ជាការពិតថៃ​ជនជាតិថៃភាគច្រើន គឺមានស្បែករលោងស្អាត និងក្មេងជាងវ័យ។ ហើយមានមនុស្សជាច្រើនណាស់ដែលចង់ដឹងថាតើ ជនជាតិថៃមានទម្លាប់រស់នៅបែបណាទើបអាចថែរក្សាសម្រស់ស្អាតយ៉ាងនេះ?

យោងតាមប្រភព Stylecraze បានចុះផ្សាយឱ្យដឹងថា សម្រាប់ជនជាតិថៃគឺត្រូវបានគេសង្កេតឃើញថា តែងតែធ្វើការម៉ាស្សាស្បែកមុខនិងស្បែកខ្លួនរបស់ពួកគេយ៉ាងយកចិត្តទុកដាក់។ ប្រភពដដែលបានឱ្យដឹងថា​ មូលហេតុដែលថៃធ្វើបែបនេះ​គឺ ដើម្បីឱ្យស្បែកមុខរបស់ពួកគេគឺមានភាពទន់ល្មើយ ទន់ម៉ដ្ឋរលោង។ គួរបញ្ជាក់ថាសម្រាប់ការម៉ាស្សាគឺពួកគេភាគច្រើនប្រើប្រេងដូង មកម៉ាស្សាក្រោមភ្នែក ឬតំបន់ដែលមានស្បែកស្ងួត។

ជាមួយគ្នានេះ ជនជាតិថៃភាគច្រើន គឺស្រឡាញ់រូបរាងនិងស្បែករបស់ពួកគេខ្លាំងណាស់។ ស្រ្តីជនជាតិថៃភាគច្រើនគឺ ចូលចិតុ្តការញ៉ាំបន្លែផ្លែឈើច្រើនជាជាងការញ៉ាំសាច់ក្រហម​ដែលអាចធ្វើឱ្យពួកគេងាយនឹងឡើងគីឡូ បន្ថែមពីនេះ ពួកគេចូលចិត្តញ៉ាំសាច់ត្រី ឬគ្រឿងសមុទ្រ ហើយលើសពីនេះ គឺពួកគេចូលចិត្តញ៉ាំបន្លែផ្លែឈើ ពួកគេក៏ចូលចិត្តហាត់ប្រាណដើម្បីឱ្យរាងស្រឡូន​ និងស្បែកស្រស់ថ្លាផងដែរ។

អ្វីដែលគេងដឹងទៀតនោះ ទម្លាប់ដ៏ល្អបំផុតរបស់ជនជាតិថៃ​គឺ ពួកគេញ៉ាំទឹកច្រើនហើយភាគច្រើនទឹករបស់ពួកគេគឺមានបង់ម្សៅកូឡាជែនចូលទៅក្នុងទឹកដើម្បីជួយឱ្យស្បែករបស់ពួកគេភ្លឺរលោង ស្អាត។ បន្ថែមពីនេះ​ ពួកគេក៏ចូលចិត្តញ៉ាំទឹកផ្លែឈើច្រើនផងដែរ ហើយការញ៉ាំទឹកផ្លែឈើស្រស់សឹងតែក្លាយជាទម្លាប់របស់ពួកគេទៅហើយ។ ស្របជាមួយគ្នានេះ ភាគច្រើនស្រ្តីជនជាតិថៃ គឺចូកចិត្តយករមៀតលាយជាមួយទឹក ទឹកឃ្មុំ ទឹកដោះគោ យកមកលាបស្រាលៗនៅលើស្បែក ធ្វើឱ្យស្បែកមើលទៅ​មានភាពភ្លឺរលោងពេញមួយថ្ងៃ ជាពិសេសគឺ ជួយបំបាត់ស្នាមថែមទៀតផង។

យ៉ាងណាមិញ លោក Atichart គឺជាតារាសិល្បៈសេរីចាស់មួយរូបដែលមានភាពល្បីល្បាញខ្លាំងនៃប្រទេសថៃ ហើយលោកគឺជាតារាដែលមានរូបរាងសង្ហា និងជាអ្នកនិយមការហាត់ប្រាណយកសាច់ដុំក្បាលពោះផងដែរ។ លើសពីនេះ លោកតែងតែធ្វើការបង្ហោះ ចែករំលែកវីដេអូហាត់ប្រាណជាច្រើននៅលើហ្វេសប៊ុកផ្លូវការរបស់លោក ជាមួយភរិយារបស់លោក ពីរបៀបហាត់ប្រាណ និងទិកនិកសម្រកគីឡូ ក៏ដូចជាក្បួនថែរក្សារូបរាង។

លោកAtichart ដែបានបន្ថែមថា ការផឹកទឹកក្ដៅជាមួយទឹកក្រូចឆ្មានៅពេលព្រឹកនឹងជួយឱ្យប្រព័ន្ធភាពស៊ាំរឹងមាំ ការពារជំងឺជាច្រើនមុខនៃរាងកាយ។ លើសពីនេះ សារធាតុរបស់ក្រូចឆ្មានឹងទឹកក្ដៅ បានដើរតួនាទីយ៉ាងសំខាន់ក្នុងការដុតរំលាយជាតិខ្លាញ់អាក្រក់ត្រង់ក្បាលពោះ ជួយបណ្ដេញជាតិពុលពីរាងកាយ ជួយលាងសម្អាតជាតិកខ្វក់ក្នុងក្រពះ ជាពិសេសផឹកពេលព្រឹកពេលពោះទទេរ គឺល្អខ្លាំងបំផុតសម្រាប់រាងកាយ។ ម្យ៉ាងវិញទៀត ប្រសិនបើបងប្អូនចូលចិត្តទឹកឃ្មុំ ប​ងប្អូនអាចបន្ថែមទឹកឃ្មុំមួយស្លាបបាយក៏បាន ដើម្បីឱ្យរសជាតិរឹតតែឆ្ងាញ់ ហើយទឹកឃ្មុំក៏ល្អចំពោះសុខភាពផងដែរ។

គួរបញ្ជាក់ផងដែរថា ប្រសិនបើប្រិយមិត្តអ្នកអានចង់មានស្បែកស្អាតដូចស្រ្តីជនជាតិថៃ​ ដូច្នេះត្រូវមានទម្លាប់ហាត់ប្រាណញ៉ាំអាហារដែលមានសុខភាពល្អ និងញ៉ាំទឹកឱ្យបានច្រើន ដើម្បីជួយឱ្យស្បែកមានសំណើមគ្រប់គ្រាន់។

អត្ថបទស្រាវជ្រាវដោយ៖ តឹក ស៊ីថា