តែទឹកដោះគោ ក្រែមឈីស ផ្អែម និងអាហារសម្បូរជាតិស្ករជាច្រើនផ្សេងទៀត ដែលអ្នកទាំងអស់គ្នាគួរតែកាត់បន្ថយ។ ព្រោះការសិក្សាគេរកឃើញថា ពេលដែលយើងញ៉ាំជាតិស្ករ ច្រើនជាតិស្ករដែលលើសវាភ្ជាប់ទៅនឹងប្រូតេអ៊ីននៅក្នុងចរន្តឈាម ហើយបង្កើតម៉ូលេគុលដែលបង្កគ្រោះថ្នាក់ហៅថា "AGEs" ម៉ូលេគុលទាំងនោះ វានឹងទៅបំផ្លាញ collagen និង elastin នៅក្នុងស្បែករបស់អ្នក បំផ្លាញកាន់តែច្រើន ស្នាមជ្រួញកាន់តែកើត ស្បែកយារធ្លាក់កាន់តែខ្លាំង។ កាត់បន្ថយជាតិស្ករ ហើយគួរទទួលទានទឹកឱ្យបានច្រើន ទើបស្បែករបស់អ្នកស្អាត់ក្មេងជាងវ័យ។
៣. គ្រឿងស្រវឹងជាកត្តាដឹកនាំស្បែករបស់អ្នកសម្បូរជាពុល ហើយ ធ្វើឲ្យកម្រិតវីតាមីនចាំបាច់នៅក្នុងរាងកាយថយចុះដូចជា វីតាមីនA។ ការថយចុះវីតាមីន A អាចកាត់បន្ថយផលិតភាពកូឡាជែន ដែលអាចបណ្ដាលឲ្យឆាប់ចេញស្នាមជ្រួញ។ ព្រោះជាតិអាល់កុលក៏អាចធ្វើឲ្យរាងកាយបាត់បង់ជាតិទឹក ជាហេតុចូលរួមចំណែកដល់ការវិវត្តន៍នៃស្នាមជ្រីវជ្រួញលើមុខ និងបណ្ដាលឲ្យស្បែកស្ងួត។ ការញ៉ាំគ្រឿងស្រវឹងច្រើនជាប្រចាំ អាចធ្វើឲ្យមុខឡើងក្រហម ឬឡើងហើម និងបណ្ដាលឲ្យឡើងអុជៗក្រហមលើមុខរហូតក៏ថាបានដែរ៕ អត្ថបទដោយ៖ ទ្រ សុភាព